تجربتى مع لادا 2106 (1500)

[mr_astra]

ربنا يباركلك فيها وما تنساش تغير اويل سيل الكارونا مهم جدا
ولو ينفع تغير بوجيهات يبقى تمام اوى وتظبط رجلاش شداد سير الكاتينة ( البلف ) صوت الموتور هايتحسن كتير
ولو فيها تاكيهات ممكن نظبطها كمان
بخصوص تشحيم الكردان فعلا بيشتحم واللى مية فى المية فيها مشحمة من عند متلوتة الفتيس
وممكن تلاقى صلايب الكردان (2) فيهم مشاحم وممكن ميكنش فيهم مشاحم

[محمد حسن عبد الرحمن]

المشاركة الأصلية كتبت بواسطة dr_eslam_66 بسم الله ماشاء الله ربنا يباركلك فيها ويطرحلك فيها البركة، ويديك خيرها ويكفيك شرها. عارف بقي انا الي عجبني اكتر من تجربتك واكتر من نصايحك وكل الكلام الحلو الي انتا بتقوله دا: هدوؤ اعصابك ورزانتك وعدم انفعالك. والله انا لو جايب موتوسيكل موديل تمانين ولسة دا اول يوم ليه وواحد خبطني من وري لا هنزل امسح بكرامت الي ______ الارض. ربنا يهديلك اعصابك دايما ويقويك علي شيطان غضبك.

الف شكر ليك يا باشا والحمد لله انه بتيجى فى الحديد وربنا بيسترها مع الواحد طول ما هو مؤمن بالله وربنا يكرمك يا باشا.

أخوك محمد
:G ROWIN~12:

[محمد حسن عبد الرحمن]

المشاركة الأصلية كتبت بواسطة mr_astra ربنا يباركلك فيها وما تنساش تغير اويل سيل الكارونا مهم جدا ولو ينفع تغير بوجيهات يبقى تمام اوى وتظبط رجلاش شداد سير الكاتينة ( البلف ) صوت الموتور هايتحسن كتير ولو فيها تاكيهات ممكن نظبطها كمان بخصوص تشحيم الكردان فعلا بيشتحم واللى مية فى المية فيها مشحمة من عند متلوتة الفتيس وممكن تلاقى صلايب الكردان (2) فيهم مشاحم وممكن ميكنش فيهم مشاحم

الله يخليك يا باشا وربنا يكرمك انا بفرح لما بشوف حضرتك متواجد فى المنتدى وبعد أذنك أتكلم شوية فى اللى حصل معايا النهاردة نزلت النهاردة على الساعة 2 علشان أروح لميكانيكى تحت البيت بتاعنا وخليته يغير أويل سيل الكارونة وتم تغيره ولوحظ أيضا وجود تسريب زيت من الدربكوس وتم التربيط كويس والميكانيكى قال لى لو سرب تانى يبقى هنسقط دربكوس ونجيبله جونات ولوحظ أيضا ان الردارتير من تحت خالص المكان اللى تحت غطاء الرادريتر فيه نقط مياة صغيرة وانا كل يوم بزود مياة فى الرادراتير حوالى كوبية مياة صغيرة وكمان حاليا لاحظت ان الكلاكس مش شغال ولا الأنتظار ولا الكاسيت مع انى كنت عند الكهربائى يوم السبت اللى فات وكله كان تمام مش عارف انا بديت أزهاق من كثرة الأعطال اللى بتتطلع مع انى عارف ومتأكد أنها سيارة ممتازة بس عيون الناس مدورة وكبيرة أوى وربنا يكفيك ويكفينى شر الحاسد والحاقد وكل اللى الواحد يقدر يقولو الحمد لله.

أخوك محمد
:G ROWIN~12:

[mr_astra]

المشاركة الأصلية كتبت بواسطة محمد حسن عبد الرحمن الله يخليك يا باشا وربنا يكرمك انا بفرح لما بشوف حضرتك متواجد فى المنتدى وبعد أذنك أتكلم شوية فى اللى حصل معايا النهاردة نزلت النهاردة على الساعة 2 علشان أروح لميكانيكى تحت البيت بتاعنا وخليته يغير أويل سيل الكارونة وتم تغيره ولوحظ أيضا وجود تسريب زيت من الدربكوس وتم التربيط كويس والميكانيكى قال لى لو سرب تانى يبقى هنسقط دربكوس ونجيبله جونات ولوحظ أيضا ان الردارتير من تحت خالص المكان اللى تحت غطاء الرادريتر فيه نقط مياة صغيرة وانا كل يوم بزود مياة فى الرادراتير حوالى كوبية مياة صغيرة وكمان حاليا لاحظت ان الكلاكس مش شغال ولا الأنتظار ولا الكاسيت مع انى كنت عند الكهربائى يوم السبت اللى فات وكله كان تمام مش عارف انا بديت أزهاق من كثرة الأعطال اللى بتتطلع مع انى عارف ومتأكد أنها سيارة ممتازة بس عيون الناس مدورة وكبيرة أوى وربنا يكفيك ويكفينى شر الحاسد والحاقد وكل اللى الواحد يقدر يقولو الحمد لله. أخوك محمد :G ROWIN~12:

انا كمان بفرح لما بتكون موجود وبفرح اكتر لما بنتكلم
مشكلك مع العربية هى بسيطة جدا ومع مرور الوقت كولة هايبقى تمام بامر الله
مشكلة الاجهزة الكهربائية اشك بنسبة كبيرة انهم كلهم على فيوز واحد واما انة ضرب او انة مهزوز
زيت الفتيس بامر الله هايمنع طالما كان فى مسامير فى الفتيس مش مربوطة كويس وحتى لو فى تسريب تسقيط فتيس لادا سهل جدا ومش بتحل اى حاجة فى العفشة
تسريب المياة روح عند اى حد بتاع ردياتير وهو راكب ممكن يلحم اى خرم فية كلام فاضى جدا والله

[Hisham.Elgazzar]

مبروك السيارة وأهم حاجة تتأكد من كفاءة الموتور
ولازم تصلح اولسيهات الكارونة والفتيس
وبلاش مدافع والكلام ده ممكن تجيب صنفرة وتنظف البوجيهات
وتنظف الكربراتير باسبراى التنظيف أحسن
وبالتوفيق ، اللادا صديقتى اللدودة