موضوع مهم بالصور عن تجربة ليا لدورة التبريد ونقص المياه عشان الكل يستفاد من اللى حصلى

[احمد على 1999]

بجد تسلم ايدك علي الموضوع الرائع
جميل جدا
و ان شاء الله الرادياتير ينجو

[aymangalal]

الف شكر على نقل التجربة وعمل موضوع مخصوص وكمان بالصور
طلبت ان الناس تدعيلك يارب الميه ماتنقصش تانى وانا شايف من كتر الدعوات ان الميه شكلها كده هايزيد ههههههههههههههههه
بص يا مان تجربة على تجربة حصل لى زي حضرتك كده من فتره (بالنسبة لتسريب الرادياتير) عربيتى ستروين ax مو 95 فرنساوى وبعشقها
وكنت لسه جديد فى السواقة واول مره يكون عندى عربية والحرارة عليت مره واحده ولله الحمد كنت قريب من البيت روحت وزودت لقيت الميه كلها فى الارض ...جرى على بالع الرادياتير (الله يكرمه) لق ان فى شرخ قديم وكان ملحوم واللحام طق ... عادى يعنى شال اللحام القديم ولحم على نضافة (انا كده كده كنت عامل حسابى اجيب جديد او استيراد) وجد فى الامور اولويات واضطريت ااجل ومشيت على كده فتره وكل ما الميه تنقص ازود حجه بسيطة واعتبرتها من ضمن الاساسيات اللى براجع عليها قبل استخدام العربية وكنت اسمع ان فى عربيات بتقعد بالشهور من غير تزويد طبعا لان دايرة التبريد محكمة ولكن فى عيب فى ترك الميه طول الفترة دى(شهور تكاد تبقى سنه) ان الاملاح بتترسب وتسد وتاكل فى الردياتير ومع الوقت يبتدى يعمل تسرب مش بتشوفه ولا تحس بيه لانه ماوصلش لتسريب الميه نفسها لأ ده بيسرب بخار الميه الى بتوصل لدرجه الغليان طبعا فا يتهيألك ان الرادياتير مخروم وبيسرب ميه .....
فهمت كده من كتر تكرر المواقف وكل مره اغير الميه واغسل الرادياتير(دورة غسيل) كنت بشوف الصنايعى شغال ازاى وبيفك ويركب منين غاية ما جه وقت تجديد(شد العربية) من ضمن شغل السمكرة كان لازم افك الرادياتير واول مره افك واركب واكبس واسحب هواء واشغل وكله تمام بأمر الله ومن هنا
فهمت اكتر لما عملت الحاجه بنفسى .... وبالتكرار والتجربه بقيت اصينه بنفسى لدرجة انى اتعرضت لموقف برده بسبب الرادياتير وعملت له موضوع اسمه (خد لك صابونه) اتعلمت يكون معايا صابون لطوارىء التسريب وفعلا حصل ان الشرخ فتح تانى وانا ع الدائرى وسديت الشرخ بصابون مؤقتا لغاية ما اروح اشوف الموضوع ده على رواقه
وفكيت تانى ولحمت بـ R&D او ايبوكسى ده لحام للمعادن عموما وقوى والحمد لله مازال شغال ولسه الكلام ده من يومين لغاية ما اجيب واحد تانى
المهم بقى واللى عايز اوصل له ان الميه الخاصة بالرادياتير ماهياش حامية الحمى يعنى مش دى اللى بتحافظ على الرادياتير بالمعنى الشائع وكل ما فيها ان اضرارها اقل من الميه العادية بسبب قله المواد او المركبات المكونة للاملاح اللى بتاكل معدن الاردياتير واللى بتسد المواسير
الحل الاكيد ماتسيبش الميه كتيييييير فى الرادياتير ومن وقت للتانى فضىه واملاه تانى ومش شرط تجيب ميه معينه او غالية بالعكس استرخص عشان هاتفك قريب وترمى وتعبى جديد وده اللى بعمله جركن بـ 25 زى الفل بتستخدمة على مرتين او ازازة بـ 7 جنية وتكمل ميه عادية
انا حاسس بهدفك وانك عايز الحاجه مظبوطة بالثانية لكن لو قدمت ا اخرت دقيقة ماتقلقش مافيهاش ضرر وحاول بقى بعد تجربتك دى تصين (تعمل صيانه فك وتركيب وسحب هواء وملو ) بنفسك وان شاء الله النتيجه هاتعجبك وتبسطك جدا وتابع كالمعتاد وماتقلقش برضه كالمعتاد
وكل ضرر عدم كفاءة دورة التبريد وزيادة الحرارة تلف وش السلندر لا قدر يعنى الرادياتير والتبريد وسيله للحفاظ على الموتور مش هدف فى حد ذاته
شكرا مره تانية على الافادة وعمل الموضوع
وروح يا شيخ ربنا ما ينقص لك ميه
ههههههههههههههه

[memodina1]

المشاركة الأصلية كتبت بواسطة احمد على 1999 بجد تسلم ايدك علي الموضوع الرائع جميل جدا و ان شاء الله الرادياتير ينجو

ان شاء الله وشكرا لمشاركتك والله انا بعتز بيها جدا

[memodina1]

