مابل اسباير

[A7MED NASSER]

هو حضرتك من مُلاك السياره و لا عرفت سعر الطاسات فقط و بعدين طاست ايه اللي حته بلاستيك دي و ب 160 جنيه ليه ان شاء الله ده الوحد يجيب طقم طاسات فيرنا صيني ب 25 جنيه و خلاص و مستنيين التعليقات . متابع ............

[hamadaz]

basha 2na m3aya el3rbya walahy we law shoft 2ly katbo 2bl kalam da 7atetsdem walahy kol kelma b2ol7a begad we most3ed le ay so2al

[mms]

المشاركة الأصلية كتبت بواسطة hamadaz ياجماعه انتوا عارفين تمن الطاسه كام؟ والله العظيم 160 جنيه للواحده

يادى المصيبه الله يكون فى عون اللى اشتراها ويصبره ويعينه على مابلاه ويصبرنا على البلاوى اللى الوكلا بيعملوها فينا ..........160 جنيه اكيد من البلاستيك الخالص عيار 24 .

[yoky]

السلام عليكم يا شباب
انا يحيي / مشرف مبيعات مابل فرع المابل الفرع الرئيسي بالعبور اي حد عنده مشكلة ممكن يكلمني علي :
0113399217
و دا رقمي الشخصي كمان مش تليفون العمل و مستعد لتلقي الشكاوي 24 ساعة طوال ايام الاسبوع و ربنا يقدري و اقدر باذن الله احل مشكلة السيارات التي بها مشاكل

[ابو ياسين الشيمى]

المشاركة الأصلية كتبت بواسطة yoky السلام عليكم يا شباب انا يحيي / مشرف مبيعات مابل فرع المابل الفرع الرئيسي بالعبور اي حد عنده مشكلة ممكن يكلمني علي : 0113399217 و دا رقمي الشخصي كمان مش تليفون العمل و مستعد لتلقي الشكاوي 24 ساعة طوال ايام الاسبوع و ربنا يقدري و اقدر باذن الله احل مشكلة السيارات التي بها مشاكل

اسمحلى اكلم حضرتك كمسؤل
انا العربية شغلتنى كتيرررررررر اوووى ورحت المعرض اكتر من مرة علشان اشتريها بس تقسيط ومش هاقول فين
بس كل الف وادور الاقى ان عربية تمنها انهارده 55900 بالكماليات دى ما تنتشرش مقارنة بالاسبرانزا 516 اللى غرقت الدنيا واغلى منها فى السعر ده يدل على ان التوكيل والقائمين عليه بيهرجوا ومش هاقول لان العربية وحشة لا خالص العيب اساسا طقم الميعات اللى مسئول عن السيارة دى
وبقولها بكل صدق فعلا فشل تماما
لان اى عربية لو انتشرت مهما كانت وحشة طالما انتشرت يبقى هتلاقى التاجر اللى يبعت يجبلها قطع غيارها وينشرها وده بيدى اطمئنان لصاحب السيارة وبيرفع سعر اعادة البيع
لكن اشترى عربية ابقى راكبها لوحدى او تعطل اركنها فى الصحرا على الطريق واجرى !!!!!!
الوكيل عاوز يسترزق من قطع الغيار المولعة اللى منزلها فرحان بـ 50 او 60 عربية نزلوا السوق هايكسب من وراهم فى قطع الغيار يبقى تفكيره محدود وفعلا هايغرقنا وهايتسبب ان الموديل يتوقف ويبطل ينزل وساعتها هانركن عربياتنا
اذا كان الموديل شغال وبيشمشم صاحبها على قطع الغيار بعد ما يتوقف الموديل هانعمل ايه
وبعدين تروح المعرض يقولك باخد 50 % مقدم والقسط على 3 سنين بفايدة سنوية 18 %
ده كلام بردو
طيب اعمل الكلام ده على السيارات الكوري والاكثر انتشارا لكن على الصينى اللى انت اساسا عاوز تنشره علشان تبقى نجحت ؟؟؟؟؟؟؟؟ افتكر غريبة
وتلاقيه منزل على نوعين فايدة صفر فى المية وتقسيط على سنتين طيب ما السيارتين روميو وسكالا اساسا انا مش شوفتش منهم عربية ماشية على الارض طيب نشتريهم ازاى ؟ وبعدين ما يقسط مثلا اسكالا على 3 او 4 سنين ويشغلها ايه المشكلة ويدخل مابل اسباير فى العرض ده باعتبارها سيارة شعبية رخيصة
مش مهم يكسب كل حاجة لكن الانتشار ده هايخليه يحط رجل على رجل بعد كده ويبيع بالسعر اللى هو عاوزه لما السيارة تحفظها العين ويتداول عليها الكلام وتتوفرلها قطع الغيار باسعار ارخص بكتير من العك ده
ياريت تفكر حضرتك فى كلامى وتوصلوا للمسئولين حتى لا يفشل مشروع قبل ان يبدأ وخصوصا
وان سيارة مابل سما فى السوق من 2005 وكانت مع وكيل قبلكم وحتى الان معظم المعارض مش الافراد لا يعرفوا هذه العربية ولا سعر اعادة بيعها

اشكر لك سعة صدرك