اى استفسار عن اخر خطواتالحصول على سيارة معاقين

[tham1010]

أيه اخر الاخبار يا كابتن توفيق.... هل خلصت كشف العظام؟؟؟

[yaghmor]

المشاركة الأصلية كتبت بواسطة tham1010 حضرك الحظر أتفك ولكن هل حصلتى على شهادة فك الحظر من الجمارك؟ بعد الحصول على هذه الشهادة روحى المرور وشيلى الجهاز من السيارة وبيعى العربية سورى لاخوكى هتتغير الرخصة بأسمة وهتتشال الجملة دى ولكن طول ما العربية بأسم حضرتك هتفضل الرخصة كدة لان حضرتك مش تقدرى تسوقى غير عربية مجهزة، فطالما السيارة فى حوزتك تبقى اكيد لازم تكون مجهزة ولا يقودها الشخص العادى. هما الحقيقة بيفتكروا ان الجهاز الموجود فى العربية مش بيخلى حد يقدر يسوقها إلا اللى مدرب على الجهاز وكمان لازم تنبهيهم لان ساعات الورق بيطلع روتينى مش بيتراجع من على الكمبيوتر

الحظر اتفك والورق راح من الجمارك علي المرور معلش حضرتك سؤال انبهم علي اية مش فاهمة ؟؟؟ ومعلش انا رخصت القيادة الخاصة بية طبية يعنى انا كدة مقدرش اسوق سيارة عادية يعنى انا مثلا لو سوقت عربية بتاعت حد من اصحابي وخرجت بيها فيها مشكلة ؟؟

[tham1010]

المشاركة الأصلية كتبت بواسطة yaghmor الحظر اتفك والورق راح من الجمارك علي المرور معلش حضرتك سؤال انبهم علي اية مش فاهمة ؟؟؟ ومعلش انا رخصت القيادة الخاصة بية طبية يعنى انا كدة مقدرش اسوق سيارة عادية يعنى انا مثلا لو سوقت عربية بتاعت حد من اصحابي وخرجت بيها فيها مشكلة ؟؟

الاصل فى سيارات المعاقين هو أن المعاق مش بيقدر يقود سيارة بدون جهاز. فهناك شبة إستحالة أن يقود السيارات العادية. ولو فرضا فى شخص بيقدر يقود سيارة عادية بسهولة وامان مثل الشخص العادى فإن الكومسيون من المفروض أن يرفض أوراقة ولو لم يرفض ومنحة سيارة معاقين فهذا يدل على جهل او إهمال من قبل اللجنة الطبية فى الفحص,,,

وحتى لو المعاق أشترى سيارة عادية من مصر فهو من الضرورى ان يجهزها كعامل من عوامل الامان للطرق المصرية. فالتجهيز يحفظ حياة السائق وحياة الأخرين. وبيكتب على الرخصة للسيارة المشتراه من مصر نفس الجملة" سيارة مجهزة لا يقودها إلا مالكها" ولا ترفع الجملة إلا بتغير المالك ورفع الجهاز من السيارة..

المقصود فى تنبية المرور هو لفت نظر من يقوم بتجديد الرخصة ( تقولى له شفوى) على الحالة الجديدة للسيارة وهى انها لم تعد ملك لمعاق حتى يتم رفع الجملة من الرخصة....

[كابتن توفيق]

السلام عليكم معلش انا كنت مشغول اليومين اللى فاتوا دول

وشكرا للاخ tham 1010 للسؤال والحمد لله انا كشفت عظام والحمد لله خير ان شاء الله اتاجرت جهاز ودخلت بيه بس كان يوم عذاب والحمد لله على كل حال.

[كابتن توفيق]

المشاركة الأصلية كتبت بواسطة mahmoudfay طيب معلش انا اسف انا عايز احدث الخطوات والاوراق المطلوبه .. وعارف اى هتعبك بس اكوون مشكور لحضرتك لو ساعدتنى ..

انت هتروح على المجالس الطبية المتخصصة وفى الحى السادي فى مدينة نصر جني قسم تانى وبيفتحوا الساعة 8 هتدخل جوة هتقع للساعة 9 لحد لما الموظفين تيجى هتسلم البطاقة وتستنى يندهوا على اسمك اول ما اسمك ييجى هتخش على الخزنة وهتدفع الكشف 100 جنيه للعادى و500 للمستعجل ويستحسن تكشف مستعجل لان العادى بيكشف بعد سنة والراجل اللى هناك هيقولك المهم هياخدوا الفلوس وهيديك وصل هتصوروا ويديك استمارتين تملاهم هتكتب فيهم اسمك وشوية بيانات كده والجمرك اللى انت عايزه وتكون محضر 6 صور شخصية وصورة البطافة ولو مش موظف صورة المؤهل ودوسيه بلاستيك وبعد ما تملى الاستمارتين هتخش على الشباك التانى جنب الشباك اللى دفعت غيه الفلوس وهيديك ورقة تكشبيها نظر فى مستشفى اليوم الواحد جنب المكان اللى انت فيه فى نفس اليوم لو كاشف مستعجل وهيحددلك كشف العظام وهيكتبلك التاريخ على الوصل اللى هتاخده واوعى الوصل يضيع لان هيطلبوه منك فى كشف العظام ؟
هتروح ان شاء الله كشف العظام هتشوف العجب بردوا فى المجالس الطبية المتخصصة من ورا هتسلم البطاقة وتستنى يندهوا عليك وانت ونصيبك الدكاترة بيجوا الساعة 10 او 11 براحتهم يعتى وهتخش لو الاعاقة واضحة بتر او حاجة ظاهر يعنى مش بتاخد اكتر من دقيقة جوة ولو اعاقة حضرتك بتر يبقى لازم تاخد معاك طرف صناعى علشان تنجز يعنى وان شاء الله تستنى التيجة بعد 35 او 40 يوم وربنا يوفقك
واى استفسار تانى انا معاك