رابطة مالكي الكيا سيفيا فيد واستفد ( صداقة - نقل خبرات )

[midohema]

المشاركة الأصلية كتبت بواسطة mohammed salaheldeen السلام عليكم يا سيفاوية..........ارجو منكم الافادة في هذا الموضوع العربية عندي لما بزود بنزين وانا ماشي بتحصل رجرجة بسيطه فيها ولما بشيل رجلي من على الدواسة بتختفي ...ولما رحت لبتاع الكاوتش قاللي العجل عندك عايز رينجات علما باني جايب طقم كاوتش وجنوط جداد.......فحسيت انه بيشتغلني فهل كلامه صح ولا لأ. ويا ترى ايه ممكن يكون سبب المشكلة دي لأنها بصراحة ما كانتش بتحصل معايا قبل كده

لو انت رصصت الاربع فرد و لسه الرجرجة موجودة يبقى فعلا" محتاج تركب الرينجات ...

[mn_m7]

استفسار ضرورى من ملاك السيفيا انا معايا سيفيا 99 اوتوماتيك. فجأة وانا ماشى على سرعة الغيار الثانى لما جيت ازود بنزين لاقيت العربية مبتزودش سرعه ومابتسحبش بطلت العربية دقيقتين ولما جيت ادور مردتش تدور من اول مرة يا ترى ده فلتر بنزين ولا الطرمبه انتو ايه رايكم؟

[sherif77]

شكرا على فكرتك و يارب الكل يستفاد منها اعرفك بنفسى مع شريف نافع 35 سنة من المعادى اشتريت كيا سيفيا موديل 1996 من شهر 2012/03 و الحمد لله تمام بس فى مشكلة حصلت بسيطة كنت بحس ان الماتور بيعلى و يوطى روحت للكهربائى قال لى كهرباء زيادة و خلع الاوتيش من البطارية و لمسهم لبعض ثم ركبهم تانى فى البطارية و فعلا الماتور بقى طبيعى بس حصل ان الكاسيت مش اشتغل و طلب كود و مش عارف اشغله خالص لانه طلب كود اذا كان عندك حل برجاء الافادة على اميلى sherif_nafea@yahoo.com و جزاك الله كل خير

[black_louts2006]

المشاركة الأصلية كتبت بواسطة mn_m7 استفسار ضرورى من ملاك السيفيا انا معايا سيفيا 99 اوتوماتيك. فجأة وانا ماشى على سرعة الغيار الثانى لما جيت ازود بنزين لاقيت العربية مبتزودش سرعه ومابتسحبش بطلت العربية دقيقتين ولما جيت ادور مردتش تدور من اول مرة يا ترى ده فلتر بنزين ولا الطرمبه انتو ايه رايكم؟

بص يا سيدي هو ممكن يكون السبب حاجات معينه زي مثلا فيه حساس اسمه tps ده لو الفيشه بتاعه معلقه او بايظ العربيه تنقل لحد الغيار التاني بس ومتنقلش اكتر من كده حتي ولو زودت بنزين هاتلاقي الماتور صوته يعلى بس العربيه ما تسحبش انما لو الماتور صوته مش بيعلي يبقي كده بص علي الفلتر بتاع البزين انما حكاية النقل دي من حساس TPS

[fedodedo]

المشاركة الأصلية كتبت بواسطة m.noga حضرتك عندك مشكلة كدة في الكهرباء بتاعت العربية بتاكل بطارية ممكن اكشف حضرتك علي العربية الاول

كلام حضرتك فعلا صح واتأكدت من كده لما فصلت الأوطاش الموجب لما جيت اركن ونزلت تانى يوم أدور

العربية دارت الحمد لله .. كدا يبقى عندى تسريب كهربا وشكلى هكشف عليها كمبيوتر لكشف اعطال الكهربا ..

أصل الميكانيكى بتاعى عندوا حوالى 4 او 5 كمبيوتر