نفق الرماية ومطباته
السلام عليكم ورحمة الله وبركاته
موضع مستفز جدا وبصراحة هموت لو متكلمتش عنه .
بعد حمد الله على السلامة بعبورك المحور وكيلو 10.5 ودخولك نفق الرماية . ومرة واحدة تتفاجئ بمطبات بعد خروجك من النفق مباشرة وبدون أى مقدمات وإنت نازل مندفع بعربيتك سيب كل حاجة فى إيدك وفكر بقى هتفادى المطب إزاى !؟ فكر فى العربيات الى وراك ويا سلام لو حظك جه قدام عربية نقل يسيدى على الرعب !
جدلا يعنى إحنا فى الصيف ومفيش مطر ولا لا قدر الله ماسورة مياه مكسورة طيب الشتا هنعمل فيه إيه ؟ كام عربية إتخبطت فى المكان دا ؟ وليه منستبدلش المطبات دى بعواكس (عين القطة ) زى ماهى معمولة قدام معرض منصور شيفروليه أهو حتى لو الواحد معرفش يفرمل وفضلت بسرعتك مش هتأثر أوى زى المطب ؟ وممنساش مناظر العربيات وهيا متخبطة فى بعض فى المكان دة ياريت نظرةعن قرب . وربنا يكتب لنا السلامة فى كل سفر وفى كل مكان .
|