السماعات ال600 وات منفعتش مع الكاسيت بتاعى

[ahmedraafat00]

السلام عليكم

الاسبوع اللى فات يا جماعه أتخذت القرار انى اظبط السماعات اللى فى العربيه وكنت بظبط حاجه عند الميكانيكى اللى بيشتغل فى العربيه وقولت اركب السماعات انا وهوا بالمره
ومرحتش لواحد بتاع سماعات يركبهالى لانى كنت خايف من حاجه وخوفى طلع فى محله : السماعات الخلفيه مكانش واصلها كهرباء ولو كنت روحت لواحد بتاع سماعات مكنتش هتشتغل ولو لعب فى الكهرباء هيبوظ الدنيا لان العربيه دى كهربتها معقده " شيروكى 93" المهم أستدعينا الكهربائى وفك الكاسيت ولعب فى السلوك وبعد وقت السماعات اللى ورا وصلها صوت

المهم الواد الميكانيكى قالى عندى سماعتين بايونير 600 وات تعالا نجربهوملك ركبهم مجابوش صوت فى الاول وبعدين جابوا صوت ضعيف اوى قالى يبقى الكاسيت بتاعك ضعيف عليهم جيبنا سماعات تانيه متواضعه اشتغلت ركبت اربع سماعات جديده متواضعه مع ان كان عندى اتنين شغالين بس انا قولت اخليهم كلهم نوع واحد عشان يبقى الصوت نقى

بس اللى انا حاسه ان الأول لما كنا مركبين سماعتين فى البابين الأماميين والسماعات اللى ورا مكانش واصلها كهرباء بيتهيألى السماعتين اللى قدام كان صوتهم اقوى من لما شغلنا اللى ورا او بمعنى ادق اعتقد ان الصوت بدل لما كان متركز على سماعتين بس كان اقوى لكن بعدا ما اتوزع على الاربعه بقى اوطى شويه يعنى وانا راكب جوه ومعلى الصوت عالاخر يعنى بيكون الى حد ما مرضى لكن لو واقف بره العربيه متسمعش الصوت غير لو واقف جنب الباب مش زى العربيات اللى نشوفها بتسمع الشارع كله

فاللى عايز افهمه بقى هل فعلا السماعات ال600 وات بتحتاج كاسيت قوى عشان يشغلها كويس ؟ ولا ممكن تشتغل على اى كاسيت خرده ؟