للاسف عمره الموتور باظت والاسباب هي .للاستفاده

[ابوجهاد]

بعد استلام العمره في شهر 1/2014 كانت السياره زي الفل وانا كنت كاتب موضوع عن العمره اني جبت كرنك استراد وطلمبه زيت وبساتم كله استيراد وشنبر جديد وكمان عملت شمايز ..المهم منبعد العمره ب10 ايام لاحظت( لمبه الزيت بترعش بعد سخونيه السياره وعند التهدئه) كان الرد نغير الزيت والفلتر وبعدين نشوف ممكن تكون ساعه الزيت فيها وساخه . المهم غيرت الزيت والفلتر ولكن يبقي الحال علي ما هو عليه قلت ممكن تكون ساعه الزيت ومشيت بالسياره وتركت الموضوع(وده كان غلط طبعا) وقلت مش مشكله مافيش وقت اوقف السياره والكلام ال كلنا بنقوله لحد من اسبوع بدات لمبه الزيت تنور بكثره وصوت الموتور عالي وبه صوت غريب طبعا رحت للميكانيكي والحمد لله السبيكه لدعت وتم حل الموتور من جديد ووقفت العربيه غصب عني ولكن بعد ما بوظت الكرنك والسبيكه واليوم تم خرط الكرنك و(اول خرطه) وشراء سبيكه وبيتم عمل عمره من اول وجديد بس طبعا في حجات لسه سليمه . طبعا تكلفه جديده

الاسباب هي - 1 البيه الميكانيكي معملش تبكير للسبيكه والكرنك عند الخراط في العمره ال باظت وده كان السبب لانه لابد من تريح السبيكه علي الكرنك الاستيراد عند الخراط قبل التركيب ( معلومه)
2-البيه المالك ال هو انا استهبلت وكبرت دماغي ومشيت بالسياره تحت بند انا ما عنديش وقت اوقف العربيه تاني (اهمال)

الافاده للغير هي عدم الاستهبال والتقليل من اي عيب بالسياره
لابد من معلومات عامه لكل مالك سياره حتي لو نظري ولابد من الالمام بكل كبيره وصغيره عن السياره واخذ المعلومات من اي مكان لان اي ميكانيكي عنده استسهال وعدم مبالاه في اغلب الاحيان

ارجو الاستفاده للغير من خطئى وخطا الميكانيكي

[aymanlaw]

