|
#1
24-01-2011, 12:09 AM
|
||||
|
||||
خواطر حول دور الكبالن بالسياره
الكبالن هى نوع من أنواع التوصيلات الميكانيكيه بين الأعمده
لنقل السرعه الدورانيه من عمود لعمود آخر مع السماح بحركة هذه الوصله حركات زاويه مع أعمال توجيه السياره بسرعه ثابته دون أى تخفيض للسرعه بين العمود القائد والعمود المنقاد لذا تسمى منظومة الكبالن المعروفه فى الجر الأمامى بالسيارات بالوصله الميكانيكيه ثابتة السرعه A CV joint or constant velocity JOINT فهذه الوصله الميكانيكيه رائعة التصميم تسمح بتوصيل الأعمده وفى ذات الوقت تتغير زاوية مفصل الوصله أثناء دوران العمودين التى تقوم الوصله ( الكبلن ) بالتوصيل الميكانيكى بينها فعلى سبيل المثال حينما يكون نظام تعليق السياره أو نظام التوجيه يعمل فيلزم تواجد الكبلن للسماح بسريان عملية التعليق والتوجيه دون أى مشاكل على السياره فمما يتكون الكبلن ..............؟ 1- رأس الكبلن الخارجيه وبه تفريزات طويليه لحركة البلى خلالها طوليا 2- شبكه داخليه حامله لبلى الكبلن 3- بلى الكبلن ويتحرك طوليا أثناء التوجيه بين بيته على الشبكه من الخارج وبيته على رأس الكبلن من الداخلى وبالتالى يمكننا الحصول على حركه زاويه سلسله للكبلن نفسه مع نقل نفس السرعه من العمود الداخلى لمشرشر الكبلن من الخارج المركب عليه عجلة السياره  فحينما ننظر ونتأمل هذ1 الشكل أمامنا يمكننا أن نتخيل كيف يعمل الكبلن تأتى الحركه من الكبلن الداخلى ( بعد الفتيس ) وتسلم للعمود باللون الأخضر أى عمود الكبلن المركب على شبكة الكبلن من الداخل والشبكه هى الجزء الأخضر الحامل لبلى الكبلن ( ذو اللون الأصفر ) يقوم البلى بعد هذا بعمل عزم دورانى على رأس الكبلن الحمراء من الداخل ونظرا لأن مشرشر رأس الكبلن على نهايته مشرشر تركيب صرة العجله يتم نقل السرعه بنفس القيمه للعجله يلاحظ أن وضع العمود الأخضر وشبكة الكبلن الخضراء دائما فى وضع مستقيم كما بالشكل ولكن من يقوم بعمل حركه زاويه على هذا الوضع المستقيم هو رأس الكبلن ذو اللون الأحمر أعتمادا على التجويف الداخلى له الذى ينحصر بينه وبين تفريز الشبكه من الخارج بلى الكبلن وبالتالى يتم نقل الحركه مع أختلاف محور النقل من الأخضر للأحمر دون أى مشاكل فنيه تذكر ا  Front Wheel Drive Axle ونظرا لوجود بلى موجود بين تفريزين خارجى لشبكة الكبلن الخضراء وداخلى لرأس الكبلن ذو اللون الأحمر كان لزاما تواجد ماده تساعد على ليونة عملية نقل الحركه من الشبكه للرأس عبر بلى الكبلن تلك الماده هى شحم الكبلن ذو المواصفات الفنيه المخصصه لذلك ونظرا لأننا نريد الأحتفاظ بمادة التشحيم بعيده عن الملوثات وخلافه تغطى المجموعه بحافظه من الكاوتش العالى الجوده وذو تصميم منفاخى معين للسماح بالحركه الزاويه وهذا مانطلق عليه كاوتش أو جلد الكبلن وتمسك من الطرفين بعدد / أثنين أفيز ( صغير وكبير ) مخصص لهذا الغرض
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#2
24-01-2011, 11:42 AM
|
|||
|
|||
|
رد: خواطر حول دور الكبالن بالسياره
استاذ
|
|
#3
24-01-2011, 12:58 PM
|
||||
|
||||
|
رد: خواطر حول دور الكبالن بالسياره
شرح ممتاز يا باشمهندس / سمير .. وأحب أضيف على كلام حضرتك .. أن زي ما الزيت هو روح المحرك .. فإن الشحم هو روح الكوبلن .. وللحفاظ على الشحم داخل الكوبلن يلزمه كاوتشة الكوبلن وتكون كفائتها عاليه (زي ما سيادتك وضحت) .
ونستنتج من كدة أن أي قطع في كاوتشة الكوبلن يتبعه تسريب للشحم ودخول أتربة ومياه للكوبلن .. وبالتالي يلزم من وقت للأخر الكشف على كاوتشة الكوبلن للتأكد من سلامتها وعدم حدوث قطع بها .. وتغيرها في أسرع وقت للحفاظ على الكوبلن من التلف .
__________________
Life's is Too Short for the Wrong Job
|
|
#4
24-01-2011, 01:26 PM
|
||||
|
||||
|
رد: خواطر حول دور الكبالن بالسياره
والله يا أخى تسلم أيديك اللى كتبت الكلام ده
والعجيبة بقى ان الناس زمان كانت متفهمش ليه بتتشائم من الكبالن او الكبالن كانت سمعتها وحشة فى مصر وبالمناسبة دى انا بحترم شركة بيجو جدا لانهم اول من أدخل نظام الكبالن وكانت على العربية ال 505 على الاقل هذا الكلام فى مصر على حد علمى الضئيل ربما هناك من يكون قد سبقها عالميا فى هذا المجال وفى نفس الوقت بدعى على اللى خلانى ماشتريش البيجو ال505 (حبيبتى ) لانها اتعرضت عليا بثمن بخس جدا يعنى كنت هاخدها سنة 1999 ب20 الف وكانت عروسة مفيهاش الهوا والراجل كان مروشها (من الترويش ) تحس عربية حديثة جدا وفوق كده كده فهى عربية واسعة جدا ومتينة وقوية وكل م كنت أسأل واحد ليه ال505 مش منتشر او انا هشترى 505 يقول لى اوعى ليه ياعم يقول / اصل موتورها على كبالن طب وايه يعنى كانو بيردو ردود غير منطقية ومكنتش بقتنع بيها لحد ماشتريت النيسان الصنى 2008 وفى يوم عطلت منى ووقفت مكانها ولما جبت ميكانيكى قال الكوبلن ضارب وعايز يتغير كوبلن ايه ؟؟؟ هيا دى على كبالن ففجأنى بقوله / كل الحديث على كبالن بجد ساعتها كان نفسى اشوف اللى عقدونى من ال505 واضربهم كلهم لان عربية بمميزات ال505 وبسعرها تتفوق على كتير من الحديث ماعدا طبعا عملية الثبات فى السرعات العالية لاختلاف انظمة التعليق عن زمان وده مش مهم اوى بجد بجد بجد احيــــــيــــــــك على هذا الموضوع
__________________
 انتقل الى رحمة الله .. ونسأل الله له الرحمة والغفران
|
|
#5
25-01-2011, 05:46 AM
|
||||
|
||||
|
رد: خواطر حول دور الكبالن بالسياره
مشكور سمير باشا
وزي ما عودتنا معلومات كتيرة ومفيدة بأسلوب سهل يعقد ( يعقد باللبناني يعني جامد)
__________________
سبحان الله وبحمدة سبحان الله العظيم نبذة صغيرة عن تقنية المستقبل (السيارات الكهربائية) http://www.masrmotors.com/vb/showthr...739#post315739 الماتركسوية يتفضلوا يتفرجوا علي صور ماتركس متظبطة http://www.masrmotors.com/vb/showthread.php?t=42365
|
 |
| أدوات الموضوع | |
|
|
