مشكله معفرتاني ومعفرته العربيه

[ashwa]

المشاركة الأصلية كتبت بواسطة mr_astra لو طنبورة واحدة او اكتر المهم ان مش الاربع عجلات اللى بتسخن دة بيكون بستم واحد هو اللى فية المشكلة وتحديدا بيكون استك البسم متاكل او ملفوف فا اللى بيحصل ان البستم بيخرج لبرة ومابيقدرش يرجع مكانة تانى بالضغط العكسي بسبب تقل فى شميز البستم او زى ما اتفقنا استك البستم مقطوع او متاكل او ملفوف والمشكلة دى حلها انك تفك العجلة دى وتخرج البسم تنضفة كويس اوى وتديلة شحم وطبعا تغير الاستك انما لو الاربع عجلات بيسخنو معتقدش انها مشكلة مساتر او بساتم وانما بيكون مشكلة فى الماستر العمومى للفرامل الموجود على السيرفو زى ما يكون حضرتك دايس على الفرامل ولكن دوسة خفيفة حل المشكلة دى اسهل بكتير بنرجلش على صباع الماستر فقط لا غير اى حاجة اعرفها انا تحت امرك

اولا تسلم ياباشا على المعلومات دي وفعلا ان شاكر ذوق حضرتك جدا
وان شاء الله رب العالمين همشي في الحلين مع بعض جايز المشكلتين حاصلين مع بعض هشيك على الماستر العمومي واشيك على البساتم وانفذ الخطوات وهبقى اتابع مع حضرتك

[mr_astra]

تحت امرك
وابقى طمنا عملت اية

[ashwa]

المشاركة الأصلية كتبت بواسطة mr_astra تحت امرك وابقى طمنا عملت اية

ازيك يا مستر استرا
انا كشفت على الماستر العمومي وطلع مش برجلاش وكشفت على بساتم الفرامل وقلت اشيك على العفشه المهم غيرت مقص وجلب وقواعد الموتور كانو باظو فغيرتهم حبه صيانه كده بالمرة
المهم رايح الشغل 100 100 والعربيه فاقت وشكرت ربنا وانا راجع باه حصل نفس الموال تاني بس من غيرة تحجيرة الفرامل ولما العربيه اتحكمت بالمقصات وظبط الزوايا والقواعد الهزة بقت جامده جدا لدرجه انها بتهز الببان العربيه انا نفسي اعرف ايه لما يسخن يرج العربيه كده على 80 بالذات انا هتجنن
لو في عندك اي تشخيص او فكرة تساعدني بيها وليك كل الشكر

[ashwa]

عايز اقول حاجه الرجه دي بتكون تحت رجلي يعني في العجلتين اللي قدام وبيبان تأثيرها في البابين القدام هل ده ممكن يكون كوبلن داخلي مثلا ؟
انا بحاول اشوف اسباب وحلول ويارب احل الحوار ده