عندك حق ولكننا لانتعلم ببلاش ,الحمدلله على قد كده وربنا يعينك ويقدرك ,وعسى ان تكرهوا شيئاً وهوخيراً لكم ,,إن شاء الله كله يبقى تمام ,,لكن اسمحلى انا كان عندى نوبيرا 1 وحصل معايا نفس الكلام الى حصل مع حضرت وهو ان لمبة الزيت نورت وكانت بترعش وغيرت زيت وفلتر بردوا نفس الكلام المبه رحت للميكانيكى الخاص بى والكن بيصلحلى الألفاروميو وكنت معتقد انه طالما بيصلح الألفا يبقى دكتور ولكن الدايو عرفتنى إنى كنت فى ايد نصاب !! إذاى بقى :لما رحت لحضرته ولمبة الزيت بتنور يعنى العربية بتـاكل زيت والموتور كده بيسخن ,البيه اول مشاف لمبة الزيت منوره قام فاتح غطاء الزيت وزود بنزين وبعدين بصلى بصه معجبتنيش رحت انا باصص له بصه معجبتنيش انا كمان هههههه المهم قالى البيه الدكتور إن العربيه بتنقخ والموتور كده خلاص عايز عمره وقعد يكتبلى كل الحضرتك عملته وقال ها اجبلك الحاجة ,لأنى قبل كده كنت بسيب له الجمل بما حمل ده فى الألفاروميو ولكن هذه المره مش عارف ليه قلتله لالالالا انا هجيب الحاجة وفعلاً انا قلت كده وهو سكت لأن لى رحل مستورد اعرفه معرفه شخصيه بيستورد لصالحه وبأسمه من كوريا لأن له اخ دكتور عايش فى كوريا بيجبلهم الشغل كله والميكانيكى عارف كده علشان كده متكلمش !معلش فى مفاجئه استحمل معايا ,, هذا الميكانيكى من اشهر الناس فى بورسعيد يعنى اشهر من نار على علم بلامبالغة,,ولكن المفاجأةإيه بقى إنى رحت للمستوردالمعرفة وقلتله على الحصل باالضبط ولأن ايامها كانت الدايو لسه جديده على السوق المصرى فكان الراجل بيعمل معايا الواجب فى الأسعار لأن ايامها كانت حاجتها نارالله موقده الكلام كان سنة 2003 وانا كنت شاريها 98 المهم شرحتله القصه كما جاءت على لسان الدكتور عماد الميكانيكى قام هو اقترح عليا ان اروح لميكانيكى معرفته وكان شاب صغير ولسه بادىء فى السوق قلى روح قله إنك من طرفى وماتقلوش حاجة قله بس لمبة الزيت بتنور ,,رحت للأخ الميكانيكى ده وقلتله ان لمبة الزيت بتنور المهم قلى دور وقعد يبص عليها وقلى الزيت تمام ولزجته تمام وقلتله انى مغيره جديد هو الفلتر قام قالى بسيطه دى طلمبة الزيت مش شغالة هنغيرها وكله يبقى تمام المهم سبت العربية ورحت مكتبى واتصل بيه على الساعة الخامسه عصراً انا مش ناسى هذا اليوم ورحت وبقى كله تمام دورت واللمبه مبقتش تنور وكان حسابه كله 350 وعرفت بعدها إنى كنت هلبس فى حيط وهعمل عمرة وقصه ملهاش حل وايامها كانت الأسعار نار يعنى كانت هتخش فى حوالى 3000 جنيه بعد الأكراميه ده بكلام صديقى تاجر قطع الغيار ده غير المصنعيات ,, علشان كده زى ماحضرتك قلت يجب ان يكون الواحد عنده باب العلم باالشىء ,, تقبل تحياتى ووجعت دماغك معلش آه نسيت اقول لحضرتك انا بعت العربية سنة 2010 شهر 5 واقسم بالله كل الى غيرته من يوم ماجبتها سنة 98 1-طلمبة بنزين مرتين اول مرة سنة 2000 تانى مرة قبل ماأبعها بشهور 2-طقم إصلاح فتيس اوتوماتيك فى نفس السنة 2010 3-غيرت بيض المقصات اعتقد 2007 او2008 رداتير إستيراد 2010 مع طقم إصلاح الفتيس وطلمبة الزيت 2003 دى منساش السنه الى عرفت ان الميكانيكى بتاعى كان بيلعب بياالكرة مع إنى أهلاوى---تقبل تحياتى

[ابوجهاد]

