كلام غريب بيقولو الميكانيكي.... محتاج مساعدة إلى بيفهمو في العربيات إلى بعد سنة 2001

[ahmed20]

انا معايا عربية كيا ريو 2002 وانا كنت عايش في السعودية والمسافات هناك طويلة والعربية عملة 130000 كم وطبعا بدأ صوت الموتور يعلى....رحت لعمي وهو بيفهم أوي في العربيات (يفهم في العريبات الأديمة بس) سمع صوت المتور قلى دا التتكيهات عيزا الخلوص بتعها يتزبط مش أكتر على حسب ما أنا فهمت كان يقصد المسافة ما بين الصمامات وعمود الكامات زايدة شوية وعيزة تقل سنة ودا إلى مسبب الصوت ...بيسمو بالإنجليزي (tapety sound)...رحت للميكانيكي وقلي العربية بتعتك مينفعش فيها تزبيط تكيهات العربية النظام بتعها إسمو نظام ضغط زيت وفتح وغلق الصمامات بيتزبط عن طريق كومبيوتر العربية وهو إلى بيتولى عملية فتح وغلق الصمام عن طريق ضغط الزيت ومعظم العربيات الجديدة كدا.....وطبعا انا صوت الصمامات مجنني وعاوزو يوطى ومش عارف ....يا ترى كلام الميكانيكي مزبوط؟؟؟؟؟؟ ولو مزبوط إيه هوا نظام ضغط الزيت؟؟؟؟؟ وهل في حل لصوت الصمامات في نظام ضغط الزيت دا ولا لا؟؟؟؟

[mr_astra]

النظام دة فى المواتير اسمة نظام الكامة المتغيرة الحركة ومتهيالى اول من اخترعة اليابان شركة هوندا وفكرتة انة عاوز ياخد اقصى قدرة من المحرك عند عدد لفات متغير ..... يعنى تاخد اقصى قدرة من المحرك عند 2000 لفة / دقيقة وتاخد اقصى قدرة من المحرك عند 5000 لفة / دقيقة والموضوع دة من مميزاتة الاستجابة الحقيقية للمحرك وتوفير البنزين واستخراج قدرة حصانية مثالية من المحرك عند اى سرعة ...... عشان تصلح العيب اللى عندك التوكيل او دلوقتى فى مراكز كتيرة عندها الكمبيوتر والسوفت وير بتاع عربيتك بيقدر يظبط الكامة منة والموضوع سهل ومش مكلف... وبالمرة يظبط توقيت الاشعال عندك عشان العربية تبقى كويسة

[عبداللة قاعود]

كلامك صح 100 100