و سقط حبى للبرافو ......وقلبى يبكي لفراقها

[Etsh]

أعزائى أحباء البرافو ...مؤكد أن العديد منكم قد سمع منى مؤخراً عن ولعى الشديد لهذه السيارة القاتلة ......و التى إستشرت العديد منكم قبل أن أقدم على شرائها....وتقدم العديد منكم بالنصح الغالى القيم الذى أفادنى....ولما أشار أحد الأعضاء بعبارة لطيفة جذبتنى و هلى أن شراء السيارة مثل الزواج....يجب أن تتبع قلبك... فقد فعلت و أدى الحكاية لما نزلت عشان أشتريها.

صباح جميل مشرق ...أستيقظت و كلى تفائل و أمل و بسمة لطيفة على غيلر العادة أستقبلت بها زوجتى صباحاً لترتسم على وجهها علامات الإستغراب و أنا أدرك أنها تشعر داخلياً و كأنى سأتزوج بأخرى ....فاتقول داخل نفسها فى صمت "الواد أتجنن و أتهبل" ....قلت طظ إتهبلت مش مشكلة اليوم سوف أقترن بمحبوبتى و أشبكها بمبلغ ليس بالهين "149.000" جنيها لبسنا و كنا واخدين اليوم أجازة و إصطحبنا أبنتى الصغيرة جوجو و أنا بقلها .... باب النهاردة هايجيب عربية جديدة لجوجو...... توجهنا بسيارة زوجتى "بونتو برضة" ما أهو أنا باموت فى الإيطالى و كان عندى برافا و بعتها و أنا ببكى بالدموع عليها.....المهم.....توجهن ا لفرع أوماتر بالدقى ....ركنت فى مكان "no parking" قلت طظ المهم أنا عاوز أطير و أجبها هو أنا لسه هادور على ركنه....مش مشكلة نبقى نبقشش على الأمين و أهى هاتمشى و أهى بركة البرافو......دخلنا وكانت القاتلة ذات ال 150 حصان واقفة ممممممم عروسة بس معلش يا بنت مهرك تقيل عليا المرة دى و مش مشكلة ما إحنا هانكون نسايب برضة هاخد أختك......توجهت للمسئول العارض و اللى بقى حافظنى وعينى متعلقة بالجميلة ذات اللون البتروللى ....عروستى اللى مستنبة أدفع مهرها.....قبل ما أنطق بكلمة مع الراجل جذبتى زوجتى من زراعى و قالت لى ما تبص عليها من جوة كمان مرة......فوقتنى من الحلم ربنا يسمحها ...بس بعد كدة داعيت لها بصراحة و هاقولكم لية ...المهم قلتلها ماشى يا ستى ..توجهت لحبيبتى و نظرات الغيرة مشتعلة فى عين زوجتى....وقد أغلقت عينى عن لونها البترولى مكانش هوا اللى فى نفسى بصراحة كان نفسى فى فستنها الأسود أو الرمادى بس ده معناه أنى أستنى 3 أسابيع و أنا مش هاقدر ...المتاح الأن هوا اللون ده ...قلت مش مشكلة برده اللون البترولى ده جديد و مش وحش ....المهم....فتحت الباب و دخلت زوجتى من الجهه الأخرى ....و لسة بشم عبيرها الجميل مراتى قالتلى بص بقى على كل فاتفوته فيها و التقفيل كويس ...إحنا هانشترى دلوقتى و مش عايزين حاجة نشوفها بعد كدة منكونش شوفناها.......كلمها بصراحة فوقنى من حلم ليلة عرسى...وقلت ماشى عندك حق و بدات عينى تتفحص السيارة التى كنت أعتقد أنى أعلم كل كبيرة و صغيرة فيها ...............و كانت الصدمة ...............بدأت عينى ترى بعض الأشاء و العيوب التى لم أدركها من قبل و كأن الفلوس بتلعب فى دماغى و بتقوللى أنا مش هادفع مهر عروسة باللوشى و أليكم بكل أمانة ما رأيت ولاحظت

