أدب الرحلات

[sad-bird]

المشاركة الأصلية كتبت بواسطة corsair ههههههههههههههههههههههههه ههههههه طيب كويس مطلعتش انا اللي باكل كشري لوحدي بس انا لو منك كنت رجعت علي الكمين وكنت خدت الظابط ده جوزين اقلام معتبرين

ماله الكشري
ماله الكشري
ماله الكشري

وبعدين يا راجل حرام عليك انت عاوزه يروح مارينا 5 نجوم كفاية هنروح كلنا نجمة واحده
هههههههههههههه

المشاركة الأصلية كتبت بواسطة corsair ههههههههههههههههههههههههه ههههههههههههههه علي كدا كل واحد راكب عربية يتعامل بالعملة اللي عربيتة متجنسه بيها يعني اللي راكب ياباني يتعامل بالين الياباني واللي راكب الماني يبقي اليورو وهكذا ههههههههههههههههههههههههه ههههه

خلاص مش هيبقى فيه يورو عاوزين يفكوا السوق تاني
ههههههههههههههههههههههه

المشاركة الأصلية كتبت بواسطة corsair ههههههههههههههههههههههههه هههههههههههههههههههههههه ديه ست ملهاش حل ايه جاب الكيروسين للسولار ههههههههههههههههههههه

هيا على الموقف انها احرجت قدام الناس

المشاركة الأصلية كتبت بواسطة خالدخليفة فى بلاد معينة فى الصعيد مشهورة بالشر او بمعنى ادق بكثرة حوادث الثأر فيهم وان مشاكلهم مهما كانت صغيرة بتكبر جدا وهم السمطا ( بفتح السن والميم والطاء /تبع مركز دشنا /قنا ) الغوصة (بفتح الغين والوا و والصاد) (تبع سوهاج ) العوامية (سوهاج) البلايزة(مركز ابو تيج / اسيوط / بلدنا ) ساحل سليم ( اسيوط) البدارى (اسيوط) ولذلك فى حكاية حكيتها يمكن صفحة 39 او 40 لما كنت مسافر جنازة عمى وانا فى الطريق للبلد بلد قبل بلدنا ب5 كيلو تقريبا لقيت جوز فراخ واقفين سادين الشارع ووقفت واديتهم كلاكسات مفيش فايدة والطريق ضيق مش هينفع الف حواليهم والناس واقفة تتفرج وابن عمى قال عدى عليهم قلت له لو عديت عليهم كل اللى واقفين يتفرجو دول هييجو يتلمو حوالينا ويكسرو العربية وعيلتنا تسمع هتيجى تضرب نار ويتحول الموضوع ل تار بسبب جوز فراخ ونزلت هشيتهم ومشيت تخيل ممكن يبقى فى معركة بالسلاح بسبب حاجة زى كده انا اخدت بالي من موضع الفرختين ومعلقتش عليه لاني متوقعتش انها ممكن توصل لكده لكن افتركت قبل كده ان مرة سمعت عن مشكله بين عيلتين بسبب حمار واحد راح اكل من غيط التاني برسيم اولا / ام عمر شرقاوية من مشتول السوق اومال انا بعرف انصب عليها ليه هههههههههههه ثانيا / فى سميراميس بيعلموهم يهجمو عليك بطريقة غريبة يعنى وانت قاعد تلاقيها جات وقفت امامك وراحت موطية زى اليابانيين قبل اى مبارة مصارعة بس دى بتفضل مطولة شوية بحيث متشوفش حاجة غيرها وتبتدى تكلمك طبعا نص المنتدى ممكن يحسدنى وان كنت مبحبش حد يهجم عليا كده

مالهم الشراقوة يا عم خاااااااااااااااااااالد مالهم
عيب عليك دي معروفه الشراقوة ولاد عم الصعايدة
ربنا يباركلك فيها ويرزقك منها ذرية طيبة ان شاء الله
ويبعد عنكم العين وخصوصا عيون الناس الحاقدين اللي مش عارفين يعمروا في جوازه
ههههههههههههههه
واخد بالك انت ياعم خالد

المشاركة الأصلية كتبت بواسطة خالدخليفة ياعم انا صدرت نفسى قبل كده واتحبست انت ناسى لكن دول اهل البلد ومحدش هيحبسهم وبعدين كلكو استخبيتو وهو اللى كا ن بيشجع فقلت الكلمة دى علشان استفز المستخبيين بس كل سنة وانت طيبين جميعا

انا مش استخبيت انا كنت مشغول شوية
لكن تقريبا
بفكر اجي معاك الشغل والسفر بتاعك بما اني محب للسفر والتنطيط

[sad-bird]