المشاركة الأصلية كتبت بواسطة aymangalal الف شكر على نقل التجربة وعمل موضوع مخصوص وكمان بالصور طلبت ان الناس تدعيلك يارب الميه ماتنقصش تانى وانا شايف من كتر الدعوات ان الميه شكلها كده هايزيد ههههههههههههههههه بص يا مان تجربة على تجربة حصل لى زي حضرتك كده من فتره (بالنسبة لتسريب الرادياتير) عربيتى ستروين ax مو 95 فرنساوى وبعشقها وكنت لسه جديد فى السواقة واول مره يكون عندى عربية والحرارة عليت مره واحده ولله الحمد كنت قريب من البيت روحت وزودت لقيت الميه كلها فى الارض ...جرى على بالع الرادياتير (الله يكرمه) لق ان فى شرخ قديم وكان ملحوم واللحام طق ... عادى يعنى شال اللحام القديم ولحم على نضافة (انا كده كده كنت عامل حسابى اجيب جديد او استيراد) وجد فى الامور اولويات واضطريت ااجل ومشيت على كده فتره وكل ما الميه تنقص ازود حجه بسيطة واعتبرتها من ضمن الاساسيات اللى براجع عليها قبل استخدام العربية وكنت اسمع ان فى عربيات بتقعد بالشهور من غير تزويد طبعا لان دايرة التبريد محكمة ولكن فى عيب فى ترك الميه طول الفترة دى(شهور تكاد تبقى سنه) ان الاملاح بتترسب وتسد وتاكل فى الردياتير ومع الوقت يبتدى يعمل تسرب مش بتشوفه ولا تحس بيه لانه ماوصلش لتسريب الميه نفسها لأ ده بيسرب بخار الميه الى بتوصل لدرجه الغليان طبعا فا يتهيألك ان الرادياتير مخروم وبيسرب ميه ..... فهمت كده من كتر تكرر المواقف وكل مره اغير الميه واغسل الرادياتير(دورة غسيل) كنت بشوف الصنايعى شغال ازاى وبيفك ويركب منين غاية ما جه وقت تجديد(شد العربية) من ضمن شغل السمكرة كان لازم افك الرادياتير واول مره افك واركب واكبس واسحب هواء واشغل وكله تمام بأمر الله ومن هنا فهمت اكتر لما عملت الحاجه بنفسى .... وبالتكرار والتجربه بقيت اصينه بنفسى لدرجة انى اتعرضت لموقف برده بسبب الرادياتير وعملت له موضوع اسمه (خد لك صابونه) اتعلمت يكون معايا صابون لطوارىء التسريب وفعلا حصل ان الشرخ فتح تانى وانا ع الدائرى وسديت الشرخ بصابون مؤقتا لغاية ما اروح اشوف الموضوع ده على رواقه وفكيت تانى ولحمت بـ R&D او ايبوكسى ده لحام للمعادن عموما وقوى والحمد لله مازال شغال ولسه الكلام ده من يومين لغاية ما اجيب واحد تانى المهم بقى واللى عايز اوصل له ان الميه الخاصة بالرادياتير ماهياش حامية الحمى يعنى مش دى اللى بتحافظ على الرادياتير بالمعنى الشائع وكل ما فيها ان اضرارها اقل من الميه العادية بسبب قله المواد او المركبات المكونة للاملاح اللى بتاكل معدن الاردياتير واللى بتسد المواسير الحل الاكيد ماتسيبش الميه كتيييييير فى الرادياتير ومن وقت للتانى فضىه واملاه تانى ومش شرط تجيب ميه معينه او غالية بالعكس استرخص عشان هاتفك قريب وترمى وتعبى جديد وده اللى بعمله جركن بـ 25 زى الفل بتستخدمة على مرتين او ازازة بـ 7 جنية وتكمل ميه عادية انا حاسس بهدفك وانك عايز الحاجه مظبوطة بالثانية لكن لو قدمت ا اخرت دقيقة ماتقلقش مافيهاش ضرر وحاول بقى بعد تجربتك دى تصين (تعمل صيانه فك وتركيب وسحب هواء وملو ) بنفسك وان شاء الله النتيجه هاتعجبك وتبسطك جدا وتابع كالمعتاد وماتقلقش برضه كالمعتاد وكل ضرر عدم كفاءة دورة التبريد وزيادة الحرارة تلف وش السلندر لا قدر يعنى الرادياتير والتبريد وسيله للحفاظ على الموتور مش هدف فى حد ذاته شكرا مره تانية على الافادة وعمل الموضوع وروح يا شيخ ربنا ما ينقص لك ميه ههههههههههههههه

يا راااااااجل ههههههههههه والله ضحكتنى بجد وربنا يباركلك وفعلا هو انا بحب الحاجة بالثانية بس اللى وضحلى انى اى عربية من 5 سنين غير 8 غير 10 بلاحظ انى كل فترة بعيدة محتاج تغيير حاجات بالتدريج انا كنت فاكر انى لما اجيب زيرو هديها لعيالى يبتدوا يغيروا فيها ههههههه بس عرفت وفهمت كتيير من المنتدى بس الحمد لله انها جت على اد كدة وربنا يوفك ورمضاان كريم عليك وعلينا

[memodina1]

المشاركة الأصلية كتبت بواسطة nadenono ماتخافش يا باشا حتى لو الرادياتير فيه حاجة إطلع على عطية بتاع الرادياتير في المدينة الصناعية المدخل الكبير أول واحد على اليمين و كل حاجة حاتتظبط معاك و بدون خسارة المية اللي في الرادياتير و بالمرة ينضفلك الدورة تنضيف كامل علشان لو كان الملح مترسب في المحرك و ده كله حايتكلف 40 جنيه و ربنا يحميهالك

شكرا يا ريس بس تحسبا للظروف الراجل دا ثقة ولا اية وربنا ما يجيب حاجة وحشة