المشاركة الأصلية كتبت بواسطة aymanlaw عندك حق ولكننا لانتعلم ببلاش ,الحمدلله على قد كده وربنا يعينك ويقدرك ,وعسى ان تكرهوا شيئاً وهوخيراً لكم ,,إن شاء الله كله يبقى تمام ,,لكن اسمحلى انا كان عندى نوبيرا 1 وحصل معايا نفس الكلام الى حصل مع حضرت وهو ان لمبة الزيت نورت وكانت بترعش وغيرت زيت وفلتر بردوا نفس الكلام المبه رحت للميكانيكى الخاص بى والكن بيصلحلى الألفاروميو وكنت معتقد انه طالما بيصلح الألفا يبقى دكتور ولكن الدايو عرفتنى إنى كنت فى ايد نصاب !! إذاى بقى :لما رحت لحضرته ولمبة الزيت بتنور يعنى العربية بتـاكل زيت والموتور كده بيسخن ,البيه اول مشاف لمبة الزيت منوره قام فاتح غطاء الزيت وزود بنزين وبعدين بصلى بصه معجبتنيش رحت انا باصص له بصه معجبتنيش انا كمان هههههه المهم قالى البيه الدكتور إن العربيه بتنقخ والموتور كده خلاص عايز عمره وقعد يكتبلى كل الحضرتك عملته وقال ها اجبلك الحاجة ,لأنى قبل كده كنت بسيب له الجمل بما حمل ده فى الألفاروميو ولكن هذه المره مش عارف ليه قلتله لالالالا انا هجيب الحاجة وفعلاً انا قلت كده وهو سكت لأن لى رحل مستورد اعرفه معرفه شخصيه بيستورد لصالحه وبأسمه من كوريا لأن له اخ دكتور عايش فى كوريا بيجبلهم الشغل كله والميكانيكى عارف كده علشان كده متكلمش !معلش فى مفاجئه استحمل معايا ,, هذا الميكانيكى من اشهر الناس فى بورسعيد يعنى اشهر من نار على علم بلامبالغة,,ولكن المفاجأةإيه بقى إنى رحت للمستوردالمعرفة وقلتله على الحصل باالضبط ولأن ايامها كانت الدايو لسه جديده على السوق المصرى فكان الراجل بيعمل معايا الواجب فى الأسعار لأن ايامها كانت حاجتها نارالله موقده الكلام كان سنة 2003 وانا كنت شاريها 98 المهم شرحتله القصه كما جاءت على لسان الدكتور عماد الميكانيكى قام هو اقترح عليا ان اروح لميكانيكى معرفته وكان شاب صغير ولسه بادىء فى السوق قلى روح قله إنك من طرفى وماتقلوش حاجة قله بس لمبة الزيت بتنور ,,رحت للأخ الميكانيكى ده وقلتله ان لمبة الزيت بتنور المهم قلى دور وقعد يبص عليها وقلى الزيت تمام ولزجته تمام وقلتله انى مغيره جديد هو الفلتر قام قالى بسيطه دى طلمبة الزيت مش شغالة هنغيرها وكله يبقى تمام المهم سبت العربية ورحت مكتبى واتصل بيه على الساعة الخامسه عصراً انا مش ناسى هذا اليوم ورحت وبقى كله تمام دورت واللمبه مبقتش تنور وكان حسابه كله 350 وعرفت بعدها إنى كنت هلبس فى حيط وهعمل عمرة وقصه ملهاش حل وايامها كانت الأسعار نار يعنى كانت هتخش فى حوالى 3000 جنيه بعد الأكراميه ده بكلام صديقى تاجر قطع الغيار ده غير المصنعيات ,, علشان كده زى ماحضرتك قلت يجب ان يكون الواحد عنده باب العلم باالشىء ,, تقبل تحياتى ووجعت دماغك معلش آه نسيت اقول لحضرتك انا بعت العربية سنة 2010 شهر 5 واقسم بالله كل الى غيرته من يوم ماجبتها سنة 98 1-طلمبة بنزين مرتين اول مرة سنة 2000 تانى مرة قبل ماأبعها بشهور 2-طقم إصلاح فتيس اوتوماتيك فى نفس السنة 2010 3-غيرت بيض المقصات اعتقد 2007 او2008 رداتير إستيراد 2010 مع طقم إصلاح الفتيس وطلمبة الزيت 2003 دى منساش السنه الى عرفت ان الميكانيكى بتاعى كان بيلعب بياالكرة مع إنى أهلاوى---تقبل تحياتى

اخي العزيز بارك الله فيك وانا سعدت بمشاركتك في هذا الموضوع وفعلا كلنا بنتعلم من بعض وفعلا كلامك صحيح بالنسبه للمبه الزيت ولكن في حاله عدم سماع صوت في الموتور بجانب خشونه الماكينه والحمد لله علي كل حال
تقبل تحياتي

[nktis]

قدر الله و ما شاء فعل , الحمد لله .
هو حضرتك مسألتش قبل ما تعمل العمره .؟. عارف انها بتنجح دايما ( لو خراط فنان و ميكانيكا شاطر )
بس كتيررررررررررررر يقلك موتور جديد يتسقط او حاجه نفسي افهمها بيقولوا اسمها شورت بلوك .؟!.