المشاركة الأصلية كتبت بواسطة خالدخليفة ياااااااااااااااه اخيرا حد من العواجيز اللى زى حالاتى عبرنى نورتنى ياأستاذ نبيل وكل سنة وانت طيب ورمضان كريم

ايه ياعم خالد
هو السفر عجزك والا ايه
دول كلهم 41 سنة مفيش غيرهم
امال العروستين اللي كنت بتتفق عليهم اول امبارح هنعمل فيهم ايه
كده مش ينفع
وبعدين استاذ نبيل شباب هو كمان وهندورله على عروسة هو كمان مع احمد بدر
ونحول الموقع لخاطبة
ههههههههههههههههههههههههه هههههههه
كل سنة وانت طيب استاذ نبيل رمضان كريم

[sad-bird]

المشاركة الأصلية كتبت بواسطة خالدخليفة نكمل وهذه القصة ممنوع لضعاف القلوب مرة كنت فى شبين القناطر وكان ليا صديق فى بلد قريبة منها اسمها ميت كنانة تبع مرصفا مركز شبين القناطر فقلت ياواد عدى عليه وهناك لقيت مجموعة من الاصدقاء وقعدنا نهزرو نضحك وطبعا الوقت اتاخر ومفيش مواصلات فقالو لى بات وامشى الصبح ماشى ياجماعه طب عندكو عشا ؟؟؟؟ فقال صديقى صاحب البيت / الحقيقة محدش من العيلة هنا طب ياعم هات اى اكل من جيرانك م انت فى بلدكم وكلهم قرايبك فقال كله نام دلوقت وحسيت ان الموضوع فيه خيانة لكن قلت ياواد مش معقول واحنا كبرنا على الكلام ده المهم طب هنتعشى ايه فقال معندناش هنا غير بيض فى جوه كرتونة بيض انا /ايه ده 5 هنتعشى بكرتونة بيض ومش بلدى كمان انا مباكلش غيرالبلدى احمد ربنا ياعم انت حاضر الحمد لله يارب المهم علشان التغيير طلبت نعمل شوية بالسمن وشوية مسلوقين وشويه عجة فوافقونى لكن بصراحة شامم ريحة خيانة المهم نمنا والجو كان شتا وسقعة رهيييييييييييييييـــــبــ ة ونمت انا وواحد على سرير وجه واحد اترازل واصر ينام فى النص وبصراحة انا حسيت بقلق فى معدتى من البيض وخفت عليه من القلق ده وقلت له زى هنيدى فى فول الصين / مبلااااااااااش اصرينام وسطينا خلاص انت حر ونمنا واتغطينا ببطانية واحدة وفوجئت بيه مصر يغطى وشه بالبطانية يابنى ليه مش بعرف انا م الا كده وبطنى ابتدت تكركب وحاسس بحريقة جواها يابنى بلاااااش قال لا هغطى وشى انت حر ونمنا شوية وابتدت المدافع(يومها البيض قلب معدتنا بطريقة رهييييييييبة ) تشتغل من ناحيتى ومن ناحية اخينا اللى نايم فى الطرف التانى والبطانية محكمة الغلق على صاحبنا اللى فى النص وخارج منها راسى وراس الاخ اللى على الجنب التانى وانا يخرج منى صاروخ ارض جو عابر للبطاطين بوووووووووووم وصاحبنا يرد عليا بررررررررووووووووووووم والتالت اللى فى النص ولا له حس انا خفت يكون مات مخنوق من الريحة وبرفع البطانيه لقيت وشه احمرررررررررررررررررررررر ررر وريحة صعبة جدا ولا اللى فاتحين تربة بعد دفنو الميت بكام يوم ولقيته بيصرخ بهستيريا حرااااااااااام عليكو هموت ياولاد ال.................. هموت همووووووووووووووووووووووت صحى البيت كله واضطرينا نفتح الشبابيك علشان نهوى الاوضه وخصوصا كل اللى يدخل يبقى هيغمى عليه من الريحة فيييييييييييييييين بعد حوالى ساعة الامور هديت سالتهم ايه الحكاية فقالو بصراحة كنا عايزين نشوف رد فعلك لما نقول لك مفيش غير البيض وفوجئنا ان رد فعلك طلع على جتتنا بعد كده وكان هيموت واحد مننا ههههههههههههههههههههههههه ههههههههههههههههههههههههه ههههههه

انا قريت ضعاف القلوب قلت فيه مصيبه هتحصل
كارثة
في الاخر شوية بومب
الله يرحم النوم في الخيم والروايح اللي تنفخ الواحد من على بعد كيلو
والا الفيران المشوية والتعابين المسلوخة اللي كان بناكلها
ياعيني علينا
راحو الشباب خلااااااااااص
ههههههههههههههههههههه

المشاركة الأصلية كتبت بواسطة احمد بدر1978 ههههههههههههههههههههههه سلام انا داخل الحمام

