|
#1
16-03-2013, 09:33 PM
|
|||
|
|||
مشكلة فى الأوتوماتك دايو نوبيرا
بسم الله الرحمن الرحيم
قابلتنى امبارح مشكلة وانا ماشى على الطريق .لقيت لما هديت العربية بدات تتهز هزة جامدة وحسيت ان العربية مبوصلهاش بنزين وبعدين تفصل . اشغلها واحاول أحركها ادوس بنزين ولا كأنى بدوس قعد أحاول لغاية متحركت مع العلم ان الموضوع ده بيحصل لما العربية تكون لسه بتطلع .أما لما تطلع وتبدا فى الحركة ولا كأنى فيه مشكلة سألت أحد الحرفيين قالولى ان دى مشكلت فتيس فممكن حد خبرته كويسه من أعضاء المنتدى الكريم يقولى ايه الموضوع وشكرا 
|
|
#3
18-03-2013, 10:36 AM
|
||||
|
||||
رد: مشكلة فى الأوتوماتك دايو نوبيرا
قابلتني مشكله زي دية قبل كده وكانت موبينه .
اولا اتاكد انه الفتيس بيجيب كل الغيارات تمام d n r 1 2 3 كده يعني وشوف الزيت تمام ولا لأ . شوف سللك البوجيهات وبعد كده البوجيهات واخر حاجه ممكن الموبينه تكون باظت ( هي باظت عندي بعد مغسلت العربيه بسبب الميه ) . وحصل معايا نفس اللي بتحكي عليه بالظبط .
|
|
#4
18-03-2013, 10:57 AM
|
||||
|
||||
|
رد: مشكلة فى الأوتوماتك دايو نوبيرا
نسيت اقوللك ازاي الميكانيكي كشف علي الموبينه والسلوك والبوجيهات اقوللك .
الموبينه اللي هي لازقه في الماتور علي اليمين وطالع منها الاربع سلوك بتوع البوجيهات . حترفع اي فرده فيهم من علي الموبينه وتخليها فوق فتحتها يعني كأنك بتلمسها علي الهواء كده والعربيه دايره طبعا لو طلعت شرز يبقي الفرده دية قايمه لو مطلعتشي يبقي الفرده دية بايظه يأما من الموبينه يأما من السللك ياما البوجيه نفسه بايظ حلو قول حلو . نجرب الاربع فرد بنفس الطريقه انا عندي لقيت 2 بيشرزو واتنين لأ . حلو قول حلو . نتأكد بقه العيب من البوجيهات ولا السللك ولا الموبينه إزاي في الفرد اللي مبطلعشي شرز اقوللك . تجيب اي فرده من اللي كانو بيشرزوا معاك ومتاكد انها شغاله وتقربها من مكان الفتحه في الموبينه اللي مبتشرزي زي معملت في الاول ( عشان تبقي متاكد انه البوجيه دوة شغال وسلكه سليم ) لو شرزت يبقي مكان الفتحه في الموبينه سليم وتفك البوجيه وتنضفه او تغيره براحتك ومتنساش تجرب السللك في مكان البوجيه السليم اللي بيشرز من الاول يعني تشوف بوجيه متاكد انه شغال وبيشرز وتشيل سلكه وتحت السللك دوة مكانه تشوف حيشرز ولا لأ لو اشتغل يبقي تمام ... مش شغال طبعا انت متاكد انه البوجيه سليم وفتحة الموبينه اللي بتجرب عليها مجربها من الاول وسليمه يبقي بدون كلام السللك . لو برده مشرزتشي زي سلكها الاصلي لما كان فوقيها يبقي كدع العيب في الموبينه . وأتمني من الساده الخبراء يأكدوللك الكلام دوة .
|
 |
|
|
