مش عارف اجيب ايه ويريحني في حدود من 40000 الي 50000 ... بس اي حاجة غير الفيرنا والهينونداي لاني بكرهها

[hazem_khidr]

بص لو لاقيت كريستاله حاله نضيفه ما تسيبهاش
عربيه ولا كلمه و لا تقارن باللانوس و العربيات دي
هقولك حاجه
شوف عربيه كريستاله موديل 98 مثلا بيطلب فيها 50 الف جنيه لو نضيفه
و عربيه لانوس موديل 2006 بيطلب فيها نفس الثمن!!!!
يعني اعلي موديل ب 8 سنين و يمكن ارخص في التمن كمان

[MR_SELVESTER]

طيب لو قلتلك كريستالة ولا سيفيك 99
بس في خلال السعر الي انا كاتبو

[رجل_المستحيل]

المشاركة الأصلية كتبت بواسطة MR_SELVESTER طيب لو قلتلك كريستالة ولا سيفيك 99 بس في خلال السعر الي انا كاتبو

ياراجل بجد حرام عليك .. ودي محتاجة سؤال لانسر كريستالة طبعا وانت مغمض عشان الآتي:
1- قطع غيارها منتشرة في كل قرية في مصر (مش في كل محافظة بس)
2- قطع غيارها رخيصة رغم أنها ياباني بسبب انتشارها الرهييييييييب في مصر (مفيش احتكار)
3- في من قطع غيارها درجات مصري وصيني وتركي وياباني الخ عشان الناس اللي عايزه توفر بزيادة
4- أي ميكانيكي في مصر يقدر يصلحها سهل جدا وبسرعة جدا وبتكلفة بسيطة جدا على عكس الهوندا سيفيك لأنها تكنولوجيا معقدة جدااااااا
5- تصليحها بيقعد فيها فترة كبيرة جدا ومشم حتاج ان كل شوية تصلح نفس العطل تاني
6- معدل أعطال قليل
7- عند اعادة البيع مش هتخسر فيها وهتتباع بسرعة وسهولة جدا لأنها مطلوبة جداااااااااااااااااااا, ويمكن تكسب فيها كمان
8- العفشة فيها أجزاء ومكونات قليلة وبسيطة نسبيا وفي نفس الوقت ممتازة , وبالتالي مفيش تعقيد وبالتالي طبعا مفيش أعطال وتربيط كل شوية

كل اللي فوق ده مش موجود في الهوندا سيفيك

باقي المميزات مش هكتبها لأنها مميزات مشتركة في العربيتين وموجودة في هوندا سيفيك برضه مثل الأداء والشكل واستهلاك البنزين في نفس السعة اللترية (السي سي) الخ

[moftakesegy]

قلبى مع الكريستالة