ايه ياعم احمد انت بتعمل اسقاط من القصة على الحمام والا اييييييييييييييييييييييه
مش مطمنلك
شكلك كنت معاهم في مشروع البيض ده
ههههههههههههههههههه

[خالدخليفة]

المشاركة الأصلية كتبت بواسطة sad-bird ايه ياعم خالد هو السفر عجزك والا ايه دول كلهم 41 سنة مفيش غيرهم امال العروستين اللي كنت بتتفق عليهم اول امبارح هنعمل فيهم ايه كده مش ينفع وبعدين استاذ نبيل شباب هو كمان وهندورله على عروسة هو كمان مع احمد بدر ونحول الموقع لخاطبة ههههههههههههههههههههههههه هههههههه كل سنة وانت طيب استاذ نبيل رمضان كريم

اولا / انا 45 سنة الا شهرين
ثانيا /انا مغلطتش فى الشراقوة انا بقول انها شرقاوية وعلشان كده بعرف انصب عليها لانها طيبة لكن لو صعيدية قريبتى كان زمانى اتبندجت
ثالثا / انا بسخن للجوازة التانية وخصوصا ان شكلى ميجيبش 35 سنة وانا مش هوريهم البطاقة غير بعد كتب الكتاب هههههههههه
رابعا / الاستاذ نبيل حبيبى ولما تسمع الرأى من اهل الخبرة والتجربة فى الحياة غير لما تسمعه من الشباب لان كل واحد له رؤيته اللى بينظر بيها للاشياء

[sad-bird]

المشاركة الأصلية كتبت بواسطة خالدخليفة ونقول كمان عمك محمود(اعتقد ان ده اسمه ان لم تخننى الذاكرة) ده من الشخصيات المحترمة اللى قابلتها خلال رحلاتى الكتيرة ومن المصرييين الشرفاء فعلا وفى يوم جاى من المنـصـورة وشفت واحد بينادى قاهرة قاهرة واحد يامصر وقربت منه شكله مش سواق ميكروباس لانه وبصراحة شكله محترم وركبت جنبه انسان مهذب ومحترم وبشوش (يعنى بيبتسم فى وش الواحد /معلش بنترجم علشان انا عارف الغالبية بتسقط فى العربى دلوقت ) المهم انا شكيت فى امره وكل شوية احاول افتح كلام وهو بيزوغ منى واحترمت رغبته وسكتت لكن حدث ما كنت ابحث عنه وصلنا كمين كفر شكر وظابط المباحث وقف العربية ازيك ياعم محمود مفيش فايدة مش هتبطل ابدا عايزين ناكل بالحلال يابيه انت عارف شغل المباحث وانا عندى عيال عايز اربيهم بالحلال طب م احنا ياراجل فى المباحث ايه يعنى احنا مش محترمين العفو يابيه بس سيادتك ميسور الحال لكن انا فلاح ابن فلاح م انت عارف ياواد ده كل زمايلك اللى له عربية وا2 و3 على الخط وانت لسه شغال سواق عند الناس كده احسن يابيه ماشى ياعم محمود سلملى على فلان بيه يوصل ياباشا ومشينا بصراحة انا مسكتتش فقلت / ايه الحكاية ياعم محمود متاخدش ف بالك معلش قل لى وبعد الحاح وغلاسة منى قال كلام انا صعقت (بضم الصاد وكسر العين)منه قال انا ياسيدى امين شرطة قديم بقى لى اكتر من 35 سنة فى المباحث وشغلة المباحث كلها فلوس للى معندهومش دم ولاضمير وعندى 6 اولاد منهم 4 بنات وبضطر اشتغل سواق على خط المنـصـورة / القاهرة بعد الشغل او فى الوقت اللى مفيهوش شغل المباحث اهو بعمل دورين والا حاجة يساعدونى على المعيشة وأأكل اولادى بالحلال وجوزت بنتين وبجوز ال3 وربنا يسهل وزمايلى فعلا فيهم ناس اللى اشترى عربيتين واللى اشترى 3 ومشغلهم على الخط لكن فلوسهم حرام و من دم الناس وعلشان كده الباشا بيقول لى مش هتبطل تشتغل عند الناس طب اجيب منين مرتبى من المباحث على القرشين اللى بيطلعو من مشوار المنـصــورة/ القاهرة يادوب بيصرفو على العيال وانا نظرت لهذا الرجل نظرة اجلال وتقدير واحترام لانه فى مكان يقدر يعمل منه فلوس للركب وبدون م يرهق نفسه ويجرى رايح جاى لكنه فضلها بالحلال الله يمسيك بالخير ياعم محمود

