رابطة مالكي الكيا سيفيا فيد واستفد ( صداقة - نقل خبرات )

[sharooo]

المشاركة الأصلية كتبت بواسطة كيا سيفيا الاخ الفاضل حسام تحيه طيبه... من الواضح من ردك على بعض الاصدقاء انك فاهم كويس فى الميكانيكا ودى ميزة جميله فى حضرتك. علشان كده عندى سؤال : من كام يوم غسلت السيفيا معشوقتى فى محظة البنزين والعربيه خرجت زى الفل بدون اى مشاكل وبعد يومين بدأت لمبة الفرامل تنور بعض الشىء لمدة صغيرة دقائق بسيطه يعنى او اقل ثم تنطفىء لوحدها وبدون اى مشاكل فى العربيه او الفرامل وممكن يوم كامل لا تنور . فياترى ممكن يكون ايه ؟ وتقبل تحياتى

السلام عليكم
كده حضرتك لازم تفحص تيل الفرامل لانه بيكون متاكل ف المسافه بينه وبين الطنبوره بتكون كبيره ف كميه الباكم الازمه عشان توصل الماستر والتيل لغايه الطنبوره بتكون اكتر فتنقص من الخزنه ف العوامع تخلي اللمبه تنور في التابلوه
خلي بالك عشان لو اتاخرت في تغيير التيل الطنابير هتحتاج تتغير...وطنابيرها مش رخيصه

[sharooo]

المشاركة الأصلية كتبت بواسطة مجتهد اخ سامح باسمع صوت ونه فى الموتوروخاصة بعد ما بأمشى بيها شوية رغم أن سحبها وقوة الموتور كويس جدا بس الصوت ده بيضايقنى جدا وخايف أسال ميكانيكى يطلع أى كلام ويفتى فهل الكيا كده أرجو النصيحة

السلام عليكم
اعتقد انها احد الاحتمالات ده:
1-بليه اكس عجل
2-بليه دينامو
3-بليه شداد الكتينه
4-الكومبريسسور
5-طلمبه الباور
او ممكن تكون حاجه تانيه من جوا الفتيس(لو العربيه مانيوال)
والله اعلم

[طوفة]

شكرا لك على الموضوع الاكثر من رائع عندى مشكلة اشتريت عربية كيا سيفيا موديل 2000 من كم اسبوع ورحت اكشف عليها عن طريق الكمبيوتر الخاص بها بتاع الكمبيوتر فتح الكبوت ووصل الكبل فى الفيشة بتاع العربية ومفيش استجابة خالص يعنى العربية مش بتظهر على الكمبيوتر نهائى رحت لواحد ميكانيكى قال لى الالكترونى اللى راكب ده مش بتاع العربية وانا فاكر فعلا اللى اشتريت منه العربية قال لى انه مسقط لها مكنة كاملة نفس الموديل وغير الالكترونى كله طيب اية الحل فى الموضوع ده عشان ارجع الكشف عن الاعطال عن طريق الكمبيوتر مع العلم احيانا تنور لمبة الكمبيوتر فى التابلوه ولكن العربية شغالة زى الفل وماشية تمام بس انا من النوع اللى بحب كل شى على وضعه ولاحظت عند المشى على السرعات العالية مثلا لو عديت 120 بيحصل غربلة فى العربية يمين وشمال والاقل من السرعة 100 بترك الطارة خالص بتمشى العربية تمام دون الحدف يمين اوشمال معالعلم مركب جنوط اسبور جديدة 14 ومرصص العجل ارجو الافادة

[yahya elmasry]

للبيع سيارة كيا سيفيا موديل2000 كوري فابريكة من الداخل لم ترش من الداخل او الخارج كاملة جميع الكماليات تكييف سخن وبارد باور سنتر وانزار اربعة زجاج كهربا بالكاتلوجات موتور ممتاز مرخصة ثلاث سنوات حتي 9/2014 اللون اسود 1500cc مانيوال السيارة في الاسكندرية الاتصال للجادين فقط 01208261058

[midohema]

المشاركة الأصلية كتبت بواسطة sharooo السلام عليكمfficeffice" />

فعلا كانت دواسة الدبرياش بتعلق و كان السبب ماستر الدبرياش العلوى و الحمد لله العربية فاقت و ظبطت ... الف شكر