بشوف ان البنات و الستات بالذات لازم

[MaiFarid]

ده كلام مش مظبوط عن البنات، أو ممكن نقول بعض البنات يعني.
انا أول ما جيت أسوق و أركب عربية، فكرت في الحاجات الصغيرة زي i-10 و البيكانتو و كده، بس بصراحة مقدرتش بعد كده أني أفكر فيهم بعد لما اتودكت شوية فالسواقة، عشان حسيت انه العربية صغيرة أوي و شكلها مش جذاب بالنسبالي.
وكنت فاكرة انه المانيوال ده حاجة صعبة جداَ واني لازم هجيب حاجة اتوماتيك، بس برضه بعد ما سوقت عربية والدي (لانسر) و والدتي (نيو أكسنت) بقى صعب على أنه يعجبني العربيات الصغيرة، بصراحة حسيت انه بطريقة سواقتي ممكن اتقلب على جنب في منحدر أو انه الكوتشات الصغيرة ممكن (في الأماكن اللي حوالين بيتي اللي مش ممهدة يعني)تغرس أو معرفش اطلع منها.
ده مش هجوم على العربيات الصغيرة ولا حاجة بس ده رأيي الشخصي.
وعلى فكرة أنا أعرف بنات كتييير بيسوقوا حلو أوي.
بس انتو اللي ظالمين البنات بحكم العرف يعني.

[AbOnOrA]

ايه يا شباب العنصرية ديه ما تسيبوهم يركبو اللى هما عايزينه ان شاء الله يركبو توكتوك

[Torn@doo]

المشاركة الأصلية كتبت بواسطة top gear انا اعرف واحد مهندس شغال في شركة حكومية كبرى شغال بقاله 10 سنين ومعاه اسبرانزا A113 جايبها قسط بالتيلة في نفس الشركة اللي هو فيها في سكرتيرة(لرئيس مجلس الادارة) بقالها 3 سنين كان معاها سيراتو وغيرتها وجابت كيا كارينز لا تسألن عن السبب ///

ههههههههههههههههههههههههه هههه
بالمجهود اكيد المجهود

[A7MED NASSER]

و الله فيه فعلا حاجه مضاده بين البنات و العربيات
و الكلام ده مش انا اللي بقوله دي بلد بحالها بتقوله و حتى ساعات كتير بيكون من اصحاب
الشأن (البنات) و لغاية الوقتي ما فيش اي حل للتضاد ده

المهم : هي مش الحاجه الغريبه ان البنت تركب عربيات كبيره . انا شوفت كتير قبل كده بنات
و مش كبار اوي يعني سنهم بين ال 20 و 30 كده و راكبين لادا

و اظن اللادا دي : صنعت للرجال و الحرب فقط مش لحاجه تانيه بس مصر و روسيا استخدموها
كسيارة تنقل في المدن و كانت فعلا اكبر غلطه من الشركة الروسيه LADA

و في العصر اللي احنا عايشينه الوقتي كل العربيات للرجال و البنات (ما عدتش فيه حاجه غريبه)



و في النهاية احب اوضح للولاد حاجه هما تيهين عنها ان ال CAR اسمها بالعربي (سياره) يعني
اسم مؤنث مش ذكر فلازم يكون الاولويه للبنات بس طبعا في مصر اتعكست الحكاية دي خالص

[waelsalah]

سبحان الله
كنت داخل اقول نفس كلامك يا ابو حميد

بالاضافه الى انى اوقات بشوف بيجو 504 و 132ومرسيدس جاز كمان بيسوقهم حريم كبار معديين ال 50 سنه مثلا
وكله الا الادا اللى بيقولوها ع ليها خشنه وتقيله وووووو
كتير من الحريم بيسوقها
وعجبي ههههههههه