|
#146
02-08-2010, 03:15 AM
|
|||
|
|||
رد: أدب الرحلات
ههههههههههههههههههههههههه ههههههههههههههههههههههههه دا راجل عبقري يعني مش عارف يقول نكت غير في الوقت دا 
|
|
#147
02-08-2010, 03:44 AM
|
||||
|
||||
|
رد: أدب الرحلات
مستمرين بعون الله
مرة مسافر طنطا ولقيت سواق اتا عارفه ازيك ياعم احمد ازيك ياباشا تعالى اركب جنبى فانا بينى وبينكم م صدقت لان تجربة ركوب الجرار دى كان نفسى اعملها بجد وياريتنى م عملتها الجرار الالمانى القديم ده جرار قوى جدا رغم انه دخل الخدمة مابين اعوام 1972 و1979 وصوته عاااااااااااااااااااااااا الى جدا والله يكون فى عون السواقين المنظر من جوه الجرار حاجة تانية وانت جوه القطار بتتفرج على الخضرة والغيطان والطريق السريع لكن فى الجرار انت بتشوف سكك بتدخل جوه بعضها ومرة جنب بعضها ومرة تتقاطع مع بعضها مش شايف غير سكك حديد فقط ويقابلك قطار انت شايفه جاى من بعيد عليك صغير اوى وبيقرب ويبتدى يكبر لحد م ييجى ناحيتك لكن وانت جواه تفاجا بيه معدى من جنبك وشوية والمساعد بتاع السواق طلع الشيشة وسخان الشاى ايه ياعم اللى بتعملوه ده فقالو متخافش ياعم وشرب عم احمد واتكيف ومخمخ لكن بصراحة مستحملتش الدوشة ونزلت بنها ورجعت اجرى وركبت جوه وعم احمد ينادى ويقول خدتعالى فقلت يفتح الله ياعم دماغى باظت انتو بتشتغلو كده ازاى فضحك وقال علشان تعذرنا فقلت له هكلم وزير النقل كل رحلة يصرف لكم قرش حشيش تعمرو بيه الجمجمة فقال لا ياراجل حرام عليك الحشيش غالى احنا راضيين بسيجارتين بانجو بس ههههههههههههه
|
|
#148
02-08-2010, 03:57 AM
|
||||
|
||||
|
رد: أدب الرحلات
من اصعب المواقف اللى مرت عليا
كنت راكب الاسبانى اللى رايح اسوان وكنت قاعد جنب الشباك وجينا بعد بلد اسمها مغاغة (أول مراكز المنيا/بلد وزير التعليم السابق /طه حسين) ولقيت دم غزيييييييييييييييييييييير جدااااااااااااااااا مغطى الشباك ونازل منهم بغزارة وانا قمت جرى وواحدة شافتنى قمت جرى وبصت جنبى وصوتت واغمى عليها جريت على رئيس القطار بلغته وسأ ل على رقم العربية وقلت له وبلغ مباحث القطار ومكانش نظام اللاسلكى موجود وقتها وجريت مع رئيس القطار على اول عربية ومنها على عربية المواتير وقعدنا نخبط على الجرار وانا لقيت خشبة فى عربية المواتير(المولدات/الباور) ووقفت بين العربية والجرار ومسكت جاااامد فيها وبالخشبة هات ياتخبيط على الجرار لحد مساعد السائق م اأخد باله وسأل فى ايه ولقى رئيس القطار بيشاور له فوقف ونزل وسأل / فى ايه لان تعطيل القطار جريمة أمن دولة وبالعافية اقنعناه يوقف القطار وجرينا على العربية من بره وكانت المفاجأة عسكرى غلبان مسطح فوق القطار (غلطان طبعا ) وكوبرى قريب من القطار طيره تماما لاننا لقينا بقايا الجثة رحمة الله عليه
|
|
#149
02-08-2010, 04:15 AM
|
||||
|
||||
|
رد: أدب الرحلات
وده من أطرف المواقف
مرة ركبت القطار من اسوان المهم ركبو مجموعة بنات من قنا وواضح انهم طلبة جامعة وعايشين فى دور رحلة (مش عايز اقول مايصين ومزودينها ) وهااااات ياضحك وتهريج مع مجموعة شباب بطريقة بايخة ولا كأننا فى امريكا مش راكبين من قنا (ونزلو المنيا يعنى للاسف صعايدة وان كان جدى الله يرحمه بيعتبر الصعيد يبدأمن اسيوط وكل اللى قبلها بحرى ) مما أثار استياء الركاب كلهم المهم حصل ما كنت ابحث عنه لقيت فار سيسى صغير طلع القطار متفهمش ازاى وزقيته برجلى ناحية الشلة دى وحصل صويت وهيصة ورعب