رابطه ( قول معاك كام و انا اقولك تجيب ايه بفلوسك )

[amr bondok]

السلام عليكم
انا معايا 50 و بفكر اجيب تويوتا رموش لانى عايز عربية من الدرجة الاولى تصلح للسفر بحيث الاقى قطع غيارها و تكون فى حدود المعقول و اى حد يمد ايدو فيها ما تبقاش معقدة او صعبة على اى حد خصوصا فى السفر و اعطلها بليل و يكون النور بتاعها ممتاز و زجاجها يفلتر الاضاءة للطرق السريعة و عفشتها ممتازة
رايك بقى اجيب اية بالموصفات دية بالخمسين رموش و لا عندك اقتراح احسن
و جزاك الله خير

[zogrdiano]

السلام عليكم ورحمة الله من فضلكم انا لسه متعلم السواقه جديد وفى اصحاب نصحونى
بسيارة كيا برايد علشان اعادة البيع ومميزتها الكثيره ومعايا 30000الف وممكن ازود 5الاف
المهم المبلغ هيسمح او تقترحوا عليا نوع سياره يستحمل وكون شاكر جدا ليكو

[نورا يحي]

انا معايا 300 وعايزه عربيه 4*4

[abdo.saber]

المشاركة الأصلية كتبت بواسطة MFM مشاهدة المشاركة

معايا من 35 / 40
يجيبوا اية ؟

المشاركة الأصلية كتبت بواسطة YahiaAshraf اوبل استرا موديل 2000 سيات ابيزا موديل 2002 رينو كليو 2004 سوزوكى التو 2013 كيا برايد 2002 كورى او 2006 ايرانى اسبيرانزا A113 موديل 2009 شيرى A11 موديل 2009

انا كمان معايا في حدود المبلغ ده بس كنت بفكر في ( فيات سيينا او سكودا فابيا او بيجو 405 مع رينو كليو وسوزوكي التو زي ماانت اقترحت )
تنصحني بايه من الانواع دي مع العلم اني محتاج عربية واسعة شوية ومش تقيلة على رجلي لاني تعبان
وجزاك الله خير على تعبك معانا

[eidgrir2006]

انا معاى ماذدا 323 وعايز اغير وحدود فلوسى مبين 50000 الى 55000 بس المشكلة فى انى اتحترت مش عارف اركب تويوتا عيون 98/99 ولا لانوس 2006 ولا فيرنا .
والحيرة اكتر ان ميال للتويتا بس اكيد مش هيكون فيها نفس امكانيات الحديت الى هو موديل 2006 /2008 والحاجة الى تخلى الواحد يحتار اكتر ازاى تويتا 98 بنفس سعر الموديلات السابقة والمفروض انها احدث منها .
افيدونى افادكم الله .
انا طلباتى سايراه تكون حلوة وثابتة على الطريق ومشاكلها تكون قليلة لانى مبحبش اروح للورش كتير علما ان مشي متوسط والسيارة داخلى مش للسفر وحتى ان كان فى سفر مرة كل سنة ولا حاجة.
وشكرا