فعلا شرفاء الشرطة كل يوم بيقلوا عن اللي قبله والشرف انواع شرف مادي وشرف معنوي وشرف اجتماعي
المادي زي عم محمود كده وتقريبا الراجل ده يجمع كل الانواع
المعنوي في الشتيمة وقله الادب والسفالة اللي بنشوفها كل شوية منهم
الاجتماعي استغلال المنصب في رسم مكانه اجتماعية بين الناس والتعالي على خلق الله بالمنصب

المشاركة الأصلية كتبت بواسطة خالدخليفة ونســتـمــــر بفضل الله الواد ابرهيم بتاع الشاى على محطة طنطا من الشباب المكافح صحيح وكنت اروح اركب القطار والاقيه بيمشى بطول الرصيف وعرضه ساعة م يكون فى قطار وصل المحطة لحد م القطار يتحرك ويرجع يحكى مع بتاع كشك السجاير ويوصل قطار تانى على رصيف تانى يسحب عربية شاى على كتفه وهى عربية الوميتال ظريفة كده وينط ويجرى بيها على الرصيف التانى وهكذا وفى يوم دخلت رصيف المحطة وهو عارف ان اللى جاى قطار 934 وده قطار اسبانى من الغالى يعنى فقلت له /عايز شاى تقيل ومش مهم الفلوس المهم الشاى يكيفنى عينى ياباشا عمل شاى كشرى تقيل تمام وانا بشرب سالته / اسمك ايه ابراهيم ياباشا عاشت الاسامى ياعم ابراهيم خريج ايه دبلوم تجارة وماشتغلتش فى حتة هو فى شغل يابيه خليها على الله بعد م خلصت الشاى متشكرين ياهيما كام خلى ياباشا شكرا ياهيما كام جنيه ياباشا (ايامها الشاى كان ب50 قرش بس كوبايتى كانت تقيلة دوبل) بعدها بكام يوم دخلت المحطة ازيك ياهيما اهلا ياباشا اظبط لى كوباية الشاى عينى وركبت القطار وكان اسبانى برضه بعدها باسبوع دخلت المحطة وكان اللى جاى قطار 30 قطار عادى ومكسر ومن غير شبابيك فاستغرب وقال ياباشا اللى جاى 30 عارف بس ده قطر تعبان عارف انت هتركبه أن شاء الله لامؤاخذة ياباشا حضرتك بتشتغل ايه تاجر عطور اهلا بيك ياباشا بس هتركب القطار ده ازاى انا اركب اى قطار طالع يوصلنى وخلاص ثم طنطا مش بعيدة عن القاهرة علشان ننقى كلهم 90 كيلو فضحك وقال /انت بتتكلم عن ال90 كيلو كأنهم 90 قرش فضحكت وقلت/ لانى واخد على السفر انت منين ياهيما من المحلة وباجى هنا كل يوم اكل عيش هعمل ايه جبت بوتاجاز صغير وكام كوباية وشوية شاى وسكر ووقفت ادام محطة المحلة قرفونى فى عيشتى وجريو ورايا وانا عايز اكل عيش هما مين ياابراهيم البلدية ومباحث المحطة فاضطريت اجى هنا اهو بيحاسبونى على الفتلة بتاعة الشاى ب35 قرش وبدى شلن لمباحث المحطة وباخد بريزة ومباحث المحطة مالها مش انت تبع البوفيه قال / ايوه تبع البوفيه بس علشان يسيبونى انط من رصيف لرصيف والا يحكمونى فى رصيف واحد متحركش منه واهى مستورة يابيه ومن يومها بقينا اصحاب انا وهو يشوفنى دخلت يعمل الشاى على طوول ويستنانى على قطار رقم 934 او 30 لمدة 3 ايام فى الاسبوع ويدور عليا ومرة قال حاجة مكنتش واخد بالى منها قال / ياباشا الناس درجات حتى فى السكة الحديد فى ناس عارفها كل يوم بتركب الفرنساوى ودول غالبا طلبه او موظفين ومعاهم اشتراكات وبيدفعو فرق تكييف وفى ناس بتركب الاسبانى ودول مش كل يوم بيركبو وانما على فترات وفى ناس بتركب القطارات العادية ودول الموظفين والطلبة والشرطة وباقى الشعب لكن انت اول واحد اشوفه بيركب اى حاجة وكل حاجة بغض النظر عن درجة القطار فضحكت وقلت له علشان انا مبعقدش نفسى والوقت له قيمة اللى طالع بركبه بغض النظر عن درجته فضحك وجه القطار ومشيت لكنه من الشخصيات اللتى لاتنسى فعلا

فعلا الناس درجات لكن مش هنا هنااااااااااااااااااااااا ك ويارب كلنا نتقابل في درجة حلوة في النهاية
ربنا يعينه ابراهيم واللي زيه وكل اللي عاوز ياكلها بالحلال