ليه الهيونداى ؟؟؟

[sam ram]

المشاركة الأصلية كتبت بواسطة بدر بسيونى ومااعتقدش اننا حنختلف فى دى بس برضه سعرها برغم انه نسبيا رخيص بالنسبة للسوق لايزال غالى بالنسبة لامكانيتها وجودتها

اعتقد اننا حنختلف في دي ...
اولا مفيش عربيه في مصر رخيصه والبركه في الجمارك اللي خلت عربيات عمرها الافتراضي انتهى من 20 سنه يبقى ليها سعر
اي عربيه هي في النهايه سلعه استهلاكيه ... يعني الواحد يستخدمها شويه حتى لو كانت شويه دي يعني 10 سنين و بعد كده يرميها في مقلب سيارات يكبسوها حديد خرده ويعاد تدويرها
لكن احنا عندنا العربيات زي عفش البيت بنشتريه مره واحده في العمر و كل 10 سنين ننجده و نغير لون الفرش

هل لو احنا جبنا اي عربيه هيونداي و زودنا امكانياتها اللي هي المفروض عوامل الامان زي ال ABS و الايرباج (على اساس ان بقيه الكماليات متوفره ازاز كهربا و سنتر و باور والذي منه )
و حسنا جودتها اللي هي خامات التابلوه و الصالون
هل ساعتها العربيه الكوري حتبقى زي العربيه الياباني ؟؟
لو أه ...يبقى كده فرق السعر صح و مظبوط
لو لأ .. لأ ليه ... هل مواتير الكوري تعبانه عن الياباني ؟؟
وانا بتكلم عن مقارنه بين عربيات فرق السعر بينهم من 10 ل 20 %
يعني مينفعش نقارن كورولا ب 150 الف مع النترا ب 93 الف
لكن بتكلم عن الانسر بومه و الياريس والهوندا سيتي مع الالنترا و الاكسنت و الاي 30 ( مع فارق السعر )
هل عفشه الانسر بومه بتعيش 10 سنين مثلا و الالنترا 7 بس ؟؟
طيب هما اساسا بقالهم 10 سنين او 7 حتى علشان نحكم عليهم و نقول ان جوده الكوري اقل !!
الكوري جديد نسبيا عن الياباني
لكن النهارده الناس بتحكم على الالنترا و السيراتو والفيرنا من خلال الاكسيل و الاكسنت ... اللي لو كانو تعبانين اوي كده مقارنه بسعرهم مكناش شفنا كميه عربيات هيونداي اللي ماليه شوارعنا !!
لو بالتاريخ يبقى الاوروبي نمره واحد
لو بالجوده الهندسيه يبقى الالماني نمره واحد
لو بالتصميم والمواتير يبقى الايطالي نمره واحد
لو بجوده التصنيع يبقى الياباني نمره واحد
لو بالسعر ...... يبقى مين ؟؟؟
الصيني ptmnlo123per1147
امال الكوري فين ؟؟!!
بيرقص على السلم يا باشا ptmnlo123per154


الغريبه اننا بنتكلم على اساس اقتناع كامل ان امكانيات وجوده الكوري اقل من الياباني
مع ان الحقيقه المؤلمه يا بدر باشا ان تقارير الاعتماديه في السوق الامريكي 2009 بتقول ان هيونداي اعلا من تويوتا و هوندا ...
وللأسف .. ميتسوبيشي ... في ذيل القائمه ptmnlo123per172

http://www.masrmotors.com/vb/showthr...?t=1782&page=2

واضح انه فعلا شغل دعايه و ذوق فني ركيك نتيجه الاغاني الهابطه اللي غرقت السوق
علشان كده هيونداي بقت الرابعه على العالم

[AHMEDCAR]

المشاركة الأصلية كتبت بواسطة sam ram اه صحيح يا دكتور .. انا كنت نسيت الطفايات و شباشب الحمامات وعندك واحد كشك سجاير ماتريكس ماركه اتش غبور quote=Dr. Bolbolan;89030]و فيرنا زى بتاعة أحمد كار علشان تتف عليها ( على رأى سعادة اللواء أحمد أنور ) ! Dr. Bolbolan ptmnlo123per122

[/quote]




و الله هيونداى دى شركه محترمه فى الاول خلت سامح جاب عربيه و بتساعده فى مصاريف العيال بعد الظهر بتحولها كشك و الله محترمه

