استفسار لشراء كاوتش A113

[melkobaby]

السلام عليكم,
عندى استفسار واتمنى الرد بسرعة من اهل الخبرة.
معايا عربية a113 موديل 2011 بها كاوتش جوديير هندى مقاس 14 175/60 للأسف عندى فردتين اتقطعو فى رصيف ,ركبت لوحدة فيهم داخلى وماشى بيها دلوقتى,المهم عايز اشترى فردة دلوقتى واخلى اللى فيها داخلى استبن لحد اما اغيرها,فهل اشترى برده جود يير ولا فى نوع تانى احسن.

[AMMI]

المشاركة الأصلية كتبت بواسطة melkobaby السلام عليكم, عندى استفسار واتمنى الرد بسرعة من اهل الخبرة. معايا عربية a113 موديل 2011 بها كاوتش جوديير هندى مقاس 14 175/60 للأسف عندى فردتين اتقطعو فى رصيف ,ركبت لوحدة فيهم داخلى وماشى بيها دلوقتى,المهم عايز اشترى فردة دلوقتى واخلى اللى فيها داخلى استبن لحد اما اغيرها,فهل اشترى برده جود يير ولا فى نوع تانى احسن.

جود يير كويس
ويوجد انواع اخرى كثيره
مثل ميشلان - بريدجستون - كومهو - كونتنينتال

بس طالما هتجيب فرده واحده فقط يبقى الافضل تجيب جود يير وياريت لو نفس النقشه
وبالتوفيق

[melkobaby]

المشاركة الأصلية كتبت بواسطة AMMI جود يير كويس ويوجد انواع اخرى كثيره مثل ميشلان - بريدجستون - كومهو - كونتنينتال بس طالما هتجيب فرده واحده فقط يبقى الافضل تجيب جود يير وياريت لو نفس النقشه وبالتوفيق

شكرا AMMI على الرد السريع والافادة.
اتمنى لو حد معاه العربية يفيدنى لو حبيت اغير الطقم بعد فترة اجيب نفس النوع برده ولا اغيره وحتى لو هغير المقاس مع العلم ان المقاس ده مش متاح غير (ميشلان كورى) ,(جى تى اندونيسى) ,(جينرال امريكى) و (كومهو كورى) حسب ما سألت فى السوق.
وهل نوع الكاوتش هيفرق معايا اوى خصوصا انى مابجريش جامد بالعربية (90 كم/س)

[AMMI]

المشاركة الأصلية كتبت بواسطة melkobaby شكرا AMMI على الرد السريع والافادة. اتمنى لو حد معاه العربية يفيدنى لو حبيت اغير الطقم بعد فترة اجيب نفس النوع برده ولا اغيره وحتى لو هغير المقاس مع العلم ان المقاس ده مش متاح غير (ميشلان كورى) ,(جى تى اندونيسى) ,(جينرال امريكى) و (كومهو كورى) حسب ما سألت فى السوق. وهل نوع الكاوتش هيفرق معايا اوى خصوصا انى مابجريش جامد بالعربية (90 كم/س)

لو هتغير الطقم كله يبقى اى نوع عادى. وبالنسبه للانواع اللى انت ذكرتها كويسه ولا تهتم كثيرا ببلد الصناعه وذلك لانهم سيكونوا بنفس جودة بلد المنشأ. اما بالنسبه لتغيير المقاس فالافضل انك تخليك على نفس المقاس اللى العربيه نازله بيه من المصنع لانها مصممه على ذلك حتى لا تؤثر على العفشه. بس لو ناوى تغير المقاس يبقى متزودش اوى عن المقاس الاصلى يعنى لو 155/70 ممكن يبقى 165/70
وبالتوفيق. وانتظر برضه اراء باقى الاخوه.

[بدر بسيونى]

يفضل نفس النوع والنقشة والاهم تاريخ الصنع فى الكاوتش