survey :- ايه انسب عربية في مصر

[lido123]

المشاركة الأصلية كتبت بواسطة AboNoRa اعتقد ان المواصفات ديه تنطبق على (لانسر الشكل القديم - هيونداى فيرنا - دايو لانوس)

أنا رأيي من رأيك يا باشا بس على ما أظن إن دلوقتي في ال kia cerato , دي عربية جامده جداً, أولاً فيها كل الإمكانيات و كمان عربية تستحمل البهدله و شكلها ينفع لكل الأعمار و الدليل على كده إن مصر كلها معاها العربية دي.

[walaa eldein]

انا شايف ان افضل العربيات اللى بتشتغل تاكسى يعنى اكتر عربيه بتشتغل تاكسى اكيد هيا احسن عربيه فى مصر لأن اكيد بتاع التاكس عايز يوفر فى كل حاجه من بنزين و ان العربيه تستحمل مش كل فتره يروح يدفع فلوس عند الميكانيكى و مش كل فتره يغير كوتش و حاجات كتير يعنى بالعقل كده احسن و اكتر 3 عربيات تنفع لمصر و بتشتغل و متبطلش و لاتتعب وكل يوم شغل و بهدله هيا:-
1-الدايو
2-الفيرنا
3-الاكسنت
والترتيب ده من وجهة نظرى والترتيب ده حسب الفئه يعنى الدايو فئه اعلى من الاكسنت و الفيرنا والفيرنا اعلى من الاكسنت و فيه عربيات كتير تانى بتشتغل تاكسى بس دول اكتر 3 عربيات الناس كلها بتشوفهم شغالين.

[ابو جودة]

لانسر ثم التيوتا ثم المرسيدس

[smasherone]

المشاركة الأصلية كتبت بواسطة walaa eldein انا شايف ان افضل العربيات اللى بتشتغل تاكسى يعنى اكتر عربيه بتشتغل تاكسى اكيد هيا احسن عربيه فى مصر لأن اكيد بتاع التاكس عايز يوفر فى كل حاجه من بنزين و ان العربيه تستحمل مش كل فتره يروح يدفع فلوس عند الميكانيكى و مش كل فتره يغير كوتش و حاجات كتير يعنى بالعقل كده احسن و اكتر 3 عربيات تنفع لمصر و بتشتغل و متبطلش و لاتتعب وكل يوم شغل و بهدله هيا:- 1-الدايو 2-الفيرنا 3-الاكسنت والترتيب ده من وجهة نظرى والترتيب ده حسب الفئه يعنى الدايو فئه اعلى من الاكسنت و الفيرنا والفيرنا اعلى من الاكسنت و فيه عربيات كتير تانى بتشتغل تاكسى بس دول اكتر 3 عربيات الناس كلها بتشوفهم شغالين.

تصحيح الدايو ليست فئه أعلى من الفرنا لأنها 1500 سي سي بينما الفرنا 1600 و من ناحيه أخر هما في فئه السيارات العائليه الصغيره أما الاكسنت فأي أكسنت تقصد لو الجديده فطبعا الاكسنت أعلى من الدايو لانوس و الفيرنا اللى هي أصلا تعتبر الاكسنت القديمه خارج مصر و لكن غيروا اسمها لسمعه اكسنت القديمه موديل 98 و انت طالع النيو أكسنت تكنولوجيا أحدث بعشر سنين تقريبا

[خالد دبي]

بصوا اسمحولي المنطق مقلوب عندنا في مصر احنا بنمشي بعواطفنا فب شراء السيارات يعني لو اشاعه قالت ان العربيه دي حلوه خلاص كله يشتريها والدليل البريليانس 160 الف وفاشله مدخلوهاش اوروبا اصلا انا مبحبش التويوتا نهائيا من الخارج تمصيمها بشع من الداخل بيستخفوا بينا منتهى قله الذوق لكن ومن اضعف الهياكل على فكره لكن كسيارة اعتماديه حدث ولا حرج انا هنا بشوفها في الامارات تحمل في درجه الحراره غير ممكن وسيارة في كل الظروف تمشي مش عارف في مصر مالها اما عن اللانسر سياره كويسه لكن ينقصها فنيات كتيره عامه الاوكتافيا هيا الاحسن بالنسبه ليا مع فرق السعر طبعا