شوية اسئلة : تعديل السكودا فليشيا وش اوكتافيا

[(seco)]

ازيكم يا جماعة عاملين ايه
انا عندي عربية سكودا فليشيا وش اوكتافيا اللي هية دي

دي مش عربيتي دي صورة جبتها من على النت
انا عربيتي اختها هية هية بالظبط ما عدا ان لونها ابيض
المهم
انا كنت بفكر اعدل عليها كده و اخليها سبورت
ففكرت في التاتي هههههههه
1- اغير الطارة بواحدة سبورت
2- اركب فلتر هواء سبورت
3- اركب علبة شكمان ديفل
4- اركب عداد rmp
5- اغير ورق العدادات
6- اركب سبويلر
7- اركب دواسات جديدة بنزين و فرامل و دبرياج
8- اغير عصاية الفتيس بواحدة شكلها كده سبورت
9- دي بقى شوية استفسارات عن الحجات دي
1- هوة انا ينفع عادي ابدل العادية بطارة سبورت
يعني هيفكها و هيركب الاسبورت علطول مش محتاج لها اي حاجة عشان تتركب
2- فلتر الهواء الاسبورت ينفع برده يركب عليها
و لو ينفع اجيب ان شاء الله نوعه ايه
3- ينفع يركب عليها شكمان ديفل اصل الصراحة صوته يجنن
ينفع يتركب عليها ولا لا و هيفك القديم و يركب الديفل علطول و لا برده محتاج حاجة
و لو ينفع يركب عليها اجيبه ان شاء الله نوعه ايه
4- بالنسبة لعداد الار بي ام انا عاوز واحد يتحط على التابلوه انا بشوف ناس مركباه على التابلوه يا ترى لما يتركب على التابلوه هيحتاج يتثبت بمسامير مثلا ولا ليه حاجة بتركبه اصلي الصراحة مش عاوز اخرم فيه او اعدل على التابلوه
5- ينفع يتغير ورق العدادات ولا لا على العربية عندي
6- ينفع يركب عليها سبويلر ولا لا انا بسمع ناس بتقول ينفع اه يتركب على اخر السقف ( قبل الشنطة يعني ) و ناس بتقول مينفعش و لو ينفع هيخرم في العربية ولا لا
7- ينفع يتركب على العربية دواسات جديدة ولا لا بدل القديمة زي دي يعني

و لو ينفع يا ترى الدواسات دي بتتركب فوق القديمة ولا بيخلعها و بيركب الجديدة
9- و يا ترى ينفع عصاية الفتيس تتغير بواحدة تانية شكلها سبورت شوية
و يا ريت لو حد يعرف الاسعار يبقى عداه العيب الصراحة
معلش بقى طولت عليكو
بس اخوكو بقى
و اسف على الاطالة
و السلام عليكم و رحمة الله و بركاته

[(seco)]

ايه يا جماعة 31 مشاهدة و مفيش حد رد عليا

[(seco)]

يا رب
فينكم يا جماعة

[(seco)]

up up up up up up up up

[Egy News]

كل التعديلات دي سهله جدا
و بتتعمل في كلمه و نص