survey :- ايه انسب عربية في مصر

[thechemist]

أنا بصراحة شايف ان من انسب العربيات للظروف فى مصر هى الشاهين وانا بقول انسب مش احسن العربيات لمصر للاسباب الاتيه :

• السيارة موفرة جدأ فى البنزين
• قطع الغيار الاقتصادية جدا
• السيارة دفع خلفى وهذا يحسب لها
• سهولة الصيانة
• العربية مرتفعة عن الارض وده ي وده فى صالح الشاهين عن سيارات تانية كتير انا بحترمها كتير زى الفيرنا واللانوس لكن انا افضل الشاهين للاسباب السابقة لانى كنت راكب مرة سواق تاكسى اشتكالى كتير من انخفاض السيارة وان مفيش مطب ما سلمش على عربيته

للاسف لو مصنع النصر للجرارات ده كان اهتم شوية بشكل السيارة بتجديدات بسيطة كانت العملية فرقت والحاجة التانية هى ان معظم قطع غيار الشاهين مش اصلية وانا ماقولتش انها احسن عربية فى مصر لكتن هى مناسبة للشوارع اللى تقرف وتفنينا ان احنا نعمل مطبات فى منتهى التخلف (حسبنا الله ونعم الوكيل ) لأن احنا اللى تعبانين ومتضررين ان عربيات كتير كويسة يس للاسف متنفعش معانا

[magd131]

الكريستاله عربيه محترمه و قويه بس عيها خفيفه وقريبه من الارض

[magd131]

انا عملت حادثه بالكريستاله دخلت في عربيه 124 كان واقف على طريق مصر اسكندريه الزراعي في الناحيه الشمال من الطريق وكان بيغير الكاويتش وكان لا مشغل انتظار او حاطط مثلث او اي حاجه الهم اخدت غرزه من تريلا ماشيه في نصف الطريق وكنت ماشي علي 130 عديت التريلا لقيت ده في وشي دوست فرامل علي الاخر دخلت فيه وزقيته حوالي 20متر لحد ما وقفنا الكتل الخرسانيه الحمد لله محدش حصله حاجه والعربيه لوماكنش صاجها قوى و الشاسيه قوي كان بقي في كلام تاني
الغرض من القصه دي هي ان الكريستاله عربيه حمالة اسيه
ودي صورة العربيه بعد الحادثه
الحمدلله ربنا يكفينا شر الحوادث اجمعين

[dr_eslam_66]

ياساتر يارب الحمد لله ربنا ستر والمهم إني ماحدش حصله حاجة دا بالدنيا ربنا يعوض عليك بأحسن منها إنشاء الله.
هيا عموما اللانسر ماحدش قال عليه احاجة وحشة قبل كدة.

[m_elhdeny]

والله انا شايف برغم خبرتى اللى تعتبر صفر بالنسبالكو
ان الكلام دا كلو ينطبق على عربيتين
البيجو 504
اللادا
بسم الله ماشاء الله
حدييييييييييييييد ماشى على عجل
لو دخلت فى خرسانة ممكن تدى المارشلية وترجع لايهمك
لو حصل اى حاجة تقدر تلم العربية كلها سمكرة وتصليح وميكانيكا عفشة وكهربا باقل المبالغ
بس البيجو انا اسمع ان عيبها استهلاك البنزين