انا احذركم جميعا من التعامل مع غبور هيونداى

[Dr KeNaWy]

المشاركة الأصلية كتبت بواسطة Mr.Mamo ارجع لجهاز حمايه المستهلك يا دكتور وامشي رسمي وخد حقك للنهايه وانا معاك

بالامس سير البور كمان فلت من البكرة بتاعت مكنة البور
والعربية اهى ماشية زيها زى الجرار الزراعى
ومسلسل المعاناة لم ينتهى بعد

[Mr.Mamo]

كمل الاجراءات اللي انت كنت ماشي فيها يا دكتور

[memodina1]

بصراحة انا معايا فيرنا مانيوال بصوا بقى انصح اى حد عايز عربية يعمل الاتى الكورى وصل الوقتى 70 او 80 الف اللى هى الفيرنا والنيو اكسنت طب ما تريح نفسك وهات متسوبيشى وزود شوية على الفلوس واصبر على نفسك وجيب حاجة محترمة وبلاش تقولى كيا كلهم كورى ولا فرق وانا عارف انى الكورى كويس بس فية عيوب تقفيل وفنية بتخلى الواحد يتجنن برضة عارف انى كل العربيات كدة بس هقول نص العما ولا العما كلة انا عن نفسى قررت ابيع الفيرنا واذود شوية واصبر سنة واجيب حتة متسوبيشى جديدة والله المستعان وعلى فكرة عشان برضة اكون قلت العيوب اللى عندى
1-تكة فى الدركسيون ظهرت فجاة على مسافة 40000 الف ومبتجيش الا فى المارشيدير شمال مرة واحدة بس ومتجيش تانى الا لما اطلع قدام وامشى شوية روحت التوكيل ومعرفوش وقالولى كل شئ سليم من جوانات وجلب وكوبلن وكل حاجة ودركسيون وحشو وكل اللى فى العفشة
ولحد الوقتى مراحش خالص وشكلة هياخد وقت عقبال ما اتعود علية
2-تزييق طول الطريق فى السفر يعنى مش محتاج كاسيت ودى خاصية ممتازة فى التقفيل المصرى يعنى كاسيت منة فية
رعشة فى دواسة الدبرياج على السرعات العالية ودى انا لفيت على التوكيل قالى مش محتاج اى تغيير او اى شئ وبرضة محدش عرفها فى التوكيل بس الصراحة انا اخدت عليها وهو مساج لرجلى وانا ماشى على الطريق السريع
واخيرا الجنوط الحديد المصرى ودا الحقيقة مش من التوكيل وانما الجنوط بها عيب ان الصرة بتاعتها مش فى النص يعنى مهما ترصص لازم تلاقى غربلة بسيطة فى الدركسيون بعد 110
انا عارف انها حاجات بسيطة بس والله تخنق يا جماعة طبعا دا غير عيوب الفيرنا المعروفة
رغم ذلك العربية حلوة والله وبتستحمل فى العفشة ومميزات كويسة فيها بس والله لو تتقفل برضة فى كوريا هتغلب والله وهتفرق وطبعا الحمد لله على النصيب وعلى كل شئ وهى ماشية بحمدة ورحمتة

[memodina1]

اوعى تسيب حقك ولو عايز تعمل اعتصام لكا اللى معاة فيرنا فيها عيوب قولى وانا اجيبلك كل سواقين السويس اللى معاهم فيرنا ونقر بالتصليح مادام العربية فى الضمان انا اعرف ناس عندهم بلاوى فى العربية حسبنا الله ونعم الوكيل

[Dr KeNaWy]

المشاركة الأصلية كتبت بواسطة memodina1 اوعى تسيب حقك ولو عايز تعمل اعتصام لكا اللى معاة فيرنا فيها عيوب قولى وانا اجيبلك كل سواقين السويس اللى معاهم فيرنا ونقر بالتصليح مادام العربية فى الضمان انا اعرف ناس عندهم بلاوى فى العربية حسبنا الله ونعم الوكيل

طيب بس ي ريت الواحد نفسة حد يتفاعل معاة ونعمل اعتصام