هتجنن !!! عــايز حل للمشكلة دى

[el_magic]

السلام عليكم ركزوا معايا بالله عليكم واللى عنده حل كويس مبيخلش عليا بيه
انا اشتريت عربيه من حوالى 6 شهور تقريبا "بتوكيل" من حد قريبى وقريبى كان مشترى العربيه بتوكيل واللى باع لقريبى كان مشتريها بردو بتوكيل كدا 3 توكيلات غير التوكيل بتاعى قبل الرخصة تمام كدا ؟؟؟؟
دلوقتى الرخصة انتهت وانا حبيت انقل لمرور سوهاج والعربيه ف الأساس مرور الدقى ( بين السريات ) المطلوب الحاجات دى : عقد بيع مسجل و شهادة بيانات ومطابقة بصمة وشهادة مخالفات تمام اوووى انا جبت شهادة البيانات ومطابقة البصمة وعملت العقد المسجل ودفعت طبعا الضريبه للعقد 1450 وضريبه الترخيص ف مرور الدقى 240 وجيت عند شهادة المخالفات الموظفين قالوا عليها جنحة او مخالفة ب400 جنيه من سنة 2010 ( ملحوظة الرخصة القديمة معمولة ف 2011 معرفش ازاى من غير ما يسدد المخالفة ) انا قولتلهم تمام مش مشكلة ادفع ال 400 رفضوا وقالوا لازم صاحب العربية الاصلى اللى اسمه مكتوب ف الرخصه ومش هو وبس وكمان اخوه اللى تقريبا كان قاعد جنبه عشان دى غرامة حزام وهو معملش استنئاف ... قولتلهم طيب خدوا 500 جنيه والدنيا حلوه يعنى بردو رفضوا لازم صاحب العربيه الأصلى .... وانا دلوقتى مش قادر أوصل خالص لصاحب العربيه الأصلى روحتله ف عنوانه القديم المكتوب ف شهادة البيانات والتوكيلات مش موجود ومحدش يعرفه خالص مع العلم ان من سوهاج ومعرفتى بالأماكن ف مصر ضعيف جدا ..... إيه الحل يا جدعان اغيثونى >>>>>> معلش صدعتوكم وف أنتظار رأيكم

[AbOnOrA]

الفترة ديه فعلاً كان فيها لخبطة جامدة فى المخالفات انا نفسى كان علي مخالفات بزيادة عن الف جنية وروحت لقيتها 5 جنية ويمكن تطلع بعد كده !!

فده بيحصل كتير بس موضوع ان الجنحة ديه خاصة بشخص مالك العربيه السابق وهو بس لازم يدفعها والقصه ديه فاعتقد محتاجة استشاره محامى اكيد هيشوفلك صرفه قانونيه فيها

[el_magic]

وانا لما بشوف مخالفاتى ع النت بيقولى 21 جنيه أروح هناك يقولوا 400 وف صورة المحضر مكتوب 105 ... انا هتشل
استشرت محاميين وظباط وبعتنا محامى للموظف مفيش حاجه نافعه معاهم ... والمشكله ان مالك العربية من مواليد خارج مصر حسب رقمه القومى فممكن يكون سافر تانى برا مصر ... بس المحامى بيقول ممكن نعمل محضر اننا مش لاقين مالك العربية المشكله المحضر دا هيأخد سنين ع بال ما يتأخد فيه قرار