1- قطعة الكونسول الأمامى و بالأخص الجزء السفلى الذى يشمل الشاشة الديجيتال للتحكم بالتكييف و خلافة كانت البيانات و الرسومات الدالة بتظهر عاليها بشكل عفش أوى ؟؟؟؟؟؟أيه ده أصل أنا عمرى ما دورت العربية قبل كدة ....قلت ماشى يمكن عشان انا جرافيك ديزينر بتلكك و مش بيعجبنى العجب ...بس بردة لاحظت إن زراير التكييف و قوة المروحة يمين و شمال مصنعة بشكل ردىء و مهتز جداً حاسس إن بعد كام دوسه أكيد حاجة من الزراير دى هاتقع و الزراير مهزوزة كدة و مش ثابت فى مكنها ؟؟؟؟؟؟؟ يا نهار إسود أيه القرف دة......قلت طيب ماشى مش مشكلة رغم أنى حاسس أن ذى ما يكون فى حد بيفوقنى من حلم جميل و أنا مش عاوز أفوق

2- نظرة قصيرة على القاعدة الفضية الجميلة التى تحتوى على المانيول و الأوتوماتيك و يرتكز عليها عص الفتيس.......اللى كان نفسى أروح خلعو من مكانو و أنزل بيه فوق دماغ مدير صالة العرض لما سألته الأتى.....

أنا: أيه ده هى القاعدة ليه مش ثابته كدة و بتتهز يمين و شمال ....للأمانة الإهتزاز كان طفيف نتيجت فراغ حول القاعدة نفسها .
مدير الصالة: أه ده طبيع أصل بص حضرتك فى نور بينور فى الفراغ اللى أنت شايفو حول القاعدة فى الضلمة.
أنا: "مستنكراً و بغيظ "ptmnlo123per111......الله طب ده مالو و مال أن القاعدة تكون ثابتة....دة لو حد مد صباعو أسفل القاعدة و شد لفوق ممكن تتكسر
مدير الصالة: لا مش أوى كدة
أنا: ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ "بداخل نفسى" ماشى فوت مش قضية يعنى هو أيه اللى ممكن يحصل يعنى

المهم سبت الموضوع دة و بدأت أفتش بقى عل إستحياء لانى حاسس أنى بجرح حبيبتى و بكشف اسرارها......نظرة خاطفة على الطارة الفول كنترول و أبص الاقى ......أيه دة هى الكلمس الذى يحمل هذه العلامة العريقة دى مدهون وللا اية .......أيوا الله بس ال 150 حصان مش كدة.......جريت عاليها لقيتها فعلا مش كدة .......جريت عل الأخت الصغرى اللى مهرها أرخص 135.000 برضة مش كدة ..................لاااااا ااااااااا إنت يا عم يا مدير الصالة.....هى الطارة و الكلاكس لونهم كدة ليييييييييييييييييييييييي ه......رد كان أكثر من مستفز......."أصلها متلمعة"؟؟؟؟؟؟؟؟ptmnlo123per172.. .و كأن اللى واقف قدامة حمار مش عارف سبب اللمعان المقرف للكلاكس فى الطارة دة سببو التنظيف أم خامة و لا كأنها ف 128 "مع الإعتذار لملاك 128" ....لأطبعا دى خامة تانية خالص و معفنة......المهم إبتديت أنهار و الله العظيم كنت حاسس أن فى حد بيموت حلم جميل نفسى أحققة و مكانش قدامى إلا أنى نفسى أمسك فى زمارة رقبة مدير الصالة ......المهم أغمضت عينى و تناسيت كل ما رأيت و قلت ماشى متنساش إنك هاتكون راكب وحش و هيئة من برة و منظ و برستيج ...اللى جوة هاتتعود عالية و تنساة

