هل غلط ان المياة جوة القربة تكون بتغلي ؟؟

[Ahmed AlGamal]

انا معايا عربية لانوس 1999

من ساعة ما اشتريتها من حوالي سنة و هي الحال ده .. طالما العربية دايرة بقالها فترة لازم المياة جوا القربة تكون بتغلي

قريت موضوع في المنتدى عنوانه الحقوني المياة بتغلي جواة القربة و جربت كل حاجة ..... و الناس عمالة تقوله طب شوفت الثرموستات طب مش عارف ايه .. و انا مندهش

[احمد على 1999]

ههههههههههههههههههههههههه ههههههههه




























فى حاجة غلط عندك فى العربية
ابتدى بغطا القربة

[borio1704]

المية لما تغلي معناها إن فيه فقاعات هوا بتطلع من المية، والفقاعات دي معناها تبريد أقل لإن المية مش لامسة في المعدن اللي بتبرده

الصح إن المية ما تكونش بتغلي لإن دايرة التبريد بتشتغل تحت ضغط عالي، والضغط العالي بيمنع الغليان (بيرفع درجة الحرارة اللي المية بيتغلي عندها).

زي ما قالك المهندس أحمد على... أول حاجة تبص عليها غطا القربة ... علشان واضح إن عندك تسريب للضغط.

[Ahmed AlGamal]

المشاركة الأصلية كتبت بواسطة borio1704 المية لما تغلي معناها إن فيه فقاعات هوا بتطلع من المية، والفقاعات دي معناها تبريد أقل لإن المية مش لامسة في المعدن اللي بتبرده الصح إن المية ما تكونش بتغلي لإن دايرة التبريد بتشتغل تحت ضغط عالي، والضغط العالي بيمنع الغليان (بيرفع درجة الحرارة اللي المية بيتغلي عندها). زي ما قالك المهندس أحمد على... أول حاجة تبص عليها غطا القربة ... علشان واضح إن عندك تسريب للضغط.

متشكر جدا على الشرح و التوضيح ... انا بتكلم على حالة المية بعد ما بفتح الغطا لما اكون لسة طافيها تقريبا بتبقى بتغلي و بتعمل سوط فس :D اول ما اهوي الغطا شوية و ممكن تفور و تنزل شوية مية و بعدين بحوش الغطا خالص .. مش متاكد اذا كانت بتعمل بلالين ولا لأ و الغطا مفتوح مش فاكر .. انما لو الغطا مقفول ما خدتش بالي .. انا هراقب حالة الميا في الحالتين سواء القربة مقفولة او مفتوحة و ارد عليكم .. متشكر جدا على ردكم و اهتمامكم و ربنا يجازيكم خير

[ramy safwt]

المشاركة الأصلية كتبت بواسطة Ahmed AlGamal متشكر جدا على الشرح و التوضيح ... انا بتكلم على حالة المية بعد ما بفتح الغطا لما اكون لسة طافيها تقريبا بتبقى بتغلي و بتعمل سوط فس :D اول ما اهوي الغطا شوية و ممكن تفور و تنزل شوية مية و بعدين بحوش الغطا خالص .. مش متاكد اذا كانت بتعمل بلالين ولا لأ و الغطا مفتوح مش فاكر .. انما لو الغطا مقفول ما خدتش بالي .. انا هراقب حالة الميا في الحالتين سواء القربة مقفولة او مفتوحة و ارد عليكم .. متشكر جدا على ردكم و اهتمامكم و ربنا يجازيكم خير

انت عارف انت عملت ايه فى العربية دلوقت ؟

بص حضرتك قربة المية او غطاء الردايتير ميتفتحش الا الصبح بدرى و العربية بارده و يتقفل كويس جدا و تمشى و كل 200 كيلو تتأكد انه مقفول كويس لو عدى عليه 5000 كيلو تفصل جوان غطاء قربة و بعد ال15000 كيلو تغير القربة كلها والخراطيم و الكوعة لو ما اشتاكوش خليها ببركتها

دلوقت عربيتك كانت تمام و ده طبيعى انك لما تفتح القربة بعد ما الموتور يكون داير و سخن بيطلع ضغط المية السخنة عالى جدا و بيبهدل الدنيا و الفس و اللى انت بتشوفه ده عملية معادلة الضغط مش الحرارة و بيرجع السبب ان مواسير الراديتير اضيق من فتحة التسريب اللى هيا غطاء القربة و اضيق من مكان احتباس الميه اللى هو جسم الموتور فبتطلع كلها بضغط كبير و بتوقيتات مختلفة ده بيعمل الفقاقيع

تروح لميكانيكى يسحبلك الهواء من الدورة و يظبط المية و يطمن على جوان غطاء الراديتير و ما تجيش نحيتها و هيا سخنة تانى ولا بعد ساعتين حتى