خليك أصيل وقول كلمة حق..دعوة لكل الأعضاء

[ahmed_kamel]

أنا معايا فولكس فاجن باسات 2007 ومن أعلى فئه يعني مدججه بكل التقنيات الحديثه وبكافة الكماليات الموجوده حتى عصرنا الحديث الـ 21
ومع ذلك سيارتي معايا بقالها 3 سنوات وماشيه 55ألف كيلو تقريبا ولم أغير البطاريه فهي ببطارية الفابريكه حتى الآن والحمد لله مع أتي بشغل التكييف برضه صبح وليل وصيف وشتاء لأني لا أحب دوشة الطريق وأفضل الهدوء أكثر أو الإستمتاع بالمزيكا في جو غير نشاز ...
إذا ليست المشكله هي التكنولوجيا الجديده ولا التكييف ....

كان معايا أوبل 98 2000سي سي وكانت معايا أيضا من الزيرو ولكنها كانت تأكل البطاريات بنفس معدل كيمو ...بطاريه كل سنه ومن نوع فارتا أو إيه سي ديلكو ... وعلى فكره كان لي واحد صاحبي معاه فيكترا 99 1600 سي سي وبرضه كان بيعاني من مشكلة تغيير البطاريه سنويا... يعني مشكله عامه وليست شخصيه

فيه نقطه مهمه أنا لاحظتها
إن الأوبل كان الحوض الخاص بالموتور بيبقى سخن بشكل غير طبيعي .. والكبوت لو مشيت بالعربيه ولو 20 كيلو فقط ستجد أن الكبوت من الممكن أن تقلي عليه بيضه أو تسلقها لو عايز .. جربوا تحطوا إيديكوا على أي عربيه أوبل فيكترا 96 إلى 2000 تكون لسه راجعه من أي مشوار كبير أو صغير وستجدوا ماأقوله بالظبط
وكانت البطاريه لها جراب قماش مبطن بسفنج لحماية البطاريه في الفيكترا كنت بغيره تقريبا كل سنه ونصف لإهترائه
وقد كان يقول لي بتاع البطاريات أن العربيه ديه بتستهلك بطاريات كتير بسبب السخونه الزياده بداخل الحوض حيث أن إشعاع الحراره الناتج من الموتور هائل والعزل للبطاريه المحاطه به غير كافي

أما في الباسات فبصراح درجات الحراره بالحوض معتدله جدا جدا جدا بالإضافه للبطاريه معزوله بـ بوكس بلاستيكي قاسي ولها غطاء يعني مقفل عليها من كل ناحيه

لذا وجب التنويه .. فالخليج درجات الحراره بالجو غير طبيعيه ومع موتور موتوسيكل حتى حتبقى جهنم فطبيعي إن البطاريه تستهلك هكذا (إن صحت الملاحظه والنظريه)

يمكن الميجان 2 برضه الحوض بيبقى سخن وعزل البطاريه غير جيد كفايه !!!!

[sam ram]

ماتريكس 2007 استلام شهر 3
غيرت بطاريه الفابريكه من شهرين ...يعني البطاريه قعدت سنتين وربع تقريبا
والعداد 60 الف تقريبا
وعاده اي بطاريه كنت بغيرها بعد سنتين او سنه ونص اقل حاجه

[mohamed ibiza]

ربنا يكون في عونك يا بايو انا عندي حاطط للمرسيدس 280 بطارية ac delco و 88 امبير جافه و بقالها سنه و 3 شهور اهي و شغاله زي الفل و الابيزا فيها بطاريه جافه هانكوك بقالها سنتين فيها

[elkady0]

انا معايا كرولا 2006 ولم اغير البطاريه حتى الان والعربيه عامله 75 الف كيلو لكن كان معايا بيجو 504 وكنت بغير البطاريه كل سنه تقريبا او اقل من سنه

[AHMEDCAR]

الاقطاعى وصل

بصوا ملحوظه مهمه جدا جدا السخونيه الشديده بتاثر على عمر البطاريه

نيجى بقى للبطاريات و سنينها

اوكتافيا a4 موديل 2007 غيرت البطاريه على 60 الف بعد حوالى سنه و بضعه اشهر (انا عملت 55 الف 12 شهر بالتمام و الكمال )

لانوس 2004 بصراحه كنت جايب العربيه مستعمله و غير البطاريه اللى كانت فيها بعد سنتين و استخدام حوالى 20 الف كيلو ( برجح ان البطاريه باظت لان اخويا كان سافر 6 شهور خارج مصر و العربيه فضلت مركونه الفتره دى و بتدور من كل فتره للاخره )

برايد 97 كنت جايبها مستعمله برضو و غير البطاريه بعد 3 سنوات و استخدام حوالى 30 الف كيلو

مرسيدس موديل 82 كنت بغير بطاريه كل سنتين او 3 سنوات

بى ام z3 بعد سنتين استعمال و 60 الف كيلو

رينو كليو موديل 2003 غيرت بطاريه واحد فى استخدام 40 الف

الميجان 2005 غيرت بطاريتيين فى استخدام 40 الف كيلو

لادا موديل 95 غير البطاريه 3 مرات فى 10 سنوات و استخدام 150 الف كيلو

شاهين موديل 99 غير 4 بطاريات فى خلال 10 سنوات و 160 الف كيلو

دول اللى متذكرهم حاليا