جبت جولف 4 وعايز مساعدتكم

[alyroxy]

مبروك يا باشا
انا معايا نفس العربية ونفس اللون وهى موديل 2001 بس انا مسقط موتور 2003 وباردو 1400
انا ركبت سبويلر اصلى وجبتو من الحرفيين، وطقم نيكل داخلى للمقابض و مخدع اصلى arm rest
بس عايز انصحك اهم نصيحة و عن تجربة ((((( اوعى تجبلها اى قطع غيار تقليد و دايما دوار على الاصلى ))))
بس خالى بالك لان قطع غيارها غالية نار نار نار بس شوف الاول الاستيراد فى الحرفيين ولو ملقتش يبقى عليك وعلى الشهابى فى شارع دمشق
لو احتجت اى معلومة انا تحت امرك
و ربنا يباركلك فيها ((بس حافظ عليها ))

[iso_loma]

ربنا يخليك يا روكسى وانا محافظ على العربيه جدا والحمد لله انا عندى حاله الموتور فوق الممتازه وحاله العربيه بوجه عام على فكره انا عربيتى لسه ستوك معملتش فيها حاجه بس ياريت لو تورينى صور لعربيتك وللحاجات اللى انت مركبها

[iso_loma]

المشاركة الأصلية كتبت بواسطة mohamed ibiza العربية 75 حصان علي ما اتذكر ممكن تجيب فلتر هوا اسبور سيموتا او k&n و تعملها Intake و تركبه و بوجيهات ngk iridium او بوجيهات split fire بالسلوك بتاعتهم و علبة شكمان ماركة محترمة هتحس ان العربية سحبها فرق و هتدي صوت رياضي جميل كده

الكلام هيكلف حوالى كام

[mohamed ibiza]

المشاركة الأصلية كتبت بواسطة iso_loma الكلام هيكلف حوالى كام

الintake لو هتجيبلها Intake جاهز سيموتا مثلا اللي هو حاجة نازله للجولف 4 هيعمل حوالي 400

اما لو هتجيب فلتر سيموتا كاربون مثلا بيعمل تقريبا 250 و تجيب ماسوره كاوتش و تركب الفلتر علي البوابه و تركب الماسوره في الفلتر و تنزل الماسوره تحت و تفتح فتحه صغيره كده جمب الفوجات و بتتحط في الفتحه دي حليه كده ليها كذا لون مختلف و تركب فيها الماسوره من ورا عشان تاخد هوا بارد بعيد عن حرارة الموتور يعني هيتكلف 380 تقريبا الحوار ده كله

البوجيهات هات ngk كان فيه عرض عليهم عند محل باور زوون علي الفيس بوك ب 165 جنيه

علبة شكمان حسب الماركه فيه كاربون فيبر ممكن تعمل في حدود 350 400 مستعمله طبعا

ممكن تجيب حاجة صناعه صيني او تايواني ب 200-250 جديدة بس مش هتبقي حلوه هتديك صوت و خلاص ادائها مش هيبقي جامد

ممكن سوبر سبرينت في حدود 500

[luckyman]

انا قرات مداخله الاخ ابيزا وشفت حضرتك بتنصحة بزيت موبيل ديلفاك طبعا حرام اوى لمحرك زى الجولف فى بيئة زى مصر يتحط فيها الزيت دة هو مخصوص للشاحنات ومحركات الديزل والباصات والمحركات البحركة ومولدات زى الكاتبلر ازاى بقى يحطة فى محرك بنزين ضغطة خفيف برجاء تحرى المعلومة وشكرا لك