هشتري عربية رخصتها منتهية .. أرجو النصيحة

[MSAAE]

أنا إن شاء الله نويت أشتري عربية مستعملة
ورخصتها منتهية ..
ولما صاحب السيارة راح يجيب شهادة بيانات
قالوله لازم تدفع ضريبة سنة عشان نطلع لك شهادة البيانات
مع العلم أن الرخصة بأسمه وهو المالك الأول للسيارة
في الحالة دي مين اللي مفروض يدفع ضريبة السنة دي ؟؟؟؟؟

صاحب السيارة قالي أدفع أنت الضريبة مادام هترخص بأسمك
وكده كده الضريبة مش هتروح ومش هتدفعها تاني ساعت ما تيجي تكمل ترخيص العربية
مع العلم أن وحدة المرور اللي العربية تابعة ليها الأن غير وحدة المرور اللي هنقل ليها

ملحوظة : أنا ناوي أسجل العربية والرخصة بأسمي

أرجو النصيحة والتوضيح ..

وأسف على الإطالة

[ahany]

اولا الف مبروك مقدما على العربية
بخصوص شهادة البينات
فعلا لابد من دفع الضريبة اولا حتى يتمكن البائع من استخراج شهادة بينات . وفى تلك الحال عند نقل ملكية السيارة باسمك لن تدفع الضريبة ( ولكن لابد من فحص السيارة فحص فنى - سمكرة و دوكو و خلافة )
ثانيا . بخصوص من منكم يتحمل قيمة الضريبة
المفروض حضرتك كمشترى بتشترى السيارة برخصة سارية ولو منتهية المالك يجدد رخصة السارة قبل البيع
ولكن لو العربية عجباك وحالتها حلوة ممكن تكبر دماغك وتعديها . بس المهم متكنش الرخصة منتهية من ست شهور مثلا لانك هتدفع الضريبة من تاريخ الانتهاء ( يعنى هتدغع ضريبة سنة وتستفيد بالرخصة ست شهور بس )
لو منتهية من فترة طويلة اعتقد لازم البايع يدفع نصف الضريبة و انت النصف الاخر
ارجو ان اكون اجبت حضرتك
وتقبل مرورى

[MSAAE]

شكراً جداً ليك ..

طيب أحب أضيف ملحوظة صغيرة
العربية إن شاء الله اللي هشتريها جيب 3700 سي سي موديل 2007
ضريبتها كبيرة تقريباً 3000 جنيه
مع العلم أن الرخصة خلصت يوم 12/9/2012
يعني من خمسة أيام بالظبط ... والعربية فابريكا من جميع النواحي
خايف ادفع الضريبة في مرور مدينة نصر اللي السيارة تابعة له الأن
ولما أخد شهادة البيانات وأنهي إجراءات الشهر العقاري
وأروح على مرور البساتين اللي أنا تابع له يطالبوني بدفع قيمة الضريبة تاني

تبقي صعبة قوي قوي عشان المبلغ مش صغير

رأيكم إيه

[ahany]

بموجب شهادة البينات الصادرة من المرور لتابعة لية السيارة . حضرتك هترخص فى مرور البساتين دون دفع الضريبة
وشهادة البيانات الصادرة من المرور التابعة لية السيارة هيكون مكتوب فيها ( تاريخ انتهاء الضريبة 12/9/2013 )
مع خالص تحياتى