ازاي تقنع البوب او الحاج او ابوك بانك تجيب موتوسيكل؟؟؟؟

[mar mar]

: THUMBS~220::T HUMBS~220:

[ahmed_zamalek7]

المشاركة الأصلية كتبت بواسطة Jack Box ههههههههههه طبعا كتير مننا نفسهم يجيبوا موتوسيكلات وابوهم بيرفض تماما الخطوات بقي اللي جايه دي ازاي تقنعه مهما كانت شخصيته صعب زي ما انا كنت بعاني زمااااان والتجارب شخصيه ومجربها بنفسي وقولت لزمايلي عليها ومجربينها كويس وجايبه نتيجه زي الفل. خطوات اقناع المعلم : 1- تملي حيطه الاوضه بتاعتك بصور الموتوسيكلات . 2- طول اعدتك ادام التليفزيون تبقي عروض موتو جي بي بس خلي بالك ميكونش فيها حوادث عشان ميرجعش لعقله. 3- لو بيقعد علي الجهاز بتاعك حط كل يوم باك جراوند شكل اظرفوا خلفيات موتوسيكلات . 4- كل ما تحس انه داخل عليك الاوضه شغل فيديو موتوسيكلات او العب جيم رود راش مثلا . 6- خلي حد من اصحابك يتصل بيك في مره وانتا جمبه واعدوا اتكلموا عن اي حاجه في الموتوسيكلات المهم ياخد باله من كلامك . 7- لو بتشتغل حسسه انك بتشيل فلوس عشان الموتوسيكل . 8- زق ست الحبايب عليه كل شوية . 9-هاتلك تي شيرتين عليهم موتوسيكل او اتصور علي موتوسيكل من بتوع اصحابك واطبع الصوره علي تي شيرت ( علي فكره تجربه مقنعه جداااااااااااااا). 10- روح طلع الرخصه قبل ما تجيب الموتوسيكل وفاجاه انك طلعتها وقوله اصل جت ادامي فرصه . 11- اهم حااااااااااجه طول مانتا ماشي معاه في الشارع وعدي من جمبك بايك اقعد بص عليه ولو راكب جمبه العربيه طلع دماغك من الشباك لحد ما الموتو يختفي عشان تحسسه اد ايه انتا متعلق بيه. 12 - لو المساله معجزه مع الحاج في الفلوس اطلب منه انه يدخلك جمعيه . 13- حاول تجيب خوذه بتاعه واحد صاحبك تحطها يومين كده منظر في البيت . 14- خد الحاج علي حجرك اليومين دول اوي وكل واحد عارف يدخل للكينج منين وشيل بقي النغمه اللي انتا مخصصهاله علي الموبايل اللي هي ( ابويا اتحرق هي هي ابويا اتحرق - او سرينه الحكومه وخلافه ) وحطله اغنيه هو بيحبها وخليه يسمعها. دول بقي الوصايا ال 14 عن تجربه شخصيه وخليت اصحابي يجربوها ونجحت جداااااا النصايح دي من دمااااااغي كلها والله بتجيب من الاخر ....... ها مين اول واحد اقنع البوب ..........

انت غلبان خالص بقى ده كله عشان تجيب ريس بس انا عملت كده عشان اجيب العربيه كنت اول مصحى اسئل على جرنال العربيات وقعد اوريه فى الجرنال وقله يابخت الناس ديه وساعات كنت اقله صاحبى الفلانى جاب عربيه ايه تمام وهو ولا حد جاب ولا حد هيجيب لغايه مجبلى العربيه ال انا عايزها والحمد الله وبفكر اشوف موضوع الريس ده وربنا يكرم

[Jack Box]

المشاركة الأصلية كتبت بواسطة ahmed_zamalek7 انت غلبان خالص بقى ده كله عشان تجيب ريس بس انا عملت كده عشان اجيب العربيه كنت اول مصحى اسئل على جرنال العربيات وقعد اوريه فى الجرنال وقله يابخت الناس ديه وساعات كنت اقله صاحبى الفلانى جاب عربيه ايه تمام وهو ولا حد جاب ولا حد هيجيب لغايه مجبلى العربيه ال انا عايزها والحمد الله وبفكر اشوف موضوع الريس ده وربنا يكرم

في غيرك اهاليهم بتخاف عليهم ومش بالساهل تجيبلهم الموتوسيكل
وفي نقطه هوضحالك انتا بتقول انا غلبان خالص بقي ده كله عشان اجيب ريس ..؟؟ انا اولا بغير كل فتره موتوسيكل من جيبي الشخصي مش مستني حد يديني مصروف اجيبه

[eng.moustafa nasr]

السلام عليكم
مع ان اولادى صغيريين ومش بيدخلو على النت
لكنهم ..... سبحان الله بيعملو كده ههههههههههههه
وبيشتغلو على البور بوينت و احلى عرض للموتسيكلات لحد ما حبيت اجيب واحد لنفسى
ههههههههههههههههههههههههه ههههههههههههههههههههههههه ههههههههه
اخى الغالى كل اب بيخاف على اولاده مش اكتر
و الموضوع متميز جدا
: 018A1D~146:

[ahmed_zamalek7]

المشاركة الأصلية كتبت بواسطة Jack Box في غيرك اهاليهم بتخاف عليهم ومش بالساهل تجيبلهم الموتوسيكل وفي نقطه هوضحالك انتا بتقول انا غلبان خالص بقي ده كله عشان اجيب ريس ..؟؟ انا اولا بغير كل فتره موتوسيكل من جيبي الشخصي مش مستني حد يديني مصروف اجيبه

على فكره انا كنت بقولها بهزار عادى وكمان ربنا يديك ويرزقك يارب وتغير ريس واتنين وتلاته