ليه بتحبو ال128 وبتكرهو الادا ؟

[hazem_khidr]

حرام عليك ياعم حازم انت محسسني ان ال 128 دي مرسيدس

اهلا و سهلا بيك
انا ماقولتش ال 128 مرسيدس بالعكس ليها عيوب برضه
بس عيوبها مش قاتله حتي لو الشاسيه بتاعها فتح
بعكسي اللادا و مشكله بيض الدركسيون الشهيره

انا كان عندي علربيه 128 موديل 1989 1300 سي سي وبعنها واشتريت لادا 1995 1200 سي سي الحاجه الوحيده اللي بتتميز بيه ال 128 انها صغيره وفيها اسكاترا اي كلام بتخفف العربيه سنه بسيطه خالص

جايز تكون ال128 اللي كانت معاك حالتها مش قد كده و خصوصا انك جايبها مستعمله مش جديده و بعدين فرق 6 سنين في العمر بين عربيه و التانيه مش شويه برضه
دا انهارده بتركب الكورولا ال 2004 و تركب الكورولا ال 2007 تحس بفرق بين العربيتين
رغم انهم نفس الموديل و نفس الشاسيه و نفس كل حاجه فما بالك باللادا و ال 128!!!!

انما لاهي واسعه دي مفيهاش الا كرسيين قدمانيين جرب تقعد علي الكنبه اللي ورا في 128 كده ابقي قابلني لو عرفت

المساحه الاماميه اكبر و المساحه الخلفيه قد اللادا او اقل قليلا
و لا تنسي ان بالرغم من صغر حجم ال128 فهناك مساحه معقوله للركاب و الامتعه لان
20% فقط من السياره للموتور و الات الجر و 80% للركاب
بعكس اللادا ذات الجر الخلفي
فالموتور بالطول و بالتالي حجم الكابود اكبر و الفتيس مثبت تحت السياره مما ينتقص من المساحه
المخصصه لارجل الركاب في المقاعد الامايه
و تستكمل منظومه الدفع الخلفي بعمود الركردان و الكارونه مما يستلزم مساحه مقتطعه من الكابينه لهذه المنظومه
فبالتالي اللادا في المساحه الداخليه ان تفوقت علي 128 فانها تتفوق بفارق ضئيل
و للعلم فهذا الكلام ايضا يقال علي الشاهين كي لا تقول اني متحامل علي اللادا

وبعدين مش عاججبك عافشة اللادا وبتنصح بالشاهين اللي كله بيشتكي من عفشتها

يا تري مين اللي بيشتكي من عفشه الشاهين؟؟
لو حد في يوم اشتكي من عفشه ال 131 اسطوره عصرها يبقي ممكن الاقي حد بيشتكي من عفشه الشاهين
و للعلم
منظومه التوجيه بالشاهين تعتمد علي الجريده و البنيون(سكاترا ) مما يؤدي الي مرونه الدركسيون عموما
بعكش النظام القديم للادا الذي يعتمد علي نظام الترس و الدوده علي ما اتذكر
علاوه علي مشكله بيض دركسيون اللادا

عيب اللادا الوحيد تقل الدركسيون ولا بيض ولا اي حاجه من الكلام ده

بيض الدركسيون من احد عيوب اللادا الرئيسيه
و الكلام اللي بقوله ببقي متأكد منه


ختاما
اللادا مبنيه علي شاسيع ال 124
و الشاهين مبنيه علي شاسيه ال 131
و في الاساس ال 131 كانت نازله بديله لل 124
بالتالي الشاهين احدث من اللادا
و لا مجال للمقارنه بينهم

[pro mada]

كلامك في الجون يا حازم
الله ينور يا باشا

[luckyman]

سيبك من الشكل والقوة الخ لكن لو اخذ فى الاعتبار نسبة القوة للوزن تتفوق الفيات على اللادا كمان فى عامل فى منتهى الاهمية لكن محدش بيحس بية كتير او بياثر معاه من غير ما يكون مذكور وهو سهوله التحكم والقيادة الفيات 128 اسهل لكن اللدا بتحس بارهاق وكانك فى دبابة مش سهله فى القيادة والركن والتوجية والمناورة الخ واحتراماتى وشكرا

[hamdyghazal]

على فكرة يمكن يمكن القيادة بسهولة فى اللادا عند تزويد الكاوتش 45 مثلا . لكن جمال الادا ومتعتها وهى محملة .وشكرا

[atgps]

المشاركة الأصلية كتبت بواسطة hazem_khidr حقولك حاجه مش موضوع حب ولا كره ال 128 لو بصيت لها حتلاقي ان موتورها كامه علويه و بالتالي صوتها انعم و اهدي من اللادا غير انها اقوي بمراحل من حيث الموتور (هات عربيه لادا 1500 و عربيه 128 1300 و خليهم يتسابقوا) حتلاقي اللادا صوتها بيعلي بس لكن ال 128 حتلاقيها زي الطلقه دا طبعا في حاله ان العربيتين حالتهم كويسه. دركسيون ال 128 زي الجديد كله معمول علي سكترا(الجريده و البنيون) و دا نظام يعتبر اول ما نزل كان في ال 128 (كانت سابقه عصرها بجد و جميع السيارات الحديثه تم اقتباسها من تصميم ال 128 الاصلي مع التعديلات طبعا) الوسع الداخلي تقريبا نفس الوسع ان لم تكن ال 128 اوس في بعض الاماكن نتيجه لاعتمادها علي الدفع الامامي مما جعل نصيب الركاب و الامتعه من السياره لا يقل عن 80% في مقابل 20 % للموتور. تعالي بص علي اللادا عربيه خشنه و صوت موتورها عالي و العيب العظيم بتاعها اللي باقلهم 30 سنه بينتجوها و مش عارفين يعالجوا العيب دا هو بيض الدركسيون اللي بيملص في اي وقت منك و تلاقي الفرده اتلوحت لجوه و تقف مكانها و لازم تجيب عفشجي يعملهالك و هي واقفه و ما ينفعش تحركها متر واحد. من الاخر عاوز عربيه ناعمه و لذيذه في السواقه يبقي ال 128 عاوز عربيه تدخل بيها الصحرا بس تاخد بالك من موضوع بيض الدركسيون يبقي اللادا عاوز تجمع بين مميزات الاتنين و تتلافي عيوبهم في نفس الوقت يبقي الشاهين

كلامك 100 100 ياحازم باشا
أنا أعرف ناس كانوا بيغيروا البيض فى اللادا مع تغيير البوجيهات ptmnlo123per160
وعلى فكرة اللادا غير محبوبة بالمرة فى بلدها
بس موضوع السكترا فأنا كان عندى سيارة منذ زمن طويل "تريومف كابورليه" موديل 1962 وكانت على سكاترا أى قبل الـ 128 بزمن طويل.