أربع أيام في الأسكندرية ... بماذا ينصحنا أستاذنا نبيل عبد الرحمن ؟؟؟

[نبيل عبدالرحمن]

أولاً مرحباً بيك فى الإسكندرية انت وصاحبك
بالنسبة للفنادق خمس نجوم أرشح لك فندق فلسطين داخل حدائق المنتزه لجمال المكان الذى لا يوصف وهو أفضل من شيراتون المنتزه
بالنسبة لمطاعم الأسماك فأرقى مطعم أسماك فى الإسكندرية هو راقوده على شاطئ الشاطبى
إنما لو عايز مكان سياحى يبقى مطعم سى جل
الزيارات للإسكندرية متعددة وأولها مكتبة الإسكندرية خاصة وأنه يعمل بمجال النشر ودى لوحدها عاوزة يوم كامل
أيضاً يمكنك زيارة متحف الإسكندرية القومى بشارع فؤاد و المسرح الرومانى بكوم الدكة و قلعة قايتباى بالأنفوشى ومتحف الأحياء المائية ولو أنه لا يرقى لمتاحف الأسماك بالخارج
يمكنك أخذه فى رحلة يوم واحد الى بورتو مارينا الرائعة ودى هاتاخد يوم كامل ويمكن استئجار أحد اللنشات البحرية والإستمتاع بشواطئ مارينا الساحرة
كده دول 3 أيام أما اليوم الرابع يمكنك أخذه فى جوله لأحياء إسكندرية القديمة والشعبية بمنطقة أبو العباس وبحرى
أما أفريكا بارك فهى أكبر وأهم حدائق الحيوانات المفتوحة فى مصر والشرق الأوسط كله ودى عايزه يوم كامل
كما يمكنك رؤية المزيد من الرابط http://www.egytourist.com/vb/showthread.php?t=2624

[سمارت وير]

الله عليكم أيها العباقرة ... ده أنا مخي هنج ( بتاع كمبيوتر بقى ) هارتب مخي و برنامجي من خلال ما قلتوه ثم أعرضه عليكم لمعرفة رأيكم و تعديلاتكم عليه

على فكرة أنا كنت هاخد أولادي و والدتي لزيارة أخي بمطروح اسبوع العيد ، لكن بعد كلامكم ده انا إللي اشتقت فعلاً للأسكندرية ... الواحد طلع ميعرفش حاجة فعلاً عن جمال بلده