ثبات الالنترا 2012 !!!

[abu adam]

المشاركة الأصلية كتبت بواسطة hanytrade شكرا لرد حضرتك الموضوعي و العقلاني و الصحيح وانا شخصيا استخلصت منة انة اللي جرب الماني وبالاخص الجولف لانها شبابية لما بينزل منها ويركب حاجة كوري بيحس بالفرق اللي انا وحضرتك حسينا بية دة وارجع واعيد الملخص بس بطريقتي الهونداي عربية شياكة رفاهية راحة قطع غيار منتشرة ورخيصة (واكيد انت حسيتها زيي) اكسسوارات اشكال على الوان ويبقى قصورها او عيبها الوحيد كاكل الكوري انة الثبات او المناورة او تجاوب السيارة معاك فى الظروف الصعبة ضعيف ودة عيب نقدر نعالجة باننا نمشي عاقلين شوية بس كدة انا شايف تلخيصك وتلخيصي الحل النهائي لقضية الهيونداي النترا 2012

ولله صح بس تصدق بالله انا جبت الكوري علشان اتعلم الاداب شويه في السواقه و ابطل السرعة و الغرز و ....الخ .. و و العربيه الكوري بردو اوقات بتخليني اجري لكن علمتني اجري في وقت يبقى الشارع فيه فاضي و يسمح انه انا اجري
و انا شايف ان الكوري تفوقت على الالماني في المنطقة دي .. انا شايف ان العربيه الكوري صاحبة فضل عليا و بتخاف عليا لذلك بقيت عاقل في السواقة عما كنت من قبل و انا بسوق الماني

و الكوري عربيه فخمة جميله ناعمة شياكة و قطع غيار رخيصة و منتشر .. يبقى الملخص انها تبقى العربيه رقم 1 في مصر .. في كلا الاتنين هيونداي او كيا

[hanytrade]

المشاركة الأصلية كتبت بواسطة abu adam ولله صح بس تصدق بالله انا جبت الكوري علشان اتعلم الاداب شويه في السواقه و ابطل السرعة و الغرز و ....الخ .. و و العربيه الكوري بردو اوقات بتخليني اجري لكن علمتني اجري في وقت يبقى الشارع فيه فاضي و يسمح انه انا اجري و انا شايف ان الكوري تفوقت على الالماني في المنطقة دي .. انا شايف ان العربيه الكوري صاحبة فضل عليا و بتخاف عليا لذلك بقيت عاقل في السواقة عما كنت من قبل و انا بسوق الماني و الكوري عربيه فخمة جميله ناعمة شياكة و قطع غيار رخيصة و منتشر .. يبقى الملخص انها تبقى العربيه رقم 1 في مصر .. في كلا الاتنين هيونداي او كيا

تمام الكلام وبس نقطة صغيرة لازم تكون واضحة انة هى بتخاف عليا لان بتجبرني اهدي من سرعتي وذلك لان مناورتها فى السرعات العالية بتكون ضعيفة ولا تقارن بالالماني لاكن غير كدة العربية ناجحة جدا

[svneleven]

المشاركة الأصلية كتبت بواسطة احمد على 1999 تورشين بيم ( الدنجل ) تعليق مستقل لكل عجلة مش شرط ان المستقل دائما افضل بالرغم ان الدنجل ارخص و تصميمه ابسط لكن ممكن لو تصميمه جيد يتفوق على التعليق المستقل

الله ينور يا هندسة. طول عمري أسمع عن التعليق المنفصل و مش فاهم ايه الفرق بينه و بين العادي. جزاك الله كل خير.

[svneleven]

المشاركة الأصلية كتبت بواسطة ابو انس المصري اخوانا اصحاب العربيات الكوري ارحموا انفسكم والاخريين وبلاش السرعات العالية ده 200 ايه ياعم اللي عايز تمشي عليها سواء كان الطريق فاضي او غيره المفروض لو عايز حق ربنا اخرك يكون 100 وفوق كده بتعرض نفسك وغيرك للخطر لو لحظت علي الدائري مين اللي بيجري وغرز وحركات : سيراتو او النترا او فيرنا او لانوس عمرك ما تجد مرسيدس مثلا او بي ام واخد في وشه الا النادر جدا مع ان عربيته تساعد انا بقول الكلام ده لله ثم لاصحاب السيارات الكوري اعرف قدر عربيتك علشان تعرف تتعامل معاها صح وربنا يحرص الجميع

في كتير معاه مرسيدس و بي ام بيجريي بردو و برده ال جولف و التويوتا و لانسر و ال هوندا بيجري. الجري ما لوش علاقة بالعربية لكن ده صفات شخصية في واحد عنده بي ام مش بيحب يجري و واحد عنده كوري بيحب يجري. المهم كل واحد يجري علي أد امكانيات عربيته. و علي فكرة الكوري اللي سيادتك بتقول أخرها 100كم واخدة سيارة العام في أمريكا متفوقة علي ال سيفيك و ال كوروللا و ال مازدا و كل السيارات العالمية اللي سيادتك بتاخدها مقياس.
علي فكرة أنا عندي الانترا 2012 و ثمنها لسه ما بردش عشان كده كلامك وجعني. تقبل تحياتي و احترامي.

[svneleven]

عايز ألفت نظر الأعضاء لحاجة. عشان تقارن عربيتين ببعض لازم حاجات كتير تكون موجودة في العربيتين. أهمها السعر. ما ينفغش أقارن هيونداي ب 140 ألف مثلا ب هوندا ب 190 ألف. ثانيا ازاي بتقارن جولف هاتشباك ب الانترا سيدان؟ ثالثا اللي عايز يقارن بي ام و مرسيدس ب هيونداي يقارن ب هيونداي سوناتا و جينيسيس و أزيرا و لازم يكون السعر واحد بردو و ده مع كامل احترامي للألمان اللي هما أفضل صناع محركات في العالم.