مساعدة في شد مازدا كيا 1976

[kimokareem]

المشاركة الأصلية كتبت بواسطة AbOnOrA هى عربيه جميلة وتستاهل تكون مشروع تعديل ان شاء الله ناجح بس الموضوع طبعاً محتاج صبر ووقت ومجهود ان شاء الله نرد على استفسارات حضرتك حسب الاستطاعة وطبعاً يشرفنا الرد دايما على استفسارتك 1- بخصوص السمكرية مفيش اكتر منهم وانا ممكن اوصفلك ناس فى الحرفيين او عين شمس 2 - موضوع الميكانيكى برضو مش عقدة ومش لازم يكون ميكانيكى مازدا تحديداً المهم يكون ميكانيكى شاطر وشغال فى اليابانى القديم عموماً لان كله نظام واحد وبرضو اقدر اوصفلك كذا واحد فى عين شمس 3- بالنسبة للاكسسوارات بتاعة العربيه وقطع الغيار هتحتاج منك لفه فى الحرفيين عند تجار الاستيراد وان مكانش تنزل الوكالة او عزبة شلبى اللى فى المطرية اكيد هتلاقى فى مكان من التلاتة ان شاء الله 4- بالنسبة للجنوط فديه حسب ذوق صاحب العربية طبعاً انت هتشوف المسامير بتاعتها نظامها ايه وهتجيب جنط يمشى مع الطنابير بس اصبر على الجنوط لحد ما تخلص العفشه خالص وتشوف العفشجى هينصحك بايه 5- بالنسبة للكهرباء برضو محلولة ان شاء الله فيه كهربائيه كتير كويسين 6- وبالنسبة لكراسى الطيارة ان شاء الله تركب وبعدين تعمل كسوة للكنبة اللى ورا وفرش للارضيات وسوليتكس الابواب وكل ده ممكن تعملة فى سبير كار او حد متخصص فى الفرش 7- نفس الكلام السابق محتاج لفة عند بتوع الاستيراد يا تلاقى عفشتها يا توفقلها عفشه 8- كل شىء ممكن بس المهم الاول تظبط العربيه ميكانيكا وكهرباء وتشوف الميكانيكى هيقولك ايه على تركيب التكييف وحاجتة واذا مفيش مشكلة فى الحوض هتجيب تكييف يابانى يونيفرسال وتركبة مفيش مشكلة 9- الاقتراح الاساسى زى ما قولت لحضرتك انك تشتغل فيها بصبر ونظام فانت الاول تظبط اساسيات العربيه ميكانيكا وكهرباء وعفشه وتلم حاجتها المطلوبة بعدين كل اللى بعد كده سهل

تسلم ايدك انا عندي سؤال معلش
انا معايا rx4 1974 عايز اشدها بردو بس الي محتاس في المتور عايز ماتور مازدا (rotary) 12a منين اجيبو متعرفش ؟؟

[Hisham.Elgazzar]

الموتور ده مش موجود فى مص ولا له قطع غيار اساسا
لازم تكلم تاجر قطع غيار يجيبلك اتنين
علشان يبقى عندك منه قطع غيار

او تركب لها موتور مازدا 626 او 929 هيبقى زى الفل

[AbOnOrA]

محمد حنفى
01225634933

بطرس شنودة
01001196221

دول ميكانيكا وعفشه ومكانهم فى عين شمس جسر السويس

بالنسبه للاكسسوارات اسال على اللى انت عايزة فى سبير كار
ده الموقع بتاعهم وفيه عناوين كل الفروع
http://www.sparecar.net/

وديه التليفونات
0127933331- 0127933332 - 0127933334 - 0127933335 - 0127933336