مشاكل الكروز

[s_shekabala]

السلام عليكم جميعا
شكرا لكل الاعضاء
بس انتوا فهمتونى غلط انا مش قصدى انها كلها كدة
انا عن نفسى بحب العربيه دى جدا واحتمال اجبها بس خايف وكنت عاوز افكر بصوت عالى
وانقل تجربه فى مواقع اخرى
علشان محدش اتكلم عليها وعن عيوب ومميزات هنا
وبجد عاوزين ننفعل مع الموضوع علشان نعرف الحقيقه فين
وفيها عيوب ولا لاء

[hazem_khidr]

انا قريت الرساله يا شيكابالا
و معذره مافيش وقت اكتب التقييم بتاعي للعربيه من خلال التجربه لمده 5000 كم.
بس عموما كل المشاكل اللي سمعتها دي هباء
المشكله الوحيده اللي ظهرت هيا ان العربيه مرتين طلع في الكمبيوتر error و ما رضتش تشتغل
و فكينا كابل البطاريه و ركبناه تاني و اشتغلت
و لما راحت صيانه ال 5000 المشكله اتحلت و بحاجه بسيطه جدا
فكوا البطاريه و قاموا بتثبيت كابل السالب كويس
و بعدين نزلوا سوفت وير جديد للعربيه و بس علي كده
دا بالنسبه للمشاكل اللي مكتوبه فوق
اما اكثر حاجه مضيقاني فيها هو الفتيس
لانه ممل لواحد متطلب زيي
يعني بتحتاج وقت للتجميع وليكن نصف ثانيه مثلا او ثانيه و انا بحب العربيه تكون صاحيه دايما
و غير كده العفشه بتاعها بحسها ما زالت كوري برضه بسمع صوت و انا بعدي علي قواطع الطريق
و دا عمري ما بسمعه في لانسر موديل 98 علي سبيل المثال.
تماسك العربيه جيد و بيديك احساس انك راكب عربيه فئه اعلي رغم اعتمادها علي تعليق خلفي متصل
التكييف ممتاز رغم تأثيره البسيط علي الموتور و لكن تأثيره علي الموتور اقوي من تأثير التكييف علي الياريس مثلا.
يوجد صوت خفيف بالتاكيهات و عند السؤال في الصيانه اخبروني انه عادي

دي كل ملاحظاتي علي العربيه و اتمني اكون قد افدتك

[king mimo20]

يعم سيبك من اللى تقال خد كلام حازم باشا ثقة

[s_shekabala]

المشاركة الأصلية كتبت بواسطة hazem_khidr انا قريت الرساله يا شيكابالا و معذره مافيش وقت اكتب التقييم بتاعي للعربيه من خلال التجربه لمده 5000 كم. بس عموما كل المشاكل اللي سمعتها دي هباء المشكله الوحيده اللي ظهرت هيا ان العربيه مرتين طلع في الكمبيوتر error و ما رضتش تشتغل و فكينا كابل البطاريه و ركبناه تاني و اشتغلت و لما راحت صيانه ال 5000 المشكله اتحلت و بحاجه بسيطه جدا فكوا البطاريه و قاموا بتثبيت كابل السالب كويس و بعدين نزلوا سوفت وير جديد للعربيه و بس علي كده دا بالنسبه للمشاكل اللي مكتوبه فوق اما اكثر حاجه مضيقاني فيها هو الفتيس لانه ممل لواحد متطلب زيي يعني بتحتاج وقت للتجميع وليكن نصف ثانيه مثلا او ثانيه و انا بحب العربيه تكون صاحيه دايما و غير كده العفشه بتاعها بحسها ما زالت كوري برضه بسمع صوت و انا بعدي علي قواطع الطريق و دا عمري ما بسمعه في لانسر موديل 98 علي سبيل المثال. تماسك العربيه جيد و بيديك احساس انك راكب عربيه فئه اعلي رغم اعتمادها علي تعليق خلفي متصل التكييف ممتاز رغم تأثيره البسيط علي الموتور و لكن تأثيره علي الموتور اقوي من تأثير التكييف علي الياريس مثلا. يوجد صوت خفيف بالتاكيهات و عند السؤال في الصيانه اخبروني انه عادي دي كل ملاحظاتي علي العربيه و اتمني اكون قد افدتك

السلام عليكم
شكرا ياباشا على سرعه الرد والنصيحه
النسبه لموضوع الايرور دة سمعت عنوا كتير بس بدل حلوا بسيط كدة يبقى مفيش مشاكل
اما بالنسبه للتكيهات برضوا متهيألى انها عادى لحد الخمسه او بالكتير اوى لحد عشرة الاف كيلوا
وكنت عاوز اسئلك عن حاجه
انا ترجمت من كلامك كدة ان عربيتك استيب ترونك صح كدة ولا مانيوال
وحاجه تانيه تحديدا ان انا كنت خايف من موضوع ال 107 حصان ومكنتش واخد فى اعتبارى موضوع التكييف انها هتقل كمان والتكييف شغال
فكنت عاوز اعرف ايه رأيك فى السحب بعد التكييف

ومن كتر ترددى بالكلام اللى قريتوا متهيألى انى لو قررت واتكلت على الله ونويت اشتريها هدور على حد بيأجرها وأأجرها يوم كدة علشان موضوع السحب دة

وفى انتظار تقريرك مع العربيه دى قريبا جدا ان شاء الله
وشكرا

[رياح التغيير]

مفكرتش في سيات كوردوبه متهيأللي سعرها قريب من كروز او يمكن ارخص وعربية الماني اثبتت جودته علي مر السنين من ساعة مطلعت في التسعينات