حادثة للبيكانتو دخلت تحت مقطورة

[mercedes]

السلام عليكم و رحمة الله و بركاته

هى البيكانتو اللى دخلت تحت التريلا, و لا التريلا هى اللى كانت بتلف و أخدت البيكانتو تحتها لأن باين من الصورة أن البيكانتو نايمة بكل أمان تحت التريلا بالطول , زى ماتكون التريلا كانت بتلف و ماخدش باله فخد البيكانتو تحت منه لأن لو كانت البيكانتو هى اللى دخلت تحت التريلا , كان دخل ببوزه مش بجمبه لأ مفيش عربية بتمشى بجمبها حتى لو كانت بيكانتو, الفرق بين الموفقين واضح و هاااااااااااااام لأن فى الحالة الأولى , بتاع البيكانتو اللى غلطان لأنه هو اللى دخل تحت التريلا بينما كانت التريلا واقفة آمنة مطمئنة لكن فى الحالة التانية , بتاع التريلا هو اللى يستاهل ضرب النار لأنه هو اللى خبط فى البيكانتو هو بيلف بينما البيكانتو كانت نايمة زى القطة المغمضة, رغم ان معدش قطط مغمضة اليومين دول .

MERCEDES S430

[احمد بدر1978]

ربنا يستر طريقنا كلنا ويحفظنا

[messi2020]

بص ياريس البيكانتو كان طالع والتريلا كانت بتلف وداخلة جوه والتريلا بتلف مخدش باله ان البكانتو جنبه واخدها معاه في طريقه

[إبراهيم عثمان]

أنا شايف إنها من أقل خسائر الحوادث إن شاء الله (يعنى إن شاء الله عفشة وشوية سمكرة)... بس إحنا عايزين نفهم دى حصلت إزاى ؟؟؟

اللى أنا استنتجته من الصور إن المقطورة أخدت البيكانتو تحتها يعنى بتاع المقطورة هو اللى غلطان والدليل إن فى أول صورة واضح إن كاوتش البيكانتو معلم فى الاسفلت نتيجة الجر بس ليا سؤال هنا هو ممكن يكون العجل الامامى للبيكانتو لف شمال نتيجة الحادثة ( يعنى صاحبها كان راكنها والعجل عدل )

وفى الصورة التانية البيكانتو قريبة من الرصيف يعنى ممكن يكون المقطورة كان بيلف (طبعا على الواسع) وأخدها معاه

وربنا يعافينا وإياكم

[messi2020]

البيكانتو مكنش راكن الاتنين كانو ماشين التريلا اخدت البيكانتو في طريقها بس كده