3- رجعت للكنبة اللى ورا و قلت لما أشوف القعدة ......ممممممممم أية الزنقة دىptmnlo123per193 انا حاسس أنى قاعد على تختة فى مدرسة حكومة .....مش عارف أودى رجلى فين ...مطرح ما إطحطوا زاوية 90 مخشبة مش عارف أريح رجلى ؟؟؟؟؟؟!!!!!!!!!! بس طبعاً عرفت السبب ...دة كلة لحساب زيادة السعة اليترية للشنطة اللى هية 400 ليتر .....فايخشبوا رجل اللى قاعد ورا ياعينى .............المهم قلت و مالو يعنى أنا كل يوم الناس بتركب معايا ورا ...دى هى جوجو و أهى تتظفلط ما بين الكرس و الكنبة و تلعب إستغماية...........بس قبل ما أسيب مكانى ورا عينى لمحة مصيبة تانية؟؟؟؟؟؟؟؟؟ المسند ما بين الكرسيين الأمامين بلاتيك محض بمعن الكلمة فقط قمة غطاء المسند مجلدة بالقطيف لكن أنا لمحت البلاستيك فى مكونات باقى الأجزاء و كان منيل بستين يلة فوق دماغ الطلينة عشان يعملو عاروسة ذى دى و فالنهاية يلبسوها غويشة كان ممكن مايلبسوهلهاش أصلا من بلاستيك الهلال و النجمة لدرجة أن البلستيك فى بعض الأجزاء غير محكم الصنع وفى أطراف بارزة غير متساوية

4- طلعت قدام و حركت الكرسى جميل مريح و الأذرع المحركة لطيفة....طيب طلع نزل ....زى الفل .....قدم رجع....برضو تحفة سلس و هادى ....طب أرجع ظهر الكرس أصل أنا أحب أسوق مجعوص لموأخذة.....أية دة فين البكرة ...........مممممممممم مفيش مش ممكن........ptmnlo123per1 92يادى النيلة البكرة فى منطقة ضيقة جداً بين الكرسى و مسند الأذرع الأوسط .....طيب قدام شوية ....مفيش فايدة لازم ترجع الكرسى بالكامل للأمام أو للخلف و تظبط الظهلر و بعدين تطلع الكرسى لوضعوا تانى؟؟؟؟؟؟؟؟؟؟؟؟؟؟؟؟؟؟؟؟؟

الحلم إبتدى يقلب على كابوس هذه المهر الجميل ......فاتنة الجمال و السرع الصاروخية......بوصة لبسة عروسة ولا أية ...المهم أن و الله مرات حسيت أنى بقيت مهموم و أبتديت تهدينى و تقللى مش مشكلة متحبكهاش دى كلها رفايع........أية .....رفايع إذى يعنى أنا ماشوفتش الحجات و الهبل ده فى عربيات أرخص من كدة بكتير...........المهم أخذت نفس عميق ....ptmnlo123per168هدأت نفسى و قلت يمكن أنا الفلوس وكلانى و بتلكك....و كنت عارف أنى بكدب على نفسى لأنى هاموت على العربية .....بس مش كدة بقى ........ماشى مش مشكلة بس طالما هاغمض عينى عن كل اللى أنا شايفو ....ياللا بق نكمل عشان أعرف هاغمض عينى عن أية بظبط...نكمل


5-بصراحة التبلون تحفة و الكربون الكاروهات و كلمت النيكا لبرافو على يمين السواق مدية العربية شكل سبورتيف تحفة بس كل دة ممنعنيش إنى أجرب حاجة أنا شوفت فيها المر مع فيات ......عل غفلة رحت مدور العربية........ طبعاً مدير الصلة إتفزع ........بس أنا بصيت لة بعند .....عاوز أية يا كابتن هانتخانق و اللا أية هو أنا مش هاشترى دى... و الفلوس متلقحة عندك على التابيز و هادفع و إنت هاتهبش عمولة من البيعة..... انا عاوز أدور العربية بق...........بصراحة صوت الموتور حاجة تشرح القلب ...بس أنا مدورتش العربية عشان كدةptmnlo123per150 لكن عشان حاجة تانية خالص......العربية كان وشها للحيط بينى و بين الحيطة قد 3 4 متر كدة ...... و رحت منور النور....إحنا كنا العصر بس العربية فى حته مضلمة شوية....و كان ما أخشاة...............يادى النيلة برضة .....هما الطلينة مش ناويين يتقندلوا و يطور المشكلة دى......البرافا كانت كدة و البونتو بتاعت مراتى كدة..........و كل الناس برة و فى الخليج قلولى كدة و أنا قلت مش ممكن أكيد حلو المشكلة دى....................... ...........النور يا جماعة و لا كأنك نورت نور العربية......زفت و مقندل و دى أبرز عيب شوفتو فى فيات ..إضاءة المصابيح سيئة جدا يعنى يادوب لو فى مطب على بعد 10 متر هاتلبس لأنك مش هاتلحق تفرمل .......ويما أنا قاسيت منو فى البرافا..........و إتضح إن الناس برة بتتكلم بجد


طفيت العربية و طفت معاها النار اللى كانت مشعلله حبها جوه قلبى ....و نزلت من العربية و الله هاعيط...........وحسيت بيد بتهزنى و تقولى أيه فى أيه.........لقيت مراتى بتقولى فى أيه.....كان ردى واضح و صريح..............حبيبتى أنا مش ممكن أجيبلك ضرة......خصوصا لو كانت هتنغص عليا أنا عشتى مش عشتك..............بصيت لمدير الصلة ....بصلى مبتسم و كأن الصفقة تمت و فى حمار تانى هتيشترى البردعة.....توجهت اليه ....سحبت شنطة الفلوس ....بصلى مستغرب....كان ردى فى كلمتين.................مش عربيتى....قالى خير ...قلتلة معلش أنا أعتقد أنى هافكر فى ال 150 حصان "بكدب طبعا" وده يخلينى أستنى شوية لأنى مش جاهز..................... أديته ظهرى و مشيت و مراتى ورايا و جوجو .....تصرخ بابى أنت قولتلى هاتجيبلى عربية....بصيت لها بحنية و قلتلها أه يا جوجو بس أنا هاجيبلك عربية أحلى عشان دى مش بتنور و هيا ماشي و ألقيت نظرة أخيرة هيا نظرة وداع و خرجت و عينى مازالت تتابع العائلة اللى كنت هانسبها من فاترينة العرض و قلبى بيقولى بطل تلاكيك أمال لو شوفت الكورى هاتعمل أية....و نفسى أرجع بس عقلى و ذكريات ما رايت شريط رعب بيعدى قصادى.....صحتنى مراتى من كابوسى ..........أيه انت خرجت ليه....كانت نظرتى خير جواب ...أه و الله ....فهمت من غير ما أقول كلمة و قالت لى ....اممممممممأنت نويت ماتجبهاش مش كدة ...فى حاجة ماعجبتكش.......كان جوابى ربنا مش كتبلى فيها نصيب....و أنا مش مستريح للجوازة دى .................قالتلى جوازة ....................امممم مممممممم "منك لله ياللى كنت السبب" ...قالتلها قصدى الشروة دى..........أصطدمت بالأمين ....قالى كدا مخالف و شوفتو بيكتب النمرة ......قالت له أخدتها .....يالا بالسلامة.
وركبت البونتو و إنطلقنا

ودى كانت نهاية قصطى مع البرافو....لكن فى النهاية مراعة لضميرى و ولائى الشديد للصناعة الإيطالية ....متأكد تمام التأكد أنها سيارة لا غبار عليها كاقوة موتور و عفشة .....الخ...و يمكن بعض الناس يقولوا أن كلامى دة تلفة و مالقاش فى الورد عيب قال له يا أحم الخدين..........بس أنا بقول أن اللى يدفع 150.000 فى عربيى لاهى سيدان و لاهى ليها بيعة في يوم من الأيام عن تجربتى للبرافا اللى جبتها ب 95000 و بعتها ب 35000 و بطلوع الروح هايفهم ليه أنا ماجبتش العربية دى

و مازال للقصة بقية لأنى مش عارف هاجيب أية دلوقتى...أشوفكم بق لما أكون جبت و دة بمشيئة الله لازم يكون الأسبوع دة عشان أنا أطمرمط فى التكسة.

النصيحة الأخيرة ...البرافا سيارة هايشتريها 2 شخص

1- بابا أو ماما هايجبوهلو و يفرح و يطنطط بيها عشان كمان سنة ولا 2 هايجبولو غيرها
2- واحد هايجبها و هايلبسه بقيت عمره و هايجبها عشان الشد و الفرك بس و مش هايهتم بالمتعة الداخلية ...فامش هاتعمر معاة

الكلمة الأخيرة.........جنان بجد
أنا رغم كل دة ممكن أنزل أجبها و اللى يحصل يحصل و أغمض عينى عن كل اللى أنا شوفتو و كفاية أنزل الصبح أشوفها بتضحكللى بوشها الكشر اللى هو فى نظرى وحش جميل مبتسم دة...لأنى مازلت بقول لا يعلى على هذة السيارة فى فئتها

النهـــــــــــــــــــــ ــــــــــــاية.......... اللى هاتكون ليها بداية

[Etsh]

أنا نسيت أقولكم أنى الأن بصدد أختيار واحدة من الأثنين بعد تفحص و تمحص شديد فيهم يمكن الاقى عيب ذى البرافو بس بصراحة مالاقتش.....فا يا ريت تشاركونى برأيكم

1- جراند بونتو ...اعلى فئة و دى ب 108000 و اهو الواحد يوفر قرشين ...بس متغاظ من ال 77 حصان دى ....و الراجل فى الصلة بيقوللى ...بس ال 1 حصان يعادل 1.3 فى الكورى ؟؟؟؟؟؟اول مرة أسمع الكلام دة و حسيت أنى يا شكلى حمار و دة بيصطعبطنى ...او إن انا مافهمش حاجة فى العربيات و ده صعب بعد عشرة طويلة مع الجولف 4 و البولو و البرافا و البونتو

2- السيات الليون .. 144.900 و دى عربية لا غبار عليها و من جوة بسم الله ما شاء الله ...الدبوس مدروس و فى مكانة ...بس برضو البرافو تابلو أحلى ماعدا الزراير الرقصة

أرجوكم من لدية المعلومة ...أو ترشيح جيد بأسبا يقول لى

[Ahmed Anwer]

يعني مفيش لفة !!!!

بس بص متتسرعشي في الحكم خاصة بناء علي معاينة السيارات المعروضة و سيارات التيست درايف

انتا عارف كل زبون بيقعد يفعص فيها شوية

و بخصوص الجراند بونتو

فتأكد ان الانتريور بتاعها مش هيعجبك لأنه بلاستيك تماما

و غير حكاية ال 88 حصان دي مش مريحة

عموما لازم لو هاشتري عربية 88 حصان اعملها تيست درايف

عشان اشوف الأداء هيكون مميت و لا مقبول

[hazem_khidr]

ولا يهمك يا اتش فداك
انت عندك حق و خصوصا دافع مبلغ كبير في العربيه
انا شوفتالبرافو كذا مره في معارض يمكن ما اخدتش بالي من الحاجات دي
بس هيا عموما حاجات نسبيه انت اخدت بالك منها و ممكن غيرك ما ياخدش باله
عموما نظرتك مش هايفه ولا حاجه و رغم حبي الشديد للايطالي
لكن لو انا مكانك مش حشتري عربيه ابقي قرفان و انا راكبها علشان حاجات صغيره
بالنسبالي حاجات كبيره.
ربنا يعوضك خير ان شاء الله
و بصراحه انا بستمتع جدا باسلوبك في الكتابه
يا ريت ما تبطلش و نشوف مواضيعك دايما

[mohamed ibiza]

ده تقرير مفصل عن كل نقطه في العربية و خصوصا موضوع النور ده حاجة تخنق بصراحة لما تبقي شاري عربية جديدة و ماشي مش شايف بيها

عموما ادرس اختياراتك كويس و ربنا يوفقك ان شاء الله و قولنا الاخبار اول بأول