ظهور لمدرعات الجيش في الشوارع اليوم

[يوسف نوور]

لا حول ولا قوة الا بالله

طب المدرعات الحلوه دي كانت فين يوم مبارة الأهلي في أستاد بورسعيد ؟؟؟؟؟؟؟؟؟ ولى هي فشخره كدابه وخلاص؟ وللا بيحاولوا يضحكوا على الناس ويعملوا نمر على الفاضي ؟ وللا يمكن مخطط جديد وملعوب من ملاعيب شيحة ؟ [IMG]file:///C:/DOCUME%7E1/4ever/LOCALS%7E1/Temp/msohtmlclip1/01/clip_image001.gif[/IMG]

ايه ده شيحة وملاعيب و يعملوا نمر ايه ده !!!!!!!!!!!! هل هذا كلام بقوله حد علي جيش بلده وخصوصا اذا كان الخونة ومنظمات جواسيس المجتمع المدني لتقسيم وهدم مصر شغالة من نار، طب تقدر تقول لي امريكا مش سيبانا في حالنا ليه

صح فيه اخطاء لا احد ينكر هذه بس مش كده لكن ده اليهود مش بيقولوا كده علي جيش اسرائيل ،

واحب ان اكد لك اني مش شغال لا شرطة ولا جيش احسن تفتكر حاجة لاكن انا شايف ان مصر لو استقرت بكره هـ يكون احسن وده اللي مش عايزه الغرب او امريكا او اسرائيل او عملاؤهم وياريت تقرأ التاريخ افكارهم متشابهه جدا مع اختلاف التطبيق

وربنا يهدى الجميع

[د.كمال]

أكيد فى معلومات خطيره ستضر بالبلد الفتره القادمه ونزول الجيش لإحباط تلك المخططات ...
يجب أن لاننسى قول رسولنا الكريم
(عينان لاتمسهما النار يوم القيامه عين بكت من خشيه الله وعين باتت تحرس فى سبيل الله ) .....صدق رسول الله

[MmFFoR]

مجلس الشعب بيضغط و اعتقد ان الضغط وصل لمنازل و اسر هؤلاء الجنرالات!!! حتى ابناؤهم و بناتهم و زوجاتهم قالولهم حرام عليكم كفاية خصوصا بعدما حدث في بورسعيد و مهزلة مباراة الاهلي

مين فينا مفيش في بيته او اسرته مشجع للنادي الاهلي و بيروح يشوف ماتشاته
الكل حط نفسه في مكان ال 170 قتيل اللي ماتوا في بور سعيد

[samirayad]

المشاركة الأصلية كتبت بواسطة يوسف نوور لا حول ولا قوة الا بالله ايه ده شيحة وملاعيب و يعملوا نمر ايه ده !!!!!!!!!!!! هل هذا كلام بقوله حد علي جيش بلده وخصوصا اذا كان الخونة ومنظمات جواسيس المجتمع المدني لتقسيم وهدم مصر شغالة من نار، طب تقدر تقول لي امريكا مش سيبانا في حالنا ليه صح فيه اخطاء لا احد ينكر هذه بس مش كده لكن ده اليهود مش بيقولوا كده علي جيش اسرائيل ، واحب ان اكد لك اني مش شغال لا شرطة ولا جيش احسن تفتكر حاجة لاكن انا شايف ان مصر لو استقرت بكره هـ يكون احسن وده اللي مش عايزه الغرب او امريكا او اسرائيل او عملاؤهم وياريت تقرأ التاريخ افكارهم متشابهه جدا مع اختلاف التطبيق وربنا يهدى الجميع

للأسف سعادتك


وكثير من المعارضين لم تدركوا مربط الفرس


فهل سمعت عن أى أعمال بلطجه وقت سير العمليه الإنتخابيه


فلقد كانت العمليه الإنتخابيه ممسوكه بأيدى من حديد


فلماذا لم تكون هذه الأيدى الحديديه متواجده بإستاد بورسعيد

تحسبا لأى أعمال بلطجه


وأين كانت تلك الأيدى والبلطجيه بيحاولوا يثيروا الفتن فى كل

مكان


إذا هناك حلقه مفقوده لاتستطيع أنت ولا أنا من تداركها


------------------------


وعلشان أبسطلك الأمور


العمليه الأمنيه ماشيه بالمزاج لأهداف فى نفس يعقوب


س - ماهى هذه الأهداف ..........؟


ج_ ..........علمها عند ربى


لأنه هو فقط سبحانه وتعالى


من يعلم الجهر ومايخفى

[Payoo]

المشاركة الأصلية كتبت بواسطة mf86 ينزل مش عاجب مينزلش برضه مش عاجب مجلس خاين وعميل يسوق الجيش "اللي هو احنا يعني ولا مؤاخذه"

