|
#216
09-08-2010, 04:14 PM
|
||||
|
||||
رد: أدب الرحلات
ياعم احمد بدر
البلايزة دول قريتنا وهى قرية تقع جنوب غرب محافظة اسيوط وتقع على بعد 23 كيلو بعد محافظة اسيوط على الجبل الغربى وهما ناس شرسين جدا وشرانيين وان كانو اصبحو اكثر هدوءا حاليا بعد الاجيال الجديدة م ابتدت تكبر وابتدا المتعلمين يزيدو وعايزين ياكلو عيش واذكر مرة روحت اعيد عليهم يوم العيد ووجدت معركة بالسلاح هناك لان فى تار قرر اصحابه ياخدوه يوم العيد وكان موال طويل ورجعت متشعبط فى تريللا لحد اسيوط المحافظة ومن نوادر عيلتنا شخصيا كان ليا خال لذيذ قاعد امام بيتهم ومعاه خالى التانى (اخوه) وواحد جارهم وقامت معركة بالرصاص بين عيلتين ونظرا لان عائلة والدتى من العائلات الشرسة جدا واللى لايجرؤ احد على الاقتراب منها فلم يهتم وخرجت مرات خالى من الدور التانى فى البيت على صوت الرصاص ونادت عليه / ادخل يابو حماد فقال / ادخلى انتى جوه انتى هتدينى اوامر والا ايه ومفيش دقيقتين وجات طلقة طايشة فى راس خالى التانى ومات فى ساعتها وصاحبنا اللى مراته نادت عليه دخل جوه البيت جرى جاب البندقية وتاتاتاتا موت 3 فى ساعتها وبعدها راح شال جثة اخوه ودفنه واتلقى العزا ولا كأنه عمل حاجة ولذلك كان زكى بدر محافظ اسيوط ( ابو وزير التعليم الحالى ووزير الداخلية السابق ) قرر قرار من كتر التصرفات دى ايه هو جه فى يوم وحاصر القرية بالقوات المسلحة وعد جميع بيوت القرية طلعو مثلا 100 بيت فقال عايز 100 بندقية خلال اسبوع وطبعا فى غلابة فى البلد لكنه اصر وفعلا بقت الناس اللى معندهاش سلاح تبيع المحصول وبدل م تاكل من وراه تشترى بندقية وتسلم البندقية للحكومة آدى البلايزة ياعم احمد 
|
|
#217
09-08-2010, 05:11 PM
|
||||
|
||||
|
رد: أدب الرحلات
الحكاية دى مش فاكر حكيتها والا لأ لان الأفكار زحمة فى دماغى لكن نقولها تانى
الحمار عارف السكة فى يوم كنت رايح لزبون فى المنيا ولما وصلت لقيت المحل قفل ف قال لى تعا لى البيت طب آجى البيت ازاى فقال تركب ميكروباس لحد قرية كذا ومن هناك تروح تسال على موقف بلدنا هيدلوك تركب وتيجى وفعلا ركبت الميكروباس وفعلا نزلت وسالت على الموقف وروحت الموقف ولم اجد اى ميكروباس واقف وسالت واحد واقف فقال جملة عجيبة جدا روح اركب الحمار اللى هناك ده (كان التوكتوك لم ينتشر كما النار فى الهشيم( كوم القش) زى الأيام دى) وفعلا لقيت حمير كتير واقفة وقال اركب تالت واحد شمال فانا استغربت اشمعنى يعنى فقلت ياعم اى واحد وخلاص قال اركب اللى بقوللك عليه ومتتعبنيش مينفعش اى واحد كل واحد ليه بلد بيروحها واستعجبت فقلت افرض انا اخدته ومشيت فقال مش هتعرف وجيت اركب فقال /هات الاجرة قلت له هبعتهالك معاه فضحك وقال متهزرش يابيه خلينا نشوف شغلنا وركبت وكانت ركوبة لذيذة خاااااالص لكن بطنى كانت بتلق(بضم اللام) وحصل لى ارتباك فى معدتى بسبب الموضوع ده المهم وصلنا على اول البلد والحمار وقف وانا فهمت ان دى البلد اللى انا رايح عليها لكن قلت ياواد جرب تمشى بيه شوية كمان وشديت اللجام ولا عنترة بن شداد فى فيلم الناظر صلاح الدين و ده ولا اتحرك وشديت اللجام مرة تانية و ده ولا هنا روحت خابطة خبطة خفيفة برجلى فى بطنه زى افلام الكاوبوى القديمة ولا اتحرك خبطته خبطة كمان راح هاج وماج وقعد يرفس ويتنطط لحد م وقعنى على الارض ولف ومشى رجع لصاحبه دخلت على صاحبنا متعور ومتبهدل ولما قلت له مات على روحه من الضحك
|
|
#218
09-08-2010, 07:01 PM
|
|||
|
|||
ههههههههههههههههههههههههه ههههههههههه احلي حاجه في الموضوع ده خالك عملي فيها السبع اللي واخد علي صوت الرصاص اهو خد واحده علي دماغه زي ابو تريكة
التعديل الأخير تم بواسطة hazem_khidr ; 03-11-2010 الساعة 04:58 PM
|
|
#219
09-08-2010, 11:30 PM
|
||||
|
||||
|
رد: أدب الرحلات
ياعم انا كنت عايز اشوفه هيمشى والا مش هيمشى زى م قال صاحبه
|
|
#220
10-08-2010, 12:02 AM
|
|||
|
|||
|
رد: أدب الرحلات
ههههههههههههههههههههههههه هههههههههه
انتا بتختبره يعني يا عم ارحمه هو هيلاقيها منك ولا من صاحبه ولا من الحكومه
|
 |
|
|
