جمعة الغضب - تغطية لاحداث الثورة من 24 يناير 2011

[sad-bird]

المشاركة الأصلية كتبت بواسطة nktis لا حول ولا قوه الا بالله... كده انا فهمت .... في المنطقه عندنا نظرا لكونها صحراويه وبعيده عن المدن الكبري فعاملين معسكر امن مركزي من يومين بيتدربوهم في المعسكر علي ضرب قنابل الغاز لان الجو كان بايظ بالادخنه السامه والنهارده وانا جاي صف عربيات امن مركزي طالعه والظاهر انها مسافره لان مفيش اي مظاهرات هنا... ربنا يسترها

منا عمال اقولك من امبارح الكلام ده وانت مش مصدقني لازم يعني تشوف بعينك علشان تصدق

عملت ايه مع ابن عمتك اطمنت عليه والا لأ وايه الاخبار عنده

[MIDO-SPICY]

المشاركة الأصلية كتبت بواسطة احمد بدر1978 أصيب حمدين صباحى بإصابات طفيفة فى الوجه، أثناء محاولة منعه المتظاهرين من الاحتكاك بالشرطة. كما قامت الشرطة بتفريق المتظاهرين بإطلاق قنابل مسيلة للدموع، ومازالت العربات المصفحة متواجدة بجوار سوق بلطيم تحسباً لأى مظاهرات أخرى غدا، بعد إعلان المتظاهرين فض الاحتجاجات اليوم واستكمالها غدا.

دا زى نظام فاصل ونواصل دا ولا ايه؟

[nktis]

المشاركة الأصلية كتبت بواسطة sad-bird لا ياعم كده الموضوع واقف عليا بخسارة وبعدين انا عامل مركز اخبار من الصبح لوحدي ومفيش حد عاوز يعبرني ويشجع لما الواحد حس انه بيخرف وبيكلم روحه مليش دعوة بقى انا عاوز عمولتي يا ابو نوراااااااااااا يا ابو شاهييييييييين يا ابو خضرررر انا عاوز عمولتي العمولة يا اما بلاش حاجة غيرها متنفعناش هههههههههههههههه ايه رأيكم انفع في المظاهرات 4 44546

والله انت راجل عسل وليك من عندي يا عم لو المظاهرات ديت عملت حاجه في البلد زي تونس .... ليك من عندي عموله بس هديه ليك ولكل الاعضاء وهجيبها في اي لقاء احضره ان شاء الله..

[احمد بدر1978]

يجرى عدد من القيادات الأمنية مفاوضات حالياً مع عدد من أعضاء مجلس نقابة المحامين المتواجدين مع المتظاهرين، وهم جمال حنفى، وخالد أبو كريشة، وممدوح إسماعيل لطلب فض الاعتصام.

كان الأمن قد أطلق عدداً من الطلقات الصوتية لتفريق المتظاهرين بنقابة المحامين، خاصة المتواجدين على أسطح النقابة، وأصبح مقر النقابة هو المقر الأساسى لكل تجمعات المتظاهرين بوسط القاهرة، فيما اقتحم عدد من قوات الأمن شارع بولاق أبو العلا، واستخدموا القنابل المسيلة للدموع لتفريق المتظاهرين الذين انتشروا بمنطقة وكالة البلح.

كما تصاعدت الأحداث فى وسط البلد أمام دار القضاء العالى، حيث أطلق الأمن القنابل المسيلة للدموع، وتحرك عشرات من أفراد الأمن للاعتداء على المتظاهرين والمواطنين المارين بالمنطقة بالعصى.

وفى تقاطع شارعى طلعت حرب مع 26 يوليو انتشرت عناصر أمنية فى ملابس مدنية، لتفرقة المواطنين الراغبين فى الانضمام للمظاهرات، وتطاولت بعض العناصر على المواطنين حيث اعتدوا عليهم.

وفرضت وزارة الداخلية حصاراً أمنياً مشدداً على مبنى ماسبيرو، فى ظل تصاعد الأحداث وتجدد الاشتباكات بين أجهزة الأمن والمتظاهرين، وتم إغلاق كل المنافذ المؤدية من وإلى المبنى.
منقول اليوم السابع

[MIDO-SPICY]

المشاركة الأصلية كتبت بواسطة د.كمال حد عنده معلومات الان عن الناس المعتصمه فى التحرير ياجماعه ولا الاعتصام اتفض الاعتصامات دى لو فضلت لبكره الأمور هتتقلب لثوره بجد .......................أخ بارك فين ياميدو

ميدو كان نايم لانه كان بقاله 32 ساعه مانمش
اعزرنى