اولا تحية تقدير وإعتزاز لك ولكل ضابط شريف (وما اكثرهم) في قواتنا المسلحة
ونتشرف كثيرا بوجود ضباط شرفاء امثال حضرتك ينتمون لنا وننتمي إليهم بكل الحب والتقدير المتبادل

وأسمح لي أن ارد على ما جاء في تعليقك

يبقي محدش يجيب سيرة الجيش تاني

أقدر إنفعالك وسوف نعتبر أن هذه جمله غير مقصودة المعنى في لحظة غضب لأنه لا يجوز أن نطلب من الشعب أن يضع لسانه في فمه وينطق بأي نقد للمجلس العسكري أو للسادة الضباط امثال ضباط "المتحف المصري" الذين قاموا بعمل كشف عذرية على بنات مصر الثائرين
منطق (محدش يجيب سيرة كذا) منطق مرفوض لانه لا يجوز أن نخرس ألسنة الناس لأنهم ينقدون وضع يروه خطأ من وجهة نظرهم
ولك ان تتخيل وأنت عضو عزيز علينا في "مصر موتورز" أننا كمؤسسين أو إدارة أو مشرفين لا نقبل النقد وعندما يقوم احد الاعضاء بنقد "مصر موتورز" (سواء كان معه حق أم لا) نقول له ((ماحدش يجيب سيرة "مصر موتورز" هو إحنا نعمل منتدى محترم مايعجبكمش نعمل منتدى أي كلام مايعجبكمش نسيب الناس ترفع صور زي ما هيه عاوزه بدون رقابه مش عاجبكم نحذف الصور الغير لائقة مش عاجبكم تدخلنا)) اعتقد لم ولن يحدث هنا في مجتمعنا الصغير هذا(مصر موتورز)
وإن حدث فأعتقد أن سيادتك سوف تكون أول المعترضين حينها ولك كل الحق

واللي معاه دليل ادانه واحد علي المجلس العسكري من اصحاب اللسان الطويل ليه مبيرحش علي النائب العام

أعتقد أن محاميون "مبارك" و"العادلي" و باقي العصابة يقولون ويطلبون نفس الطلب
((إللي معاه دليل واحد على النظام يطلعه))
بالطبع حجه غير مقبوله وغير منطقية ولا تستحق النقاش و الوقوف عندها

الاول في احداث يناير لما كنا بنروح مأموريات كنا بننزل وكلنا حماسه وغيره وحب لمصر وكان الواحد مننا ممكن يطبق مأموريه واتنين وتلاته في اسبوع واحد برضو مش مشكله في سبيل رضا الله عز وجل ثم كلمة حلوة من الناس

وهذا هو المنتظر من رجال القوات المسلحة ولذلك نكن لهم كل التقدير والاحترام

دلوقتي لاتهينني وتطلب مني أن أحميك

أعتقد أنه لم توجه إهانه واحده لرجال القوات المسلحة الشرفاء وإن كنت تعتقد نقدنا لاختفائهم المفاجئ من احداث "بورسعيد" ثم ظهورهم المفاجئ في شوارع القاهرة بهذا الشكل الاستعراضي الغير مبرر فهذا يعود لك انت شخصيا فمع كامل احترامي لك واضح جدا ضيق صدرك من النقد لهذه الحركة الاستعراضية التي لا تليق بجيشنا العظيم
فصاحب الفكرة العبقرية في لصق ملصقات كملصقات الميكروباصات على المدرعات المصرية فكرة رجل لا يعرف القيمة الحقيقية لرجل القوات المسلحة لدى الشعب المصري فيكفي وجود ضابط جيش بزيه فقط وبدون سلاح ولا مدرعة ملصق عليها ملصقات فوشيه كفيل بفرض الأمن والأمان في الشارع المصري
أتمنى ان تعرف أننا ننقد الفكرة فقط و ننقد صاحب الفكرة و نعرف ان الضباط والجنود لا حيلة لهم في تنفيذ الاوامر و نعرف أنكم لا تملكون شيئا في أن أختيار ألوان الأستيكرز (بضحك معاك طبعا )

حتي لما بقف في كمين بكون واقف من غير نفس أول إمبارح كان برد قارس جدا والناس كانت بتطلع من بيتها في النهار بالعافيه واحنا كنا واقفين من المغرب لحد شروق الشمس في كمين علي طريق السويس

تحية وتقدير لك ولكل جندي شريف

وبرضه اصبحنا جيش يساق تحياتي لحضرتك

يا سيدي الفاضل مانقوم به نحن الأن كمدنيين هو الطريق والخلاص لك و لجنودنا البواسل لكي لا يساقوا بعد ذلك من قيادة فاسدة
إن ما نقوم به الأن من ثورة سلمية متحضرة هو الذي سوف يأتي بقيادة تحترم شعبها وجنودها
لا تقلق فالجيش والشعب أيد واحده ..... و المجلس العسكري وبواقي النظام هايمشوا في ساعة واحده