صور ومواصفات هايما 1 و 2 و 3 Haima spacification

[xwaledx]

السادة الافاضل
بعد التحية
نظرا للاضطرابات الموجودة حاليا بالسوق ولتغيير سعر العملة تم تعديل الاسعار لسيارات هايما
HAIMA 1
52900
HAIMA 2 MT
79900
HAIMA 2 AT
89500
HAIMA 3 MT
95900
HAIMA 3 AT
109900
تحياتى

[mazagngi2010]

لو نزلت اوتوماك هشوفها واحكم عليها على الطبيعه بس الاسعار مش تمام مبدئيا خاصه هايما 3
اشتري نيو صنى احسن

[الكردي2000]

المشكله أن الصين بتقلد الشكل كويس جدا لكن الاعتماديه والكفاءة في الغالب بتكون ضعيفة جدا للأسف , نفسي اشوف عربيه صيني اثبتت كفاءه في السوق المصري

[AbOnOrA]

المشاركة الأصلية كتبت بواسطة الكردي2000 المشكله أن الصين بتقلد الشكل كويس جدا لكن الاعتماديه والكفاءة في الغالب بتكون ضعيفة جدا للأسف , نفسي اشوف عربيه صيني اثبتت كفاءه في السوق المصري

وايه هو معيار الكفائه عند حضرتك ؟؟

وهل حضرتك شوف العربيات الصينى اللى بقالها اكتر من 5 سنين فى مصر وشغالة تاكسى زى الاسبيرانزا وال byd ؟؟

عند حضرتك فكرة ان السيارات الصينية ناجحة جداً فى دول شرق اوروبا وروسيا وشرق اسيا وامريكا الجانوبية ؟؟

اما عن موضوع التقليد الصينى فده مش صحيح ومش اسمة تقليد بالمعنى بتاع فوانيس رمضان

اولاً لازم تعرف ان الشركات اليابانية العريقة كلها بدأت الاول بمرحلة اعادة تصنيع التكنولوجيا اللى كانت بتنقلها بترخيص من شركات اخرى اوروبية او امريكية لحد ما الشركة تقف على رجليها ويبقى عندها مركز تطوير وتصميم خاص بيها

الشركات الكورية نفس الحكاية كيا مثلاً بدأت زى هايما بالظبط بنقل التكنولوجيا بتاعة مازدا الكيا برايد مثلاً هى نسخة من mazda 121 ومكانش تقليد ده انتاج بترخيص من الشركة مالكة حقوق الملكية الخاصة بالتصميم والتكنولوجيا

حتى الماليزين والايرانيين واحنا نفسنا فى مصر لازم نعدى على نفس المراحل

وهكذا كل الشركات الصينية بتمر بنفس المراحل وفعلياً اغلب الشركات الصينية خرجت من مرحلة شراء تراخيص اعادة الانتاج وبدأت تطور عربيتها بنفسها

وعلى سبيل المثال هايما زى ماقولت بدات بالعمل بتكنولوجيا مازدا والموديلات الجديدة من اول 2012 من تصميم مراكز التطوير بتاعتها وبكرة نلاقيهم بينافسو بتكنولوجيا جديدة وهكذا ده حال صناعة السيارات عموماً يا استاذ كردى مش موضوع تقليد والكلام اللى بتقولة ده
ممكن حضرتك تكون مريت بتجربة سيئه مع العربيات الصينية من كام سنة بس تأكد ان الصناعة الصينية بتتطور يوم بعد يوم بمعنى الكلمة

[sherifabden]

الف شكر الاستاذ ابونورا على المجهود الجبار اللي عمله
وبصراحة العربية تحفة بجد :GR OWIN~12: