هل انت مع ام ضد قيادة السيارة لاقل من السن المحدد؟؟

[_amr.mostafa_]

المشاركة الأصلية كتبت بواسطة bmkbmk معلهش يا باشا بس انا ضد سواقة من هم تحت السن القانونية لأن معظمهم و ليس كلهم بيكونوا مستهترين و ليسوا على قدر المسئولية هو ممكن يسوقوا فى الاماكن السكنية اللى حوالين البيت يعنى كنوع من التدريب و التعليم حتى يصوا للسن القانونى و يستطيعوا استخراج رخص القيادة

شكرا على الدخول ..وجهة نظر صحيحه 100%

المشاركة الأصلية كتبت بواسطة احمد بدر1978 انا اتعلمت عندى 12 سنة فانا مع تعليم السواقة فى سن صغير بس السواقة فى سن القانونى احسن

شكرا لك على الدخول

المشاركة الأصلية كتبت بواسطة mstool بس اقولك المختصر المفيد انا بسوق من و انا تحت السن بس الحمد لله كان زمان و كبرنا و طلعنا رخصة من زمان هههه المهم الموضوع كلة ان مش كل واحد زى التانى يعنى لو هو بيعرف يسوق و متمكن مش اهبل عايز يركب عربية و خلاص زى بعض الامثلة و مدرب و بيعرف يتصرف فى السواقة و سواقتة عاقلة و هادية خلاص لكن الهبل و لعب العيال دة يجرب ياخد مثلا يعدى من حتة صغيرة و هو ماشى سريع يعمل مغامرة بالعربية يبقى بلاش اصلا يدولة عربية و دة كمان المفرود فى الصحراء ميمشيش فوق ال 100 دة اخرة يعنى لانة معندوش خبرة هو اخرة بالكتير اوى بيسوق بقالة مثلا بتاع سنة ولا حاجة لو قلنا انة واخد العربية من مدة كبيرة هيبقى سنتين لكن كل اللى بشوفهم عيال و معاهم عربيات الصراحة بيبقوا هبل دة اللى شوفتة اكيد فى نوع كويس مشفتهم لسة فى مصر هنا هههههه لكن ملهاش دعوة بالسن ليها دعوة بالعقل لان انا شوفت راجل عندة فوق ال50 55 سنة و شعرة اببيض و كسر علية امبارح كسرة ميكسرهاش طفل فى ابتدائى لو ادولة العربية الصراحة كنت متغاظ منة اوى شتمتة شتيمة وسخة ببص على العربية طلع راجل من سن ابويا يعنى اعمل اية الواحد بيبقى ماشى خايف على العربية بالعلم انى متمكن منها جدا مش منظرة حقيقة و راجل عندة 5 يستحقش يسوق فى الشوارع و ممكن واحد عندة 17 سنة يكون بيسوق تمام و معظم الغلاطات بتيجى من الكبار لان السواقة ملهاش كبير هيا و الحوادث اهم حاجة عدم الاحداث احداث السواقة يعنى متخدش العربية جديد فرحان عايز تتمنظر تخربها و تخرب عربيات و حياة الناس انا فى منطقة ساعات كنت بركب منها ميكروباصات كل السواقين بتوع الميكروباصات بتوع 13 و 14 و 15 سنة و بيسوقوا زى الفل علشان اد المسؤلية و عارفين انة اكل عيش مش لو العربية باظت مامى تجيب غيرها هو دة المبدا عدم الاحداث و المنظرة و العقل فى السواقة والله يخرب بيت سواقين التكسة اللى كلهم ماشين فى عرض الشارع و يقف و يكسر و ميديش اشارات و كلهم رجالة كبار فوق ال 45 سنة انا عملت حادثة على فكرة كانت غلطة منى اول ما طلعت الرخصة مش و انا مش مطلعها فملهاش دعوة بجد

شكرا لك ...وانا متفق معك

[_amr.mostafa_]

المشاركة الأصلية كتبت بواسطة corsair والله انا نفسي يخلوا الرخصة علي سن 35 سنة يكون الواحد عقل وبطل جنان

ههه شكراً لك على الدخول ...يارب محد يسمع كلامك

[مظهر صفوت]

ضد ضد ضد ضدptmnlo123per187 واتمنى يعلوا بالسن القانونى ل22سنة يكون الشاب خلص جامعة وبدأ يحس بالدنيا وقيمة الفلوس ويحافظ على العربية اللى راكبها سواء بتاعة(بابا) ولا اللى شاريهالوا(بابا) وكمان بدأ يهدا شوية من الptmnlo123per1108

[_amr.mostafa_]

شكرا استاذ مظهر على الرد ويارب ماحد يسمع طلبك .......

[AbOnOrA]

انا اخويا الصغير علمته السواقه وهو سنه 11 سنه وكان بيسوق بمنتهى الحرص اكتر منى ومن اى حد فى العيله كلها والله سواء فى التقاطعات او ربط الحزام او اى حاجة تانيه لانه بطبعه حريص وحذر جداً من صغره واكتر من مره انقذ الموقف لما بيكون مع والدتى وهى سايقه وتتعب فى السكه من الضغط مثلا او حاجة كان بيسوق هو لحد ما يروحو

فانا مقتنع ان الموضوع مش موضوع سن ابداً هى الفكره اولاً ان التعلم فى سن صغيره افضل وبعدين لازم يكون فيه رقابه وتقييم من الاب او الاخ الكبير اذا كان طبيعه سواقته والتزامه كويسه ولا لاء

يعنى انا مثلا لو لقيت اسلام ابنى بيسوق بتهور وسنه قانونى مش هخليه يسوق ولا هطلعله رخصه ابداَ

ديه قناعتى الشخصيه بصراحه