|
سفارى وطرق اماكن تستحق الزيارة - سفارى - رحلات - طرق جديده او مختصره - طرق احذر منها |
|
أدوات الموضوع |
#1
|
|||
|
|||
الطريق الى العين السخنة- كله يخلى باله من مطب ميزان الأدبية
السلام عليكم ورحمة الله وبركاته
يوم الثلاثاء اللى فات قررت أطلع بورتو السخنة تلت ايام وأجرب اول قيادة ليه على طريق سريع.لسه شارى العربية جديد وعاوز ادوس . لسه ماعرفش اى طريق قررت أطلع ومعايا ال GPS نوكيا . حددت المكان وانطلقت: ال GPS حدد طريق بلبيس- العاشر من رمضان- مدينة بدر- طريق مصر السويس. طبعا ( اكتشفت ان الطريق ده اطول من طريق تانى اكتشفته وانا راجع) المهم مشيت وكله زى الفل وال GPS عامل معايا شغل جامد جدا وخطوة خطوة وكل التفاصيل MAX SPEED-CURRENT SPEED- TIME TO DESTINATION-3D OVER VIEW فماشى مطمن وكله زى الفل. لغاية ما دخلت على اول العين السخنة وكسرت يمين من طريق القاهرة السويس ودخلت فى طريق على يمينى جبل عتاقة وعلى شمالى ميناء الأدبية. المهم لقيت الطريق ضاق وبقه زحمة شوية فهديت السرعة من 120 الى 100 وقلت خلينا نلتزم بالقواعد لغاية فجأة ببص قدامى لقيت مطب مخفى بعد 6 متر تقريبا( وحسبى الله ونعم الوكيل فى اللى عمله) مراتى جمبى خفت اخبط فرامل جامد تخبط فى التابلوه ولا حاجة بالرغم انى كنت ناسى انها لابسه حزام الامان. المهم دوست فرامل سنة ورحت واخد المطب . اعتقد خدته على سرعة 60 كيلو وسمعت صوت خبطة فى العربية( بوووم) . ولقيت العربية راحت مبطلة منى . ركنت على الجمب وادور كوناكت( نوو وااااى يا معلم ) والفسحة شكلها باظت بصيت لمراتى نظرة يبدو عليها الكثير من الألم ولسان حالى يقول: شكلها فسحة ز......!! نزلت من العربية بصيت على العربية نظرة سريعة ماعرفتش فيها ايه. كله فى مكانه ومافيش حاجة بتنقط( لسه مافيش خبرة فى ميكانيكا السيارات) فلقيت كمين وناس بتوع كارتة سألتهم على ميكانيكى من السويس. المهم الراجل جه بص على العربية قالى :طلبمة البنزين فصلة. جربها لقاها شغاله بوصله خارجية.حاول فيها ماعرفش ايه المشكلة جرب كل الفيوزات بشكل ظهر فيه انه مش شاطر. المهم قولتله هات كهربائى شاطر وعينى ليك يا معلم. نزل السويس وراح جاب كهربائى . الواد طلع شاطر وعمل وصلة على السريع للطلمبة والعربية اشتغلت وقالى لو عاوز اشغلهالك تعالى معايا الورشة. قولتله : لا كده كفاية.. تكرم كملت الطريق وقضينا اليومين الحمد لله زى الفل ورجعت تانى بس من طريق القطامية . الطريق بصراحة جميل وتلت حارات وليه طريق فرعى يوصل لمدينة بدر( الطريق الفرعى ده خطر جدا باليل لانه ضيق وعليه مقطورات كتير) لما رجعت قلت اشوف المشكلة فين. والمفاجأة: ان الماتريكس فيها زرار حساس ورا علبة الفيوزات لما بتاخد مطب بيروح رافع وفاصل العربية . الموضوع ده اكتشفته لما رحت لكهربائى عندى واول ما قولتله مطب قالى يبقى حساس يا برنس. الخلاصة: الواحد يخلى باله من الطريق وبلاش يزود سرعة على طريق ما يعرفوش. حزام الامان فعلا أمان ليك ولأسرتك. لو عربيتك اوتوماتيك لازم تخلى معاك وصلة بطارية لانك اكيد فى يوم هاتحتجها.( الوصلة تقريبا ب 50 جنيه) - كشاف لزوم الطوارئ ما تمشيش فى طريق طويل من غير ما يكون معاك ماية للشرب وللعربية لو احتجتها وشكرا. طول عمرى بفكر هو انا لو ماشى على طريق سريع والعربية
__________________
|
#2
|
رد: الطريق الى العين السخنة- كله يخلى باله من مطب ميزان الأدبية
الحمد لله قدر الله وماشاء فعل المهم ان انت واسرتك بخير
تقبل تحياتى |
#3
|
|||
|
|||
رد: الطريق الى العين السخنة- كله يخلى باله من مطب ميزان الأدبية
طريق العين السخنه (القطاميه) من انظف الطرق فى مصر حرير بمعنى الكلمه
معلش انت لسه فى الاول فمش عارف الطرق ولو استعنت بالجى بى اس وانت رايح اى مكان دور على اختيار اسمه بدائل الطرق هتلاقى اكثر من طريق بكيلو متر اطول واقصر |
#4
|
||||
|
||||
رد: الطريق الى العين السخنة- كله يخلى باله من مطب ميزان الأدبية
الحمد لله .,. قدر الله و ما شاء فعل .,.
و نصيحه مهمه جدااا و هي ربط الحزام لو علي طريق اول مره تسوق عليه ...
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
#5
|
|||
|
|||
رد: الطريق الى العين السخنة- كله يخلى باله من مطب ميزان الأدبية
الف شكر على المرور Crime شرفنى مرورك
__________________
|
|
|