#1
|
|||
|
|||
سؤال لولبي فى الدايو نوبيرا
لو سمحتم يا جماعة كنت عايز اعرف هوا البوبينه لو كانت بايظة ممكن تعمل رجرجة في العربية ولا لا
او بالتحديد عايز اعرف اعراض بوظان البوبينة واعراض بوظان الديسك والاسطوانة مع العلم ان السحب كويس جدا العربية نوبيرا 1 معاقين 97 مانيوال |
#2
|
||||
|
||||
رد: سؤال لولبي
السلام عليكم
فائدة البوبينه في السيارات الحديثه انها تعطي كهرباء الي كل بوجيه لو في خلل في احد الأطراف ستجد البوجيه مش شغال اي ان ثلاث بوجيهات فقط يعملوا والرابع فاصل بالتالي سيسبب رعشه في المحرك سواء وانت واقف او ماشي اما رجة الأسطوانه فهي تظهر عند بداية المشي بالعربيه ويكون بسبب السوست الموجوده في الأسطوانه ابتدأت في التعيب وفقد خواصها والله المستعان
__________________
صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
#3
|
||||
|
||||
رد: سؤال لولبي فى الدايو نوبيرا
بالظبط لو البوبينة بايظة ممكن تخلى العربيه " تتلت " بمعنى ان مش كل البوجيهات تشتغل وده يخلى اداء الموتور مرتبك ويخليه يرج العربيه والسحب يبقى ضعيف واستهلاك البنزين يبقى اكبر من المعتاد ويبان ده كله بشكل مضاعف لو مشغل التكييف كمان
الميكانيكى ممكن يفك سلوك البوجيهات ويشوفها ويقربها من جسم العربيه ويشوفها بتشرز وجامد ولا لاء هى طريقة بلدى طبعاً وممكن تطير الكنترول وخد بالك بوظان الموبينة عن تجربة ممكن هو كمان يطير الكنترول فاحسن تكشف عليها بسرعة قبل ما تعمل مشاكل اكبر وبالنسبة للفرق بين ده ومشكلة الدبرياج فزى ماقال الباشمهندس ولاء ان الرجة فى حالة الديسك والاسطوانة بتبان مع النقل للغيارات (اول ما تنقل غيار بس) بعد كدة بتمشى العربيه عادى والمفروض العربيه لو مظبوطةوالاسطوانة سليمة والبنزين مش تمانين تقدر تنقل بسلاسة وهدوء على كل الغيارات لحد الرابع اخيراً الرعشة لو بشكل دائم ممكن تكون بسبب تلف قواعد الموتور بس كل دة محتاج حد عندة خبرة شوية يجرب معاك العربيه ويبص عليها |
#4
|
||||
|
||||
رد: سؤال لولبي فى الدايو نوبيرا
لو نقاش عام الاخوة ردو على حضرتك لو عندك مشكلة فى عربيتك فضلا احكلنا على المشكلة بالتفصيل
__________________
يااااااااااااا رب إرحمنا بقدرتك علينا |
#5
|
|||
|
|||
رد: سؤال لولبي فى الدايو نوبيرا
السلام عليكم
المشكلة ان انا عندي رجرجة في العربية علي الغيار الاول فقط واول مالعربية تطلع بس وهيا سخنه فقط فانا شاكك ان الموضوع ديسك واسطوانة وفي ناس قالتلي ان العيب بوبينة لان العربية بتهبب بوجيهات بس انا شاكك ان الرشاشات فيها حاجة هيا كمان مع الديسك والاسطوانة مش عارف محتار اغير ايه ولا اغيرهم كلهم مع العلم ان العربية مفيهاش اي مشكله في السحب ولا الدوارة ولا الجري كله زي الفل هما المشكلتين دول ( التهبيب والرجرجة علي الغيار الاول فقط ) مع العلم ان العربية مبتهببش البوجيهات الا في المشاوير الزحمة فقط يعني لو روحت مشوار طويل علي طريق سريع البوجيهات بتبقي زي الفل افيدوني افادكم الله |
|
|