التعقيدات الرهيبة في عملية بيع وشراء السيارات في مصر

[sensitivets]

معلش يا جماعة استحملوني شوية في كلامي وانا والله مش باتريق او عايش برا وجاي انفخ عليكم بس والله بجد حرام كل ده انا دخلت القسم علشان اشوف الاجراءات اللي الواحد مفروض يعملها لو اشتري عربية مستعملة او حتي جديدة من مصر لاقيت دماغي لفت وجالي صداع وانا قاعد في بيتي وموقفتش طابور واحد ولا استخرجت ورقة من الورق المطلوب للبيع او الشراء
انا مثلا في الامارات بيعت واشتريت كذا سيارة من اول لما سافرت ومفيش بدون مبالغة كل الكلام ده خالص بتدخل وحده المرور وبتتعامل مع شباك واحد في كل حاجة وورقة واحده تتطلب وجود البايع بنفسه او حد معاه توكيل رسمي منه ومندوب عن الشاري وبطاقته وخلصنا وبعد كده لو عاوز تغير تامين السيارة لشركة تانية او نفس الشركة بتدفع وخلاص وكل ده بيبقي متسجل عندهم عالسيستم ومش محتاج حتي تاخد ورقة من شركة التامين بيقولك ارجع لشباك المرور حتلاقي بياناتك كلها عالسيستم عندهم
ليه كمية التعقيدات دي والله حرام ومعظم اللي مشغلين الكلام ده مصريين هناك -طيب ايه كمية الروتين وضياع الوقت والجهد والمال ده -ليه 3 ايام علاشان الواحد يقف في طابور ويجيب دمغة ويرجع يجيب ملف وتلاتة اصحابوا ياخدوا دور علشان يخلص في يوم !!!!!!!!!!!!!!!!!
انا بس باسال مفيش حد من اداراة المرور او الضباط الصغيرين يعمل اي تعديل او تطوير للعك ده !!!!!!!!!!!!!!!!! معقولة ادارة المرور في مصر مش قادرين يطوروا المنظومة دي
انا مش باتكلم عن كاميرات في الشوارع ولا اللوحات اللي عليها شريحة تجيب سيارتك لو حرامي خباها في نص البحر او بطن جبل ولا نظام سالك بتاع الحارة الشمال او عبور البوابات من مدينة لمدينة انا بس طالب بكل بساطة اي حد يوصل المعلومات دي لقسم تطوير القوانين او الاجراءات في الوزارة
والله العظيم حرام كمية الوقت والمجهود المهدرة دي -ليه احنا مش حاسين بالوقت بالمنظر ده -ليه اجرءات اي حاجة فيها حكومة عبارة عن طابور تعذيب بتاخده مخدتهوش في الجيش حتي لو عملت ذنب !1
نفسي حد يرد عليا ويقولي ايه اللي حيمنعهم لما الملف يبقي في شباك واحد وتملاه وخلاص ليه ايه اللي حيحصل بل بالعكس حيجيبلهم فلوس زيادة ومش حيبقي فيه كمية المشاحنات اللي بتبقي بين الناس في الطوابير ولا حيبقي فيه محسوبيات اورشاوي
يارب حد يقولي ايه السبب في اننا لحد دلوقتي شغالين بنظام العرض حالة والدفتر اللي بيتفرد في الارض من الباب للشباك علشان تكتب توقيعك فيه

[mr_astra]

ليك حق والله تقول اكتر من كدة كمان
وزارة التنمية الادارية هى المنوطة لاعادة هيكلة جميع الوزارات والهيئات الحكومية
واشهد الله ان الناس دى شايفة شغلها تمام وعندهم استعداد يصرفو على التطوير مبالغ طائلة ..... انا لمست دة لانى باخد اليومين دول دورة على حسابهم تكلفتها 4000
وكمان هايوردو اجهزة PC واجهزة SERVER على حسابعن وايضا سوفت وير اللى حضرتك بتتكلم عنة
وعملو كدة فى كتير من المصالح الحكومية زى مثلا الاحياء والشهر العقارى واعتقد البريد

طب لية ما عملوش المنظومة دى فى المرور
الاجابة بمنتهى البساطة انها تبع وزارة الداخلية
الله....طب وبشاوات البلد؟؟؟؟
اما انهم عملو شبة منظومة زى مثلا مرور رابعة

او بيدخلوا لقائد الوحدة وعسكرى يلف يخلص الورق فى ربع ساعة وياخدو الرخصة
بس ادى الحكاية

[mr_astra]

البلد دى بلدين
بلد مكشرة طول الوقت فى وش ناسها
وبلد زى امريكا لاصحابها
المهم انت اية ؟؟؟؟؟؟ شوفت بقى انك انت اللى غلطان

[MIDOO10]

ان شاء الله الى جاى احلى بس احنا نبقا عزينه يبقا كده حتى علشان اولادنا وياريت نفتكر اننا نستحمل كل حاجه علشان اولادنا

[mr_astra]

المشاركة الأصلية كتبت بواسطة MIDOO10 ان شاء الله الى جاى احلى بس احنا نبقا عزينه يبقا كده حتى علشان اولادنا وياريت نفتكر اننا نستحمل كل حاجه علشان اولادنا

التفاؤل شىء جميل