ولا كأننا فى فيلم دراكولا وده ينط و دى تجرى وده يزعق المهم الفار واضح انه مش فاهم الناس دى زعلانة من ركوبه القطار ليه ولقيته جاى ناحيتى وبصراحة كان ممكن ادوس عليه اموته لكن قلت خلينا نتسلى عليهم شوية وبرجلى زقيته ناحيتهم من غير حد م ياخد باله وهما شافوه ظهر تانى وصراااااااااااخ وعويل وجنازة حارة والسبب فار صغير والنكتة ان واحد جرىعلى مباحث القطار وبيشتكى وطبعا اتريقو عليه ووعدوه انهم هيشوفو الموضوع ورئيس القطار جه يجرى ومخبى الضحك بالعافية وجه جنبى فقلت له الفار ده قاطع تانية وراكب اولى فمسك نفسه بالعافية روحت لاحقه بالكبيرة وقلت له انت مش مصدق ؟ ده انا شايف تذكرته بنفسى وهنا انفجر فى الضحك بعد اعصابه م هديت قال اسكت بقى هيشتكونى المهم واحنا بنتكلم الفار وقف على جزمتى متفهمش ايه اللى كان مخليه كل شوية جاى لى وبالراحة وانا واقف ورا الكمسارى روحت مطيره مسافة نص مترلفوق ولادام وهما بيدورو عليه من الناحية التانية فنزل على دماغ واحدة منهم واغمى عليها فيييييييييييييييين على م تم القبض عليه واغتياله كان القطار بقى عبارة عن سيرك لكن بعد الحدوتة دى القطار كان مشى من سوهاج ولحد المنيا و دى مدة حوالى 4 ساعات الا ربع وشوية التافهين دول مبينطقوش ومناظرهم تدل على انهم كانو فى معركة وباقى القطار هااااااات ياتريقة عليهم لحد م نزلو المنيا
|
|
#150
02-08-2010, 04:41 AM
|
||||
|
||||
|
رد: أدب الرحلات
مرة ركبت لقيت وكيل نيابة فانا جيت لقيته قاعد على الكرسى بتاعى( قبل م يعملو نظام الحجز ليهم لان كان الأول بيسيبو 25 كرسى فى القطار بدون حجز ووكيل النيابة يطلع يدور علي كرسى يقعد عليه ) فقلت سلام عليكم فقال / بألاطة وغلاسة / نعم
فقلت الكرسى بتاعى فقام وقعد جنبى وراح حاطط رجل على رجل ناحيتى بطريقة بايخة ولاجل القدر نزلنا بنى سويف احنا ال2 خلصت شغلى ورجعت على المحطة وجيت اركب لقيته واقف فافتكرت حكاية الغتت اللى ركب معايا من القاهرة ورجع معايا من بنى سويف (حكيتها من حوالى 3 صفحات ) وقلت ايه هيا هتتكرر والا ايه المهم ركبت وقعدت على الكرسى بتاعى ولاجل القدر وسبحان الله القطار كله كان محجوز وراح جاب رئيس القطار شاف كل تذاكر القطار ولقاه كله محجوز واستعجب ازاى مفيش كراسى احتياطى ورئيس القطار فرز القطار كله مرتين انه يلاقى واحد مش حاجز علشان يقومه مفيش فايدة ولقيت صاحبنا جاى ناحيتى ياأخى تحس انى غلبان وممكن ينضحك عليا وقال بابتسامة صفرا مساء الخير يابا شا فقلت اهلا وسهلا فقال ممكن نقعد سوا نبدل يعنى فانا انكسفت وقلت ماشى وراح قاعد على دراع الكرسى وهاااااااااااااات يارغى فقلت ده مش هيبطل صداع الا اذا قعد وروحت قايم ومقعده ياباشا خليك انا / لا والله شكلك محتاجها فضحك ومتناهاش ( يعنى مقالهاش تانى) متشكر ياباشا وراح جارى على الكرسى ونااااااااااااااااااااااا ااااااااااااااااااااااااا ااااااااااااااااااااااااا ااااااااام صحى فى الجيزة وقال اتفضل ياباشا لامؤاخذه نمت انا / ياعم ولايهمك بسيطة طيب كمل نوم فاضل 10 دقايق على مصر فقال /معلش اصلى نازل الجيزة فغاظنى يعنى انت لو كنت نازل مصر كنت هتكمل نوم لكن والشهادة لله قابلنى مرة تانية فانا ضحكت فسلم عليا واعتذر وقال المرة اللى فاتت انا كنت تعباااان جدا وكان عندى تحقيق طويل وقضية عويصة ومتهم ذكى جدا ومحامى اذكى منه و...و.....و......وووووووو وانا حسيت بدخان طالع من دماغى قلت ياريته م اعتذر
|
 |
|
|
