حكايتي مع اللانسر2
اخواني الاعزاءاسمحولي ان استكمل معكم حكايتي مع اللانسر ......فبعد سؤالكم في المنتدي عن كيفيه عمل صيانه الالف كيلو وافضل مكان قريب لمنطقه وسط الدلتا لان مشوار القاهره ده بيبقي تقيل علي قلبي قوي ..المهم عملت مفاضله بين مركزين في المتصوره وهما الدلتا والعدوي وبعدين لاقيت ان اسعارهم واحده تقريبا ولكن لاقيت العدوي مكان شيك وراقي ونضيف ومعاملتهم كويسه........المهم توكلت علي الله وكلمتهم امس واخدت ميعاد الساعه 10ص ورحت في نفس الميعاد قابلتني انسه مهذبه جدااخدت بيانات العربيه وفحصتهاودخلت جوه مع المهندس ومسئول الاستقبال وبعدين قاللي ان العربيه خليجي ملهاش ضمان وده كان شئ معروف مسبقا بالنسبه لي المهم خد المفتاح وقاللي اتفضل فوق طلعت لاقيت مكان للضيافه شيك به LCD وبوفيه وبيطل علي ورش الفحص كلها المهم شفت عربيتي دخلت وقاموا بتغيير الزيت والفلتر وتربيط العفشه وغسيل العربيه وبعد ساعه قاللي اتفضل نزل معايا مهندس من المركز سالته عن كل حاجه ورحت حاسبت عند الكاشير وكان الحساب205 زيت 55فلتر 5ورده طبه120 تربيط عفشه وتشييك كامل وغسيل موتور{سبراي}المهم الاجمالي كله 387جنيه ودفعت وطلع معايا مسئول الاستقبال لغايه العربيه لاستلامي العربيه والتوديع......ودي كانت حكايتي مع صيانه الالف كيلو{اعتذر للاطاله}والسلام عليكم ورحمه الله تعالي وبركاته...وللحديث بقيه باذن الله ارجو ابداء الراي فيما حدث للافاده.........
|
13-07-2010, 09:23 PM
