|
المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
أدوات الموضوع |
#1
|
أوفردرايف .... يعني إيه ؟؟
بعض العربيات الأوتوماتيك فيها أوبشن الـ"أوفردرايف"، وده عبارة عن "زرار" غالبا موجود على عصاية الفتيس أو ممكن يكون موجود في التابلوه قريب من الفتيس برضو
هو الزرار ده بيعمل إيه؟؟؟ للأسف فيه مفهوم خاطئ (واضح إنه منتشر) عن سبب وجود الأوفردرايف... ناس كتير فاهمة إنه بيساعد إنك تسقط نقلة وتشد بالعربية الحقيقة إنه العكس تماما خلينا نرجع لطريقة قيادة الفتيس الأوتوماتيك الأوضاع الموجودة في الفتيس اللي فيه أوفردرايف هي: (P) باركنج (الركن)، وده الوضع اللي بنستخدمه لما بنركن العربية (R) ريفيرس (العكسي)، وده وضع المارشدير (N) نيوترال (الحيادي)، وده وضع الحياد أو (المور) (D) درايف (القيادة)، وده وضع القيادة العادي، وفيه يتم تشغيل التروس الأول والتاني والتالت (2) سكند (الثاني)، وده وضع القيادة اللي مش عايزين نشغل فيه الترس التالت (أول وتاني فقط) (L) لــــو (المنخفض)، وده الوضع اللي بيشغل الترس الأول بس أمال الترس الرابع بيشتغل إمتى؟؟؟؟؟ أصل زمان ما كانش فيه ترس رابع، ولما بدأ الترس الرابع ينزل في العربيات، عملوا الأوبشن دي، والظاهر ما لقوش تسمية بعد الدرايف.. فسموها أوفردرايف بس الأوفردرايف مش ترس أساسي في علبة التروس (يعني مش ترس أساسي؟؟ مش هو موجود في الفتيس برضو؟؟) في معظم الأحوال... ترس الأوفردرايف ماكانش موجود جوه الفتيس، وكان عبارة عن ترس إضافي بيتركب على جسم الفتيس أبو 3 تروس، وكان الغرض منه راحة الموتور والتوفير في الوقود. الترس التالت هو الترس اللي حيوصل العربية للسرعة القصوى بتاعتها، إنما ترس الأوفردرايف مش حيقدر، لإن عزم الموتور مش حيقدر يرفع سرعة العربية بعد سرعة معينة، وغالبا حتبقى أقل من السرعة القصوى بحاجة بسيطة، بس حيمشي العربية كويس على سرعات متوسطة (100 - 150 كم/س) ويوطي لفات الموتور كلمة أوفردرايف ممكن تتقال في الفتيس المانيوال برضو لو كان الترس الخامس مش بيخلي العربية توصل للسرعة القصوى بتاعتها والغرض من وجوده مجرد التوفير في الوقود آخر حاجة عايز أقولها علب التروس اللي فيها أوفردرايف تعتبر حاليا تكنولوجيا قديمة، لإن علب التروس الجديدة فيها 5 سرعات و6 سرعات وكمان وصلت لـ7 سرعات، بالإضافة لتكنولوجيا الستيبترونيك ... بس لازم نتكلم عليها مادام فيه عربيات موجودة وفيها الأوبشن ده زي العربيات الياباني (ومنها النيسان صني مثلا) اللي عايز يعرف أكتر عن الأوفردرايف ممكن يدخل على الروابط دي http://en.wikipedia.org/wiki/Overdrive_(mechanics) http://auto.howstuffworks.com/automa...nsmission8.htm ... |
#2
|
|||
|
|||
رد: أوفردرايف .... يعني إيه ؟؟
الف شكر تسلم ايدك
|
#3
|
|||
|
|||
رد: أوفردرايف .... يعني إيه ؟؟
ماختلفناش الزرار دة لما تدوس علية وىنور التابلوة معناة ان الأوفر درايف ملغى وانك بتسقط نقلة وبتشتغل لحد التالت فقط فالعزم يزيد وتشد لو عايز تخطى عربية مثلا
|
#4
|
|||
|
|||
رد: أوفردرايف .... يعني إيه ؟؟
تسلم إيدك يا باشا
__________________
✓ مـثل صيـنـي يقول : " إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول " تحياتي @ واحد من الناس @ |
#5
|
|||
|
|||
رد: أوفردرايف .... يعني إيه ؟؟
شكرا على المعلومه المفيده
|
الكلمات الدليلية |
أوفردرايف، موفر الوقود، أوتوماتيك، فتيس |
|
|