قائمه بالمواتير الشائع تسقيطها فى السيارات ((((منقول))))

[Hisham.Elgazzar]

المشاركة الأصلية كتبت بواسطة fadymedhat هو مش ممكن يتسقط موتور فولكس جولف فى 132....اكيد هيكون افضل....

ممكن بس انت عارف محدش هيعرف يرخصها المرور مانع الكلام ده عندنا فى مصر
انما لو هترخص العربية كل 3 سنين ماشى
موتور الجولف الVR6 ممكن يركب عليها

[se7s_g]

لو جيبت موتور 132 استيراد نضيف هيعمل حوالى 112 حصان وده من اقوى مواتير الفيات ويركب بدون تعديل وتمنه 3500 جنيه موجود فى عزبة شلبى
بس مشكلته انه موديلات قديمه وانا عايز حديث وبرده الهورس مش عالي


وممكن تجيب موتور بولونيز 1800 إنجيكشن وتقلبه كربراتير وهيشتغل معاك زى الفل وموديل حديث لأن البولونيز آخرها 2004 هتلاقى مواتير حيه وسعرها 2700 بالفتيس
على فكرة البولونيز اخرها 2003 بس مشكلة المواتير ديه ان الهورس باور بتاعها مش عالي وبتسخن بسرعة جدا جدا وسعره من 2500 بالباور في عزبة شلبي

انما لو عاوز بقى تدفع شوية وتغير من العربية 180 درجة
بس انا مش مسئول ادنى مسئولية لو العربية ماستحملتش او انت مش مأسسها كويس
متقلقش خالص مش هقول ان انت اللي قولتلي
هتنزل على بورسعيد عند تجار الإيطالى وتعمل حسابك على 5000 جنيه أقل واجب وتسقط مكنة اللانشيا الدلتا ال2000 سىسى بس محتاج خبير معاك يشتريهالك
الف شكر ليك يا استاذ Hisham على المعلومات ديه
هو فعلا انا كنت بفكر في موتورمن اتنين
اللانشيا الدلتا ال2000 لاني اعرف انه بيكون ليه هورس باور عالي بس مش عارف كام و المشكلة اني مش عارف موديلاته لغاية كام وقطع غياره اخبارها ايه متوفره وفين وهتحتاج تعديل ولا ايه ومين اللي ممكن يعمل الحوار ده وايه الحاجات اللي هتحتاج تتغير
والموتور التاني بي ام 1800 IS موديل تسعينات مثلا ده بيكون حاجة تانية يعني هورس باور من140 حصان وانت طالع - 2 كامة - 16 صباب بس مشكلته تعديل قواعد وحوار وهو تقريبا تكلفته قريبه من اللانشيا

ونسيت أقول ان قطع غيارها غالية جدا
بس موجودة ولا لأ وغالية ضعف الثمن مثلا
موتور ال132 ممكن نعدل فيه ونخليه زى الغول معاك ويعتبر من أحسن مواتير الفيات اللى نزلت وكفايه ان قطع غياره موجودة
هي هي المشكلة موديلات قدييييييييييييمه جدا
وانا اسف جدا طولت عليك

[se7s_g]

المشاركة الأصلية كتبت بواسطة fadymedhat هو مش ممكن يتسقط موتور فولكس جولف فى 132....اكيد هيكون افضل....

يا باشا احنا بنتكلم على البولونيز لكن لو حضرتك تقصد 132فعلا
فمواتيرها بالطول وجر خلفي عكس الجولف بالعرض وتقريبا امامي يعني شغلانة
ممكن بس انت عارف محدش هيعرف يرخصها المرور مانع الكلام ده عندنا فى مصر
يا استاذ Hisham انت بتقول انت في مصر
يعني مشكلة المرور ممكن تظبط الناس هناك وكل حاجة تمشي ان شاء الله

[NASERELFHHAM]

كلام جميل

واستفدت كتير

شكرا للجميع

[kj1]

