المتسوبيشى كولت؟؟؟؟

[horas3000]

المشاركة الأصلية كتبت بواسطة dego_story الف شكر استاذ horasعلى المشاركة المفيدة وياريت لو حضترتك تعرف بعض المعلومات عنها تضيفها معانا خصوصا ان الموديل دا مش موجود عنة معلومات كتير زى باقى الموديلات وشكرا للمتباعة

بص يا سيدي الشكل اللي انت بتكلم عليه ده نزل سنة 96 و استمر لغاية 2004 و كانت 3 ابواب بس
العربية كانت بتتوفر بمحركين 1300 سي سي و دي كان 75 حصان و ال 1500 سي سي كان 98 حصان و الاتنين كان سحبهم كويس خصوصا ال 1500 كان رائع. بالنسبة للكماليات كان في فئتين GL و GLX و الفروق في الحاجات العادية زي التكيف,كاسيت,رجاج كهرباء و شرحة.

العربية ده خصوصا شكلها في الوقت ده كان ثوري و كانت اي تعديلات بتليق عليها و كان في شباب كتير بيسقطولها مواتير ال EVO و العربية كانت بتتحول و ياما شوفت الكولت ال EVO بتحرج عربيات اقوي زي الموستانج و الكمارو.

العربية طبعا لم تنتشر في مصر بسبب سعرها اللي كن غالي و انها كانت 3 ابواب بس الشيئ الغير مقبول حتي من محبي الهاتشباك اللي اتجهوا لعربيات تانية زي البولو و الابيزا. عكس الخليج اللي العربية كان اغلب مستخدميها من الشباب الصغير و السواقين الجداد فالحجم مكانش بيفرق و لان تكيفها كان فريزر علي عكس العربيات الاوروبي في هذا الوقت اللي تكيفهم مكانش بمستوي الياباني

انا شخصيا جاتلي فرصة و سوقت العربية دي و كانت 1500 سي سي اوتوماتيك و بصراحة ذهلت من سحبها العربية جراية جدا و حجمها بيشجعك علي الغرز و اللعب بيها و ثباتها كان كويس جدا و ان كان برضوا لا يماثل الالماني زي البولو و الابيزا مثلا.

و ادي كام صورة للموديل






اتمني اكون قدرت افيدك

[dego_story]

بجد ياستاذ horasالف شكرا بصراحة حضرتك قولت كل اللى الواحد كان عايز يعرفة عنها ومشاركة ممتازة من حضرتك بجد وشكرا للمعلومات المفيدة والقيمة عن السيارةوشكرا على الصورة الرائعة طيب ولوحضرتك معروض عليك الكولت ولا الابيزا نفس سنة الانتاج تفضل مين نظرا لخبرة حضرتك عن المتسوبيشى كولت

[m_o_sakr]

تسلم ايدك يا استاذ حورس, فعلاً شرح وافى كافى

[horas3000]

المشاركة الأصلية كتبت بواسطة dego_story بجد ياستاذ horasالف شكرا بصراحة حضرتك قولت كل اللى الواحد كان عايز يعرفة عنها ومشاركة ممتازة من حضرتك بجد وشكرا للمعلومات المفيدة والقيمة عن السيارةوشكرا على الصورة الرائعة طيب ولوحضرتك معروض عليك الكولت ولا الابيزا نفس سنة الانتاج تفضل مين نظرا لخبرة حضرتك عن المتسوبيشى كولت

العفو يا باشا و انا في الخدمة
و انا مش خبير في الكولت ولا حاجة انا بس كنت معجب بيها جدا ايام ثانوي و مهتم بالمعلومات عنها و جربتها من حوالي سنة او اكتر مع زميل ليا
اما في المقارنة بينها و بين الابيزا فانا بعد ما جربت الالماني و شفت ثباتة و امكانياتة
اختياري هيبقي الابيزا بصراحة بس ال 1600 مش اقل من كدة

[dego_story]

المشاركة الأصلية كتبت بواسطة horas3000 العفو يا باشا و انا في الخدمة و انا مش خبير في الكولت ولا حاجة انا بس كنت معجب بيها جدا ايام ثانوي و مهتم بالمعلومات عنها و جربتها من حوالي سنة او اكتر مع زميل ليا اما في المقارنة بينها و بين الابيزا فانا بعد ما جربت الالماني و شفت ثباتة و امكانياتة اختياري هيبقي الابيزا بصراحة بس ال 1600 مش اقل من كدة

ياباشا بجد جزاك الله خير وشكر كتير على المعلومات الجامدة دى بجد قولت كل اللى الواحد كان عايز يعرفة والف شكر لي تانى ياباشا بس يعنى هى اتزنها ماينفع للشد والغرز ولا ايه وكمان دى اغلى من الابيزا مثلا وحضرت بتقول ان اتزان الابيزا اعلى منها