و بالنسبه للعبد لله

برضو بتساعدنى نفسيا انى لما اكون خلاص زهقت من حاله الاقطاعيه اللى انا فيها انزل و اركبها علشان احس بعامه الشعب و بعد كده اتف عليها و اركب الكنبه الاسطمبولى ( شاهين موديل 99 )

[بدر بسيونى]

برغم اختلافنا بس احب اقولك

العربية الهيوانداى اللى بتنزلك هنا مش هى اللى بتنزل امريكا لا فى امريكا اقل موتور للالنترا 2000 سى سى وحنبقى بنضحك على نفسنا لو قلنا ان نفس الفنش والكواليتى هى هى بين العربية هنا والعربية هناك

هى فين اللانوس والاكسنت مش حقولك 95 لا 98 و99 الموتور جايب جاز وتعبان والعربية فاكه منبعضها وحالتها كرب فى حين هات اللانسر 98 حتلاقى العربية موتورها زى الفل ماينفعش تقولى ان الموتور زى بعضه ولما اقارن عربية زى الالنترا لازم اقارنها بفئتها ومش زنبى انها سعرها ارخص بس هى ده نصيبها وفئتها


وتعال عات العربعة استهلاكية هات عربيتين واحدة يابانى وواحدة كورى وتعال نقيم حالتهم بعد 10 سنين عمر الاستهلاك على حد كلامك حتلاقى وحنعرض التنين لنفس الظروف وشوف بعد 10 سنين حتلاقى اليابانى حالتها مش وحشة فى حين الكورى ماتت بدليل بص على الاكسنت الشكل القديم واتحداك احسب كام عربية نزلت وكام عربية حلتها فوق المتوسط دلواتى

والموضوع مش بالتاريخ ولا الجغرافيا بس هو بالدراسة وتشغيل المخ اليابانى اعلى تكنولوجى سواء شاءت كوريا ام ابت ربنا خلقهم كده والفنش دقيق جدا

واللى خلى للكورى قيمة اننا شعب استهلاكى بمجرد ان واحد جاب هيوانداى قال حلوة حتلاقى التانى والتالت وهكذا مش عشان حلوة لا عشان انتشرت والهيواندى عموما مش حلوة بس انتشرت زى التدخين غلط وانتشر فمش كل حاجة انتشرت حلوة

والحلو فى الشركات الصينى انها عارفة مكانها وعشان كده حتنجح لكن غبور حاطط عربيته فى فئة اعلى

الالنترا بتبتدى من 93 الف ليه؟والاى 30 بتبتدى من 103 لابجد بنهزر ليه انشاء الله والمفاجاءة تنتهى فى 133 الف لا بجد تستاهل

يااستاذى الفاضل ABS فلا الهيواندى اوبشن للغنى طب اضحك عليا نزله لكن ليه ماكله بيشترى


الكورى اقل من اليابنى والكوريين عارفين كده ليه احنا بننكر ونحاول نحطهراس براس

ولو هى تحفة كده فى امريكا هيونداى وكيا الموديلات العليا برخص التراب وضمان 5 و10 سنين ليه ؟؟؟؟


وسبحان الله الهوندا رقم واحد فى اليابانى والتيوتا محبوبين جدا

وعشان تنجح لازم تعرف امكانياتك وللاستمرار لازم تعرف امكانيات الاخرين والكويين عارفين كده

[sam ram]

Role Reversal: Toyota launches in South Korea to battle Hyundai

by Noah Joseph (RSS feed) on Oct 20th 2009 at 4:57PM

2010 Toyota Camry – Click above for high-res image gallery

In this topsy-turvy economy, Hyundai is making serious headway against its Japanese rivals. While the Korean automaker has surpassed Honda and Nissan, to name just two, Toyota remains in the lead by a wide margin. But that doesn't mean ToMoCo is about to sit around and wait for Hyundai to continue gaining market share. In fact Toyota is taking the fight right to Hyundai's doorstep by launching a range of vehicles in the South Korean market.

Against the whopping 72% share which Hyundai and its Kia subsidiary enjoy in their domestic market, Toyota is bringing over the Camry, Camry Hybrid, Prius and RAV4, joining the luxury offerings from Lexus that have been in South Korea for the past eight years.

At 34.9 million won (the equivalent of $29,900 in American greenbacks), the Camry enters the Korean market at a significantly higher price point than the 21.3-million-won Hyundai Sonata, but with 1500 orders reportedly already placed, Toyota figures it can sell 500 vehicles every month this year before ramping up to 700 per month next year. That's still a far cry from the 12,000+ units Honda sold in South Korea last year, but even an automaker as large as Toyota knows you have to start somewhere.

http://www.autoblog.com/2009/10/20/r...attle-hyundai/

وعلى فكره يا باشا ...
الياباني اللي بينزل مصر برضو مش هو الياباني اللي بينزل بره
الهوندا سيفيك مواتيرها 1800 سي سي و شكل فوانيسها في كل الدنيا مختلف تماما عن اللي بتنزل مصر
والبومه بطلت خلاص .. معرفش بيجوبوها منين ؟؟!!
والسيتي اللي مش موجوده من اساسه على الموقع الرسمي تايواني
فين بقى الكامري و الاكورد و الليجاسي و مش حنقول الموديلات الاعلا
انا مبقولش ان الكوري احسن من الياباني او معمر عنه
لكن انا ممكن اشتري جذمه بالف جنيه تعيش معايا 4 سنين .. و ممكن اشتري جذمه ب 150 جنيه تعيش معايا سنه واحده .. تفتكر انهي الاحسن
قطعه الغيار اللي ب 100 وتعيش سنتين و لا القطعه اللي ب 500 و تعيش 4 سنين
هي الانسر 98 كانت بكام و اجدع عربيه كوري ساعتها كانت بكام ؟؟
لازم لما اقارن عربيتين من نفس الفئه يكون في تكافئ في السعر
لأن لو قارنا الفئات بس من غير اسعار يبقى نقارن بقى بي ام و لا مرسيدس بأجدع عربيه ياباني و نطلع الياباني كله ميسواش بصله ....
طبيعي ان اللي عايز يجيب عربيه ب 150 الف حيجيب كورولا و لا سيفيك و مش حيقارنهم بالنترا او سيراتو
زي برضو اللي بيجيب إي كلاس مش حيقارنها بكامري او اكورد .. ده بأعتبار انهم موجودين اساسا
مش كده برضو لا ايه
لو بالدراسه و تشغيل المخ فالموضوع مش اننا شعب استهلاكي هو ده اللي ادى لهيونداي قيمه
ولا اننا بنحاول نحطهم راس براس
لكن الفكره بمنتهى البساطه واحد معاه مبلغ × .. يجيب بيه عربيه ياباني ولا يجيب بيه كوري فئه اكبر او مواصفات اعلا ...
نفس السؤال نسأله للي بيجيب اوروبي مستعمل و يسيب الياباني الزيرو مع ان في ناس بتصر على مقارنه الياباني بالاوروبي زي ما في ناس بتقارن الصيني بالكوري ...
وبعدين يا باشا احنا تاعبين نفسنا ليه ... هو احنا لو اتفقنا ان هيونداي واخده شعبيه زياده عن حقها ده حيقلل مثلا من حجم مبيعاتها على مستوى العالم .. او لو حصتها في السوق المصري قلت من الربع ل 5% مثلا ان شعبيتها على مستوى العالم حتنهار
كله محصل بعضه ... احنا بس غاويين نتعب دماغنا و نثبت اننا على حق حتى لو كان العالم كله بيقول كلام تاني ptmnlo123per1106

[بدر بسيونى]

وانا لما باجى اقارن ماليش دعوة انا بقارن الفئة من غيرالسعر انما بحجم الموتور والعربية يعنى الالنترا توازى اللانسر من اتكلم بقى فى اداء مش ذنبى ان العمالة الكورية رخيصة بس الاساس انى بنافس فى نفس الكاتيجورى وبحاول اخد ماركت شير من اللانسر وللعلم انخفاض الاذواق للناس جميعا وانا منهم سببه المستوردين وده ادى الى تاثر السوق ورغبته فى الكماليات على حساب الاساسيات ولو هى امكانيات يبقى احنا ليه رفضين الصينى ده مافيش فيه غير الامكانيات وبس وليه نثبت لبعض ليه مايكنش الهدجف الحوار ومعرفة فكر الناس التانيين ومش لازم كل واحد يقنع التانى والنقاش لايفسد للود قضية


وكمان انا ليا استفسار انا ماشفتش على سايت هوندا ان فيه سيفيك 1600 خالص كله 1800 وده واقعى عشان يدى 140 حصان لكن 1600 و140حصان مش عارف كتير وبصراحة انا متحير من الموضوع ده جدا مش حاسس انها فعلا 1600 وللعلم انا سقتها اكتر من مرة