السيارة الأونو - مميزاتها وعيوبها

[aboeyad2005]

ربنا يستر علي العربية اللي معايا أصل أنا معايا أونو 94 وطريقي فيه تكسير كتير وطرق وعرة ومدقات يا تري نفس العيوب في مويل 94

[مهند سالم]

المشاركة الأصلية كتبت بواسطة meemee حرام انا لسه جايبة عربية اونو عملت الموضوع متاخر ليه وانا طريقي كله مكسر انا ساكنة في اكتوبر وبجي المنيل

طالما اشتريتي يبقى خلاص الحمد لله وما تخليش حاجة تكرهك في عربيتك، وبصي للمميزات، أما العيوب فبإمكانك تتلاشيها، يعني حاولي دائما تبقى طالعة من بيتك بدري، عشان ما تضطريش تجري بالعربية في أي طريق مكسر، وبكدة تحافظي على العفشة بتاعة العربية وربنا يكفيكي شر الحوادث، وحاولي تواليها في الصيانة.
أما بالنسبة لضيق العربية فحضرتك موظفة يعني نادرا ما هتسافري بالعربية أو تركبي أعداد كبيرة معاكي.
وبالنسبة للميزات، حضرتك معاكي عربية ناعمة، استهلاكها للبنزين ممتاز، وده مهم جدا بالنسبة للا جايب العربية عشان شغله.
وإذا كان على قطع الغيار أكيد هتلاقي حاجة الاستيراد بتاعتها كثير، لا تقلقي.
وربنا يبارك ليكي فيها بإذن الله.

[TELEBK]

المشاركة الأصلية كتبت بواسطة meemee حرام انا لسه جايبة عربية اونو عملت الموضوع متاخر ليه وانا طريقي كله مكسر انا ساكنة في اكتوبر وبجي المنيل

السلام عليكم ورحمة الله وبركاته
في البداية ألف مبروك عليكي العربية ، ثانيا : " قل لن يصيبنا إلا ماكتب الله لنا " ، وأيضا " لايمنع حذر من قدر " ، فياأيتها الأخت العزيزه إعرفي إن ربنا كرمك بالعربية ديه لحكمة لايعلمها إلا هو ، وإنها أنسب حاجة ليكي في الوقت الحاضر ، ودايماً إختيار ربنا هو الأفضل ، فتوكلي علي الله وبصي لمميزاتها ، علي فكرة أنا سافرت بيها أماكن بعيده زي إسكندرية رحتها ورجعت بيها في نفس اليوم صد رد - وكانت كفائة معايا ، ورحت بيها بورسعيد ورجعت بيها في نفس اليوم صد رد - وإثبتت كفائتها معايا ، ورحت بيها الغربية والشرقية ، يعني نوعت في المشاوير وكانت زي الفل ، فنصيحتي ليكي خدي بالك منها ومن الطريق ومتحاوليش تخديه بسرعة لكن بالراحة ومتدخليش في سباق أو عناد مع حد أكبر منك أو أسرع منك أو أكثر خبره منك في السواقة وده بيبان في الطريق من سواقته ، حتي لوخدعك مظهر العربية بتاعته وحسيتي إنك أجمد منها ،لإن ده حييجي علي حساب عربيتك ومحدش حيشربها غيرك وحيسيبك ويمشي ، فتوكلي علي الله ، وإقرئي قرآن فيها وقبل ماتركبيها وثقي بإن الله عز وجل مش حيعرضك لحاجة فيها مشكلة بإذن الله .
د / خالدptmnlo123per154

المشاركة الأصلية كتبت بواسطة meemee حرام انا لسه جايبة عربية اونو عملت الموضوع متاخر ليه وانا طريقي كله مكسر انا ساكنة في اكتوبر وبجي المنيل

البقاء لله تعيشي وتفتكري ههههههههههههههههههههه يا ميمي الرجل بيقول العربية ديه متنفعش الا لوحده ست يعني متنفعناش في سواقتنا كرجاله لكن البنات عمتا بتحب تعامل اي حاجه بحنيه واكيد هتعملي العربية ديه زي القطه بتاعتك كدا وموضوع هايل والله يا استاذ خالد وتقرير ممتاز وتقبل تحياتي

[TELEBK]

المشاركة الأصلية كتبت بواسطة corsair البقاء لله تعيشي وتفتكري ههههههههههههههههههههه يا ميمي الرجل بيقول العربية ديه متنفعش الا لوحده ست يعني متنفعناش في سواقتنا كرجاله لكن البنات عمتا بتحب تعامل اي حاجه بحنيه واكيد هتعملي العربية ديه زي القطه بتاعتك كدا وموضوع هايل والله يا استاذ خالد وتقرير ممتاز وتقبل تحياتي

ياراجل حرام عليك ليه تحسسها بإنها إشترت عربيه نقل موتي وماشية بيها في جنازة والله العظيم ديه عربية كويسة بالنسبة للبنات والستات ، وعلي العموم شكراً علي تحيتك ليه بالنسبة للموضوع أنا بس حبيت أنقل ليكم تجربتي ، وعلي فكرة أنا إشتريت من بعدها عربية إكسبلوجن II - صيني أه صيني -ptmnlo123per111 ، وليه مشاركات في المنتدي عليها بإسم هام لماكلي إسكبلوجن II .
مع خالص شكري وتقديري
د / خالدptmnlo123per154