المشاركة الأصلية كتبت بواسطة fadymedhat المره دي حبيت أعرف الناس على أغلب المواتير و المواتير الشائعه اوي انها تتسقط و الموضوع حيبقى إني حكتب أسم العربيه و تحتها المواتير إلي ينفع تركب عليها فيات فيات 125 دي بيركب عليها موتور البولونيز و مفيش حاجه بتحتاج تتغير في عمليه التسقيط. فيات 127 دي ليها كذا موتور يسقط عليها, أولهم موتور 1050 ألماني و ده فيه منه إتنين, واحد عادي بيدي 50 حصان بس و التاني إسبور. الإسبور أشد و بيعمل 70 حصان. بس الموتور ده قديم و مش محبذ. فيه موتور لانشيا 1300 سي سي و ده معقول جدا على العربيه و بيركب على العربيه بكل سهوله, بعكس ال 1600 اللانشيا برضه فهو بيركب بس الحوض ضيق قوي فبيخلي التعامل مع العربيه في التصليح مقرف. و برضه الموتور ال 1500 ريجاتا بيركب. أشد موتور لل 127 أكيد طبعا الأونو التربو ال 1300 سي سي أو ال 1400. الموتورين دول جامدين جدا, بس عايز انك تبقى فاهم انت بتعمل ايه علشان متركبش عربيه زي دي و أنت مش عارف ايه إلي أنت راكبه ده, لإن المواتير التربو محتاجه شويه خبره و متابعه و الموتور ده مش منتشر أوي. المواتير دي كلها قبل ما تسقط لازم يتعمل تقويات للشاسيه بإستثناء الموتور ال 1050 العاده فيات 128 برضه هي هي نفس مواتير ال 127 بتركب عليها, بس عيوبها ان الشاسيه مش قوي و عايز تقويات كتير و برضه بيتشرخ في الآخر. فورد العربيه دي أحسن حاجه فيها ان مواتيرها شديده و بتستحمل الشغل الكتير و الحرق عليها. فورد فييستا موديل 96-97 العربيه دي بتنزل بموتور 1100 كاربيراتير, الموتور ده عيوبه صوت التاكيهات العالي و 1100 يعني مش بتاع جري و مشاوير كتيره و بهدله. أفضل موتور ليها هو موتور الإسكورت ال 1600 زيتيك, ده إنجكشن و يعتبر أفضل موتور ليها بس محتاج تعديل في طرمبه الباور. و لو جبته موتور الفييستا مباشره مش حيحتاج تعديل في حاجه. في موتور تاني أشد و هو ال 1800 و ده فيه منه نوعين واحد بيعمل 105 حصان و التاني 130 حصان, ال 130 حصان مش متوفر أوي في مصر, و أصلا الموتور ده قطع غياره نادره حبتين ف الأفضل الموتور ال 1600. آخر موتور هو المونديو 2000 سي سي. هو حيركب بس محتاج تعديل في حاجات كتير فملوش لزمه. فييستا موديل 98-99 العربيه دي بتنزل بموتور 1300 إنجكشن, موتور معقول عليها و كويس مش وحش. الموتور الوحيد إلي ينفع يركب على العربيه دي هو موتور فورد بوما 1700 سي سي. إسكورت دي بقى شغلانه, لإنها بتنزل بموتور 1300 كاربيراتير أو 1600 كاربيراتير أو ال 1600 زيتيك. التسقيط على أول موديلين مكلف لإنهم كاربيراتير و حتغير حاجات كتير. و أفضل موتور ليها هو ال 1800 أو ال 2000 الزيتيك. مونديو دي ملهاش غير موتور واحد بس يسقط عليها و هو موتور جبار بصراحه, الموتور ده 2500 سي سي 6 سليندر. بيعمل 170 حصان و فيه الأحدث منه بيعمل 200 حصان. سيات أشهر عربيه في السيات هي الإبيزا, العربيه دي بتنزل بموتور 1000 أو 1300. و ليها موتورين يسقطوا عليها واحد 1600 و ده كويس بس أنا مرشحوش لحد علشان طالما ناوي أصرف طيب ما أجيب ال 2000 سي سي أحسن و ال 2000 سي سي بيسقط على الإبيزا عادي و بيحتاج شويه تعديل بسيط. بس الموتور يستاهل. و بيدي 150 حصان. هوندا طبعا عربيه غنيه عن التعريف و أنا حتكلم عن السيفيك بس موديل من 92-94.. العربيه دي بتنزل بموتور 1500 كاربيراتير و 1600 إنجكشن كامه واحده و 1600 إنجكشن كامتين. العربيه إلي بتنزل بالموتور ال 1600 الكامتين دي مش محتاج تسقط عليها حاجه لإن الموتور شديد و بيدي 170 حصان, الموتور ده VTEC. العربيات التانيه بيسقط عليها الموتور ال 1600 ده و اسمه SIR و ده أشهر أنواع المواتير إلي بتركب على السيفيك و أحسنهم. بي إم دبليو مش حتكلم عن الشارك و حبدأ كلامي علطول من الموديل إلي بعدها لإني مش بحبذ حد يصرف على الشارك لسببين, انها موديل قديم جدا, ثانيا ان قطع غيارها قليله. بي إم E30 82-90 العربيه دي بتنزل بموتور 1600, 1800, 2000, 2500. إلي عنده الموتور ال 2500 إلا حد ما مش محتاج يسقط موتور تاني, بس الموتور بتاع الدبانه ال 2500 أقوى منه بكتير و ده بيتقال عليه 25 أسود و بتاع ال E30 بيتقال عليه 25 أبيض. ال 25 الأبيض بيدي 170 حصان و الأسود بيدي 190 حصان. المتور ال 25 الأسود فيه منه موديلين, واحد ب حاجه إسمها VANOS و التاني من غير, إلي منغير ده القديم و ده موديل 92, ال VANOS من موديل 93. بي إم الدبانه موديل 92-98 لو أنت أقل من 2500 سي سي يبقى ألإضل شىء هو ال 25 الأسود أو ال 2800 و ال 2800 بيدي نفس قوة الحصنه 190 حصان بس بيرفق في العزم بس. لو أنت 4 سليندر حتغير الكورونه و عمود الكردان, ممكن تفضل بيهم و العربيه حتلاقيها حاميه على السرعات البطيئه و تجميعها سريع بس حتفقد السرعه دي على أر بي إم عالي و حتستهلك بنزين أعلى و حتنقل كتير. و السرعه القصوى حتقل جامد. الموتور ال 2800 VANOS برضه. عيوب ال VANOS ان ليه صوت مقرف حبتين و بيتتاكل بسرعه و الصوت بيعلى أكتر و الصوت ده أشبه بعربيه ديزل, بالرغم ان الصوت مقرف فعلا إلا ان ده مش معناه